10 شىلدە 2013 جىل, استانا قالاسى
عىلىمي-مەديتسينالىق ساراپتاما وتكىزۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى»
2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 64-بابىنىڭ 2-تارماعىنا سايكەس بۇيىرامىن:
1. قوسا بەرىلىپ وتىرعان عىلىمي-مەديتسينالىق ساراپتاما وتكىزۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ عىلىم جانە ادامي رەسۋرستار دەپارتامەنتى (ا.ءا. سىزدىقوۆا) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن.
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (د.ە. اساينوۆا) وسى بۇيرىق مەملەكەتتىك تىركەلگەننەن كەيىن, ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
4. «عىلىمي-مەديتسينالىق ساراپتاما وتكىزۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 12 قاراشاداعى № 696 بۇيرىعىنىڭ كۇشى جويىلدى دەپ تانىلسىن (نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 5940 بولىپ تىركەلگەن, قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتiك ورگاندارىنىڭ اكتiلەر جيناعىندا جاريالانعان, 2010 ج., № 7).
5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.
6. وسى بۇيرىق ونىڭ العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر س. قايىربەكوۆا.
قازاقستان رەسپۋبليكاسى دەنساۋلىق ساقتاۋ ءمينيسترىنىڭ
2013 جىلعى 10 شىلدە № 397 بۇيرىعىمەن بەكىتىلگەن
عىلىمي-مەديتسينالىق ساراپتاما وتكىزۋ قاعيدالارى
1. جالپى ەرەجەلەر
1. وسى عىلىمي-مەديتسينالىق ساراپتاما وتكىزۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 64-بابىنىڭ 2-تارماعىنا سايكەس ازىرلەندى جانە دەنساۋلىق ساقتاۋ سالاسىنداعى ۋاكىلەتتى ورگاننىڭ (بۇدان ءارى – ۋاكىلەتتى ورگان) عىلىمي-مەديتسينالىق ساراپتامانى وتكىزۋ ءتارتىبىن ايقىندايدى.
2. وسى قاعيدادا مىناداي نەگىزگى ۇعىمدار پايدالانىلادى:
1) ازىرلەۋشى – دەنساۋلىق ساقتاۋ سالاسىنداعى عىلىمي قىزمەت سۋبەكتىسى;
2) ۋاكىلەتتى ورگان – قازاقستان رەسپۋبليكاسى دەنساۋلىق ساقتاۋ مينيسترلىگى;
3) ساراپشىلار – ءتيىستى ليتسەنزيا جانە (نەمەسە) اككرەديتتەۋ تۋرالى كۋالىك نەگىزىندە عمس وتكىزۋگە تارتىلعان جەكە جانە زاڭدى تۇلعالار.
3. عمس وتكىزۋ بويىنشا جۇمىسشى ورگان رەتىندە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «دەنساۋلىق ساقتاۋدى دامىتۋ رەسپۋبليكالىق ورتالىعى» شارۋاشىلىق وتكىزۋ قۇقىعىنداعى رەسپۋبليكالىق مەملەكەتتىك كاسىپورنى (بۇدان ءارى – جۇمىسشى ورگان) بولىپ تابىلادى, ول عمس ءراسىمىن ۇيىمداستىرۋ جانە تەحنيكالىق سۇيەمەلدەۋ قىزمەتىن جۇزەگە اسىرادى.
4. عمس جۇزەگە اسىرۋ ءۇشىن ۋاكىلەتتى ورگان مىنالاردى جۇزەگە اسىرادى:
1) عمس وبەكتىلەرىن جۇمىسشى ورگانعا جولدايدى;
2) عمس ناتيجەلەرىنىڭ نەگىزىندە ساراپتامادان وتكەن وبەكتىلەرگە قاتىستى شەشىم قابىلدايدى.
5. عمس وبەكتىلەرى:
1) ىرگەلى جانە قولدانبالى عىلىمي زەرتتەۋلەردىڭ جوبالارى;
2) رەسپۋبليكالىق نىسانالى عىلىمي-مەديتسينالىق باعدارلامالارى;
3) اياقتالعان عىلىمي-مەديتسينالىق باعدارلامالاردىڭ ناتيجەلەرى;
4) قازاقستان رەسپۋبليكاسىنىڭ مەملەكەتتىك ماراپاتىنا ۇسىنىلاتىن عىلىمي جۇمىستار;
5) دەنساۋلىق ساقتاۋ پراكتيكاسىنا ەنگىزۋ ءۇشىن جوسپارلاناتىن عىلىمي-مەديتسينالىق زەرتتەمەلەر بولىپ تابىلادى.
6. عمس نەگىزگى قاعيداتتارى:
1) تاۋەلسىزدىك;
2) عىلىمي ءتاسىل, ساراپتامانىڭ جان-جاقتىلىعى, وبەكتيۆتىلىگى;
3) مەديتسينا عىلىمىن دامىتۋدىڭ الەمدىك دەڭگەيىنە باعدارلانۋ;
4) ساراپتاماعا بەرىلگەن ماتەريالدارداعى اقپاراتتىڭ نەگىزىندە عمس وبەكتىلەرى بويىنشا قورىتىندى شىعارۋ;
5) وبەكتىلەر بويىنشا اقپاراتتاردىڭ قۇپيالىلىعىن جانە ونى, سونداي-اق ساراپشىلار مەن ولاردىڭ جۇمىستارىنىڭ ناتيجەلەرى تۋرالى مالىمەتتەردى ساراپتامادا كوزدەلمەگەن ماقساتتار ءۇشىن پايدالانۋعا جول بەرىلمەۋىن قامتاماسىز ەتۋ;
6) عمس ناتيجەلەرىنىڭ جاريالىعى بولىپ تابىلادى.
7. عمس نەگىزگى مىندەتتەرى:
1) عمس وبەكتىلەرىنىڭ عىلىمي نەگىزدىلىگىن, ىسكە اسىرۋ مۇمكىندىگىن, بولجامدى تيىمدىلىگى مەن ناتيجەلىلىگىن باعالاۋ;
2) عىلىمي-تەحنيكالىق قىزمەتتىڭ قارجىلاندىرىلاتىن وبەكتىلەرىنىڭ الىنعان ناتيجەلەرىنىڭ (ورىنداۋ, اياقتاۋ جانە ەنگىزۋ ساتىسىندا) ماڭىزدىلىعىن باعالاۋ جانە قارجىلاندىرۋدى جالعاستىرۋ, وزگەرتۋ جانە توقتاۋ تۋرالى ۇسىنىمداردى ازىرلەۋ;
2. عىلىمي-مەديتسينالىق ساراپتاما وتكىزۋدىڭ ءتارتىبى مەن شارتتارى
8. عمس وبەكتىلەرىن ازىرلەۋشىلەر ۋاكىلەتتى ورگانعا قاعازدا جانە ەلەكتروندىق تاسىعىشتا مىناداي ماتەريالداردى جولدايدى:
1) عمس وبەكتىسى;
2) ازىرلەۋشىنىڭ بايلانىس دەرەكتەرىن, عىلىمي زەرتتەۋ تاقىرىبىنىڭ اتاۋىن جانە عىلىمدى دامىتۋدىڭ باسىم باعىتىن كورسەتە وتىرىپ, ازىرلەۋشىنىڭ (جەكە تۇلعالار ءۇشىن) / ازىرلەۋشىنىڭ ءبىرىنشى باسشىسىنىڭ (زاڭدى تۇلعالار ءۇشىن) قولى قويىلعان ىلەسپە حات, ازىرلەۋشىدە عىلىمي جانە پراكتيكالىق تاجىريبەنىڭ, عىلىمي زەرتتەۋدىڭ تاقىرىبى بويىنشا عىلىمي بىتەمەسىنىڭ بولۋى (جاريالانىمداردىڭ, پاتەنتتەردىڭ اۆتورلىق كۋالىكتەرىنىڭ ءتىزىمى جانە باسقا دەرەكتەر), ازىرلەۋشىنىڭ نەگىزگى ورىنداۋشىلارىنىڭ كاسىبي بىلىكتىلىگى تۋرالى مالىمەت جانە عمس وبەكتىسىنىڭ اتاۋى;
3) عمس وبەكتىسىنە وڭ قورىتىندىمەن جەرگىلىكتى ەتيكالىق كوميسسيا وتىرىسىنىڭ حاتتاماسىنان ءۇزىندى;
4) عمس وبەكتىسى ۇسىنىلعان عىلىمي زەرتتەۋلەردىڭ سالاسىندا عىلىمي-زەرتتەۋ جۇمىس تاجىريبەسى بار قازاقستان رەسپۋبليكاسىنىڭ دەنساۋلىق ساقتاۋ ۇيىمدارىنىڭ ەكى تاۋەلسىز قۇزىرەتتى مامانىنىڭ رەتسەنزيالارى (اياقتالعان عىلىمي-مەديتسينالىق باعدارلامالاردىڭ ناتيجەلەرى ءۇشىن).
9. ۋاكىلەتتى ورگان عمس وبەكتىسىن جانە وسى قاعيدانىڭ 8-تارماعىنىڭ 2-4) تارماقشالارىندا كورسەتىلگەن قۇجاتتاردى جۇمىسشى ورگانعا قۇجاتتاردى ازىرلەۋشىدەن قابىلداعان كۇننەن باستاپ ون جۇمىس كۇننەن كەشىكتىرمەي جولدايدى.
10. جۇمىسشى ورگان:
1) وسى قاعيدالارعا 1-قوسىمشادا بەلگىلەنگەن تارتىپپەن عمس وتكىزۋ ءۇشىن ساراپشىلار قورىن قالىپتاستىرۋدى قامتاماسىز ەتەدى جانە ونى ۋاكىلەتتى ورگانمەن كەلىسەدى;
2) عمس وبەكتىسى ۇسىنىلعان عىلىمي زەرتتەۋلەر سالاسىنداعى ساراپشىلاردىڭ ەڭبەك ءوتىلىن ەسەپكە الا وتىرىپ, ساراپشىلار قورىنان عمس ناقتى وبەكتىلەرى ءۇشىن ساراپشىلاردى ىرىكتەۋدى جۇزەگە اسىرۋمەن ساراپتامالىق توپتاردى قۇرايدى;
3) عمس وتكىزۋدىڭ قورىتىندىلارى بويىنشا ۋاكىلەتتى ورگانعا ساراپتامالىق قورىتىندىنى ۇسىنادى.
11. عمس وبەكتىسى ساراپتامالىق توپتىڭ مۇشەلەرىنە قاعازدا جانە ەلەكتروندىق تۇردە جىبەرىلەدى. ءاربىر عمس وبەكتىسى بويىنشا ساراپتامانى وتكىزۋ مەرزىمى عمس وبەكتىسىن ساراپتامالىق توپتىڭ مۇشەلەرى العان كۇننەن باستاپ ون جۇمىس كۇننەن كەشىكتىرمەي جۇرگىزىلەدى.
ساراپتامالىق توپتىڭ مۇشەلەرى ساراپتاما ۇدەرىسنىڭ جانە عمس وبەكتىلەرىندەگى اۇپاراتتىڭ قۇپيالىعىن قامتاماسىز ەتۋى ءتيىس.
12. عمس وتكىزۋ كەزىندە ساراپتامالىق توپ وسى قاعيدالار 2-قوسىمشاعا سايكەس ىرگەلى جانە قولدانبالى عىلىمي زەرتتەۋلەر باعدارلامالارىنىڭ جانە رەسپۋبليكالىق نىسانالى عىلىمي-مەديتسينالىق باعدارلامالاردىڭ جوبالارىن باعالاۋ ادىستەمەسىمەن جانە وسى قاعيداعا 3-قوسىمشاعا سايكەس اياقتالعان عىلىمي-مەديتسينالىق باعدارلامالاردىڭ, قازاقستان رەسپۋبليكاسىنىڭ مەملەكەتتىك ماراپاتىنا ۇسىنىلاتىن عىلىمي جۇمىستاردىڭ جانە دەنساۋلىق ساقتاۋ پراكتيكاسىنا ەنگىزىلۋگە جوسپارلاناتىن عىلىمي-مەديتسينالىق زەرتتەمەلەردىڭ ناتيجەلەرىن باعالاۋ ادىستەمەسىمەن كوزدەلگەن ولاردى باعالاۋ كريتەريلەرىن, كورسەتكىشتەرىن جانە تەتىكتەرىن نەگىزگە الادى.
13. عمس وبەكتىلەرىنىڭ عىلىمي-مەديتسينالىق ساراپتاماسىنىڭ قورىتىندىلارى بويىنشا ساراپتامالىق توپ بارلىق جۇمىلدىرىلاتىن ساراپشىلاردىڭ قورىتىندىلارىن جالپىلايدى جانە ءاربىر كورسەتكىش بويىنشا ورتاشا باللدى جانە جالپى باعاسىن ايقىندايدى جانە مىناداي شەشىمدەردىڭ ءبىرىن قابىلدايدى:
1) عمس وبەكتىسى ءسوزسىز قولداۋعا لايىق (ەگەر عمس وبەكتىسى باللداردىڭ ەڭ جوعارى ىقتيمال سانىنان كەم دەگەندە 70%-دى السا جانە تۇبەگەيلى ەسكەرتۋلەر بولماسا جانە/نەمەسە الىنعان ناتيجەلەردىڭ عىلىمي جانە پراكتيكالىق قۇندىلىعىن تومەندەتپەيتىن, جۇمىس بارىسىندا جويىلاتىن بىرقاتار ەسكەرتۋلەرى بولسا وسى شەشىم قابىلدانۋى مۇمكىن) جانە معتس جىبەرۋ ءۇشىن ۇسىنىلادى;
2) عمس وبەكتىسى جاسالعان ەسكەرتۋلەرگە سايكەس پىسىقتالعان جاعدايدا قولدانۋى مۇمكىن (ەگەر عمس وبەكتىسى باللداردىڭ ەڭ جوعارى ىقتيمال سانىنان كەم دەگەندە 40%-دى السا جانە جۇمىستى قۇراستىرۋ ساپاسىنا, ونىڭ عىلىمي جانە پراكتيكالىق قۇندىلىعىنا قاتىستى بىرقاتار ەسكەرتۋلەر بولسا, سونداي-اق ايقىندالعان كەمشىلىكتەر عمس وبەكتىسىن پىسىقتاۋ بارىسىندا جويىلۋى مۇمكىن كەزدە وسى شەشىم قابىلدانۋى مۇمكىن);
3) عمس وبەكتىسى قولداۋعا لايىق ەمەس (ەگەر عمس وبەكتىسى باللداردىڭ ەڭ جوعارى ىقتيمال سانىنان 40%-دان تومەن السا جانە جۇمىستى قۇراستىرۋ ساپاسىنا, ونىڭ عىلىمي جانە پراكتيكالىق قۇندىلىعىنا قاتىستى بىرقاتار ەسكەرتۋلەر بولسا, سونداي-اق ەسكەرتۋلەردى ۇسىنىلعان عمس وبەكتىسىنىڭ شەڭبەرىندە جويۋعا مۇمكىن ەمەس جانە ونىڭ بارلىق تۇجىرىمداماسىن قايتا پىسىقتاۋ قاجەت بولسا وسى شەشىم قابىلداۋنى مۇمكىن).
14. عمس ناتيجەسى رەتىندە جۇمىسشى ورگاننىڭ عمس رەسمي قورىتىندىسى بولىپ تابىلادى.
وسى قاعيدانىڭ 5-تارماعىنىڭ 1-2) تارماقشالارىندا اتالعان وبەكتىلەر بويىنشا عمس قورىتىندىسى وسى قاعيدالاردىڭ 4-قوسىمشاعا سايكەس نىسان بويىنشا رەسىمدەلەدى, وسى قاعيدالاردىڭ 5-تارماعىنىڭ 3-5) تارماقشالارىندا اتالعان وبەكتىلەر بويىنشا عمس قورىتىندىسى وسى قاعيدالاردىڭ 5-قوسىمشاعا سايكەس نىسان بويىنشا رەسىمدەلەدى.
جۇمىسشى ورگاننىڭ عمس قورىتىندىسى عمس وتكىزۋگە جۇمىلدىرىلعان ساراپشىلاردىڭ قاتارىنان ۋاكىلەتتى ورگانمەن ايقىندالاتىن ساراپتامالىق توپتىڭ توراعاسىنىڭ قولى قويىلىپ, ۇسىنىلادى.
15. ساراپتامالىق توپ عمس قورىتىندىسىن شىعارعان كەزدەن باستاپ جۇمىسشى ورگان عمس قورىتىندىسىن ەكى جۇمىس كۇن ىشىندە ۋاكىلەتتى ورگانعا جولدايدى.
16. ۋاكىلەتتى ورگان جۇمىسشى ورگاننان عمس قورىتىندىسىن العان كەزدەن باستاپ ءۇش جۇمىس كۇن ىشىندە مىناداي شەشىمدەردىڭ ءبىرىن قابىلدايدى:
1) عمس وبەكتىسىن ماقۇلداۋ جانە ونى قولدانىستاعى رەگلامەنتتەرگە جانە وسى عمس وبەكتىسىنە قاتىستى قابىلدانعان راسىمدەرگە سايكەس ودان ءارى كەزەڭدەردەن وتۋگە ۇسىنۋ تۋرالى;
2) عمس وبەكتىسىن جاسالعان ەسكەرتۋلەرگە سايكەس پىسىقتاۋ قاجەتتىلىگى تۋرالى;
3) عمس وبەكتىسىن ودان ءارى قولداۋدان باس تارتۋ تۋرالى.
17. شەشىم قابىلدانعان كۇننەن باستاپ ون جۇمىس كۇن ىشىندە ۋاكىلەتتى ورگان عمس وبەكتىسىنە قاتىستى قابىلدانعان شەشىم جونىندە ازىرلەۋشىگە جازباشا تۇردە حابارلايدى.
18. پىسىقتاۋعا جىبەرىلگەن جانە عمس وتكىزۋگە قايتادان ۇسىنىلعان عمس وبەكتىلەرى جالپى نەگىزدە قارالادى.
19. عمس وتكىزۋدەن باس تارتۋ ءۇشىن نەگىزدەمە رەتىندە مىنالار بولىپ تابىلادى:
1) ازىرلەۋشىنىڭ وسى قاعيدانىڭ 8-تارماعىندا كورسەتىلگەن بارلىق قۇجاتتاردى ۇسىنباۋى;
2) ازىرلەۋشىنىڭ كۇماندى مالىمەتتەردى ۇسىنۋى;
3) ازىرلەۋشىنىڭ جۇمىسشى ورگان بۇرىن پىسىقتاۋعا قايتارعان عمس وبەكتىسىن عمس قورىتىندىسىندا كورسەتىلگەن ەسكەرتۋلەردى جويماي قايتادان ۇسىنۋى.
20. ۋاكىلەتتى ورگان عمس وتكىزۋدەن باس تارتۋ جونىندە مىناداي جاعدايلاردا شەشىم قابىلدايدى:
1) وسى قاعيدالاردىڭ 19-تارماعىنىڭ 1) تارماقشاسىندا كورسەتىلگەن نەگىزدەمە بويىنشا ازىرلەۋشىدەن عمس وبەكتىسى تۇسكەن كەزدەن باستاپ ءۇش جۇمىس كۇن ىشىندە;
2) وسى قاعيدالاردىڭ 19-تارماعىنىڭ 2-3) تارماقشالارىندا كورسەتىلگەن نەگىزدەمەلەر بويىنشا جۇمىسشى ورگاننان ءتيىستى اقپاراتتى العان كەزدەن باستاپ ءۇش جۇمىس كۇن ىشىندە. جۇمىسشى ورگاننىڭ ساراپتامالىق توبى عمس وتكىزۋدەن باس تارتۋ ءۇشىن وسى قاعيدانىڭ 19-تارماعىنىڭ 2-3) تارماقشالارىندا كورسەتىلگەن نەگىزدەمەلەردى ايقىنداعان كەزدە عمس وبەكتىسى جۇمىسشى ورگانعا تۇسكەن كەزدەن باستاپ بەس جۇمىس كۇن ىشىندە جۇمىسشى ورگانعا حابارلاۋى ءتيىس. ساراپتامالىق توپ اتالعان نەگىزدەمەلەردى ايقىنداعان كەزدە جۇمىسشى ورگان عمس وتكىزۋدەن باس تارتۋدىڭ قاجەتتىلىگى جانە سەبەپتەرى تۋرالى ۋاكىلەتتى ورگانعا ءۇش جۇمىس كۇن ىشىندە حابارلاۋى ءتيىس.
21. شەشىم قابىلدانعان كۇننەن باستاپ ون جۇمىس كۇن ىشىندە ۋاكىلەتتى ورگان عمس وتكىزۋدەن باس تارتۋدىڭ سەبەبى تۋرالى ازىرلەۋشىگە جازباشا تۇردە حابارلايدى.
عىلىمي-مەديتسينالىق ساراپتاما وتكىزۋ قاعيدالارىنا 1-قوسىمشا
عىلىمي-مەديتسينالىق ساراپتامانى وتكىزۋ ءۇشىن ساراپشىلار قورىن قالىپتاستىرۋ جانە ساراپتامالىق توپتىڭ قۇرامىنا ساراپشىلاردى ەنگىزۋ ءتارتىبى
1. عىلىمي-مەديتسينالىق ساراپتامانى وتكىزۋ ءۇشىن ساراپشىلاردىڭ قورىن (بۇدان ءارى – ساراپشىلار قورى) جۇمىسشى ورگان ۋاكىلەتتى ورگاننىڭ كەلىسىمى بويىنشا قالىپتاستىرادى جانە ۇنەمى وزەكتەندىرىلەدى (جىلىنا كەم دەگەندە ءبىر رەت) جانە باسقا جاقتان ساراپشىلار قورىنا ەنگىزۋ ءۇشىن وتىنىمدەردىڭ ءتۇسۋى بويىنشا تولىقتىرادى.
2. ساراپشىلار قورىنا ساراپشىلاردى ىرىكتەۋدىڭ بەلگىلەنگەن كريتەريلەرىنە سايكەس كەلەتىن جانە مەديتسينالىق عىمىم مەن پراكتيكانىڭ ءتيىستى سالاسىندا تاجىريبەسى بار كەز-كەلگەن جەكە نەمەسە زاڭدى تۇلعا ەنگىزىلۋى مۇمكىن.
3. ساراپشىلار قورىن قالىپتاستىرۋ ءۇشىن جۇمىسشى ورگان مەديتسينالىق جانە فارماتسەۆتيكالىق عىلىم سالاسىندا قىزمەتتى جۇزەگە اسىراتىن بارلىق ۇيىمدارعا ساراپشىلاردى ىرىكتەۋ تۋرالى حابارلايدى, جۇمىسشى ورگاننىڭ رەسمي ۆەب-رەسۋرسىندا اقپاراتتى جانە ساراپشىلارعا قويىلاتىن تالاپتاردى ورنالاستىرادى.
4. ساراپشىلاردى ىرىكتەۋ كريتەريلەرىنە مىنالاردى قامتيدى:
1) جەكە / زاڭدى تۇلعادا ءتيىستى ليتسەنزيانىڭ جانە (نەمەسە) اككرەديتتەۋ تۋرالى كۋالىكتىڭ بولۋى;
2) جەكە تۇلعانىڭ / زاڭدى تۇلعانىڭ شتات مامانىنىڭ كاسىبي جانە عىلىمي دايارلىق دەڭگەيى:
جوعارى جانە (نەمەسە) جوعارى وقۋ ورنىنان كەيىنگى مەديتسينالىق ءبىلىمنىڭ بولۋى;
عىلىمي دارەجەسىنىڭ بولۋى;
بىلىكتىلىكتى ارتتىرۋ تۋرالى سەرتيفيكاتتاردىڭ جانە (نەمەسە) سوڭعى 5 جىل ىشىندە عىلىمي زەرتتەۋلەردىڭ ادىستەمەسى جانە ستاندارتتاردىڭ ماسەلەسى بويىنشا سەمينارلارعا جانە ماستەر-كلاستارعا قاتىسۋ تۋرالى سەرتيفيكاتتاردىڭ بولۋى;
3) جەكە تۇلعانىڭ / زاڭدى تۇلعانىڭ شتات مامانىنىڭ كاسىبي, عىلىمي جانە ساراپتامالىق قىزمەتتەگى تاجىريبەسى:
دەنساۋلىق ساقتاۋ جۇيەسىندە جۇمىس تاجىريبەسىنىڭ بولۋى (كەم دەگەندە 5 جىل);
دەنساۋلىق ساقتاۋ سالاسىندا قولدانبالى نەمەسە ىرگەلى عىلىمي زەرتتەۋلەر بويىنشا عىلىمي-تەحنيكالىق باعدارلامالاردى ورىنداۋعا قاتىسۋ تاجىريبەسىنىڭ بولۋى ء(وتىنىمدى بەرۋ كەزىندە اياقتالعان كەم دەگەندە 2 عىلىمي-تەحنيكالىق باعدارلاما);
4) جەكە تۇلعانىڭ / زاڭدى تۇلعانىڭ شتات مامانىنىڭ عىلىمعا جانە عىلىمي جەتىستىكتەرگە قوسقان ۇلەسى:
سوڭعى 5 جىل ىشىندە عىلىمي ەڭبەكتەردىڭ بولۋى (حالىقارالىق بيبليومەتريالىق دەرەكقورلاردا يندەكستەلەتىن عىلىمي باسىلىمداردا كەم دەگەندە ءۇش ماقالا جانە (نەمەسە) قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى عىلىمي قىزمەتتىڭ نەگىزگى ناتيجەلەرىن جاريالاۋ ءۇشىن ۇسىنعان عىلىمي باسىلىمداردا كەم دەگەندە 10 ماقالا);
سوڭعى 5 جىل ىشىندە جەكە تۇلعانىڭ / زاڭدى تۇلعانىڭ شتات مامانىنىڭ عىلىمي جاريالىمدارىن تسيتات كەلتىرۋدىڭ بولۋى (Google Scholar, قازاقستان رەسپۋبليكاسىندا جانە تمد ەلدەرىندە عىلىمي-تەحنيكالىق اقپاراتتىڭ ۇلتتىق اگەنتتىكتەرىنىڭ دەرەكتەرى بويىنشا كەم دەگەندە 20 تسيتات كەلتىرۋ جانە (نەمەسە) عىلىمي-تەحنيكالىق اقپاراتتىڭ حالىقارالىق بەدەلدى اگەنتتىكتەرىنىڭ دەرەكتەرى بويىنشا كەم دەگەندە 5 تسيتات كەلتىرۋ);
5) زاڭدى تۇلعانىڭ شتاتتىندا وسى ۇيىمداعى جۇمىس نەگىزگى قىزمەت ورنى بولىپ تابىلاتىن, وسى تارماقتىڭ 2-4) تارماقشالارىندا كورسەتىلگەن كريتەريلەرگە سايكەس كەلەتىن كەم دەگەندە 5 ماماننىڭ بولۋى.
5. ساراپشىلار قورىنا كىرۋگە نيەت بىلدىرگەن جەكە جانە زاڭدى تۇلعالار جۇمىسشى ورگانعا قۇجاتتاردىڭ مىناداي پاكەتىن قاعازدا نەمەسە ەلەكتروندىق تۇردە (سكانەرلەنگەن كوشىرمەلەر) ۇسىنادى:
1) ساراپشىلار قورىنا ەنگىزۋ ءۇشىن ءوتىنىم (ەركىن تۇردە جازىلادى);
2) دەنساۋلىق ساقتاۋ جۇيەسىندەگى جۇمىس تاجىريبەسىن, دەنساۋلىق ساقتاۋ سالاسىنداعى قولدانبالى نەمەسە ىرگەلى عىلىمي زەرتتەۋلەر بويىنشا عىلىمي-تەحنيكالىق باعدارلامالاردى ورىنداۋعا قاتىسۋدى كورسەتۋمەن تۇيىندەمە;
3) عىلىمي ەڭبەكتەردىڭ ءتىزىمى جانە اقپارات كوزىن كورسەتە وتىرىپ, عىلىمي جاريالىمداردى تسيتاتتاۋ تۋرالى دەرەكتەر (عىلىمي-تەحنيكالىق اقپاراتتىڭ ءتيىستى ۇلتتىق نەمەسە حالىقارالىق اگەنتتىگىنىڭ);
4) ءبىلىم تۋرالى, عىلىمي دارەجەسىن العانى تۋرالى ديپلومدارىنىڭ كوشىرمەلەرى, بىلىكتىلىكتى ارتتىرۋ, ماستەر-كلاستاردا جانە سەمينارلاردا وقۋ تۋرالى سەرتيفيكاتتاردىڭ جانە كۋالىكتەردىڭ كوشىرمەلەرى;
5) ليتسەنزيالاردىڭ جانە (نەمەسە) اككرەديتتەۋ تۋرالى كۋالىكتەردىڭ كوشىرمەلەرى.
زاڭدى تۇلعالار عمس وبەكتىلەرىن زاڭدى تۇلعا قاراستىرۋ كەزىندە عمس وتكىزۋگە جۇمىلدىرىلاتىن شتات ماماندارىنا (كەم دەگەندە 5 ادام) وسى تارماقتىڭ 2-4) تارماقشالارىندا كورسەتىلگەن قۇجاتتاردى ۇسىنادى. زاڭدى تۇلعانىڭ شتاتىندا ماماننىڭ بولۋى زاڭدى تۇلعانىڭ كادر قىزمەتىمەن راستالعان ەڭبەك كىتاپشاسىنىڭ كوشىرمەسىمەن راستالۋى ءتيىس.
ءوتىنىش بەرۋشى كورسەتىلگەن قۇجاتتاردىڭ پاكەتىن جۇمىسشى ورگاننىڭ زاڭدى مەكەنجايىنىڭ نەمەسە رەسمي ەلەكتروندىق مەكەنجايىنىڭ پوچتاسىنا جىبەرۋى مۇمكىن.
6. جۇمىسشى ورگان ساراپشىلار بازاسىنا ەنگىزۋ ءۇشىن وتىنىمدەردى قاراستىرادى جانە 15 جۇمىس كۇننىڭ ىشىندە ساراپشىلاردىڭ بازاسىنا ەنگىزۋ نەمەسە ەنگىزۋدەن باس تارتۋ تۋرالى شەشىم قابىلدايدى.
7. ساراپشىلاردىڭ بازاسىنا ەنگىزۋ ءۇشىن جەكە/زاڭدى تۇلعانىڭ ساراپشىلاردى ىرىكتەۋدىڭ بارلىق كريتەريلەرىنە سايكەس كەلۋى نەگىز بولىپ تابىلادى. سونىمەن قاتار زاڭدى تۇلعا ۇيىمنىڭ قىزمەتكەر-ماماندارىنىڭ (زاڭدى تۇلعانىڭ) وتىنىمدە كورسەتىلگەن كاسىبي جانە عىلىمي دايىندىق دەڭگەيىنىڭ كريتەريلەرىنە, كاسىبي جانە عىلىمي قىزمەت تاجىريبەسىنىڭ بولۋى, عىلىمعا قوسقان ۇلەسى, عىلىمي جەتىستىكتەردىڭ بولۋىنىڭ نەگىزىندە ساراپشىلار بازاسىنا ەنگىزىلەدى.
ساراپشىلاردىڭ بازاسىنا ەنگىزۋدەن باس تارتۋ نەگىزى جەكە / زاڭدى تۇلعانىڭ ساراپشىلاردى ىرىكتەۋدىڭ ءبىر جانە ودان ارتىق كريتەريلەرىنە سايكەس كەلمەۋى بولىپ تابىلادى.
ەگەر جەكە تۇلعا ءوتىنىم بەرگەن كەزدە ساراپشىلار قورىنا ەنگىزىلگەن زاڭدى تۇلعانىڭ شتات ماماندارىنىڭ تىزبەسىنە كىرسە, ونى ساراپشىلار قورىنا ەنگىزۋدەن باس تارتىلادى.
زادى تۇلعانىڭ وتىنىمىندە كورسەتىلگەن ءبىر جانە ودان استام شتات ماماندارى جەكە تۇلعالار رەتىندە ساراپشىلار بازاسىنا ەنگىزىلگەن بولسا جانە جەكە تۇلعا رەتىندە ەنگىزىلگەندەردى الىپ تاستاعاندا قالعان شتات ماماندارىنىڭ سانى بەستەن كەم بولسا, ساراپشىلار قورىنا ەنگىزۋدەن باس تارتىلادى.
جەكە جانە وسى جەكە تۇلعا مامانداردىڭ تىزبەسىنە كىرەتىن زاڭدى تۇلعادان ساراپشىلار قورىنا ەنگىزۋگە ءوتىنىم ءبىر كەزدە تۇسكەندە جانە جەكە مەن زاڭدى تۇلعانىڭ ساراپشىلاردى ىرىكتەۋدىڭ بارلىق كريتەريلەرىنە سايكەس كەلگەندە زاڭدى تۇلعانىڭ ءوتىنىمى باسىمدى بولادى.
8. ساراپشىلاردىڭ بازاسىنا ەنگىزۋ ءۇشىن وتىنىمدەردى قاراستىرۋ ناتيجەسى جۇمىسشى ورگاننىڭ حاتتامالىق شەشىمىمەن رەسىمدەلىپ, ۋاكىلەتتى ورگانمەن كەلىسىلەدى.
ساراپشىلاردىڭ بازاسىنا ەنگىزۋ تۋرالى شەشىم قابىلدانعان ساراپشىلارعا قاتىستى دەرەكتەر جۇمىسشى ورگانمەن ساراپشىلاردىڭ جيىنتىق بازاسىنا ەنگىزىلەدى.
9. جۇمىسشى ورگان 3 جۇمىس كۇننىڭ ىشىندە جەكە/زاڭدى تۇلعانى عمس بازاسىنا ەنگىزۋ ءۇشىن ءوتىنىمدى قاراستىرۋ ناتيجەلەرى تۋرالى حابارلايدى.
10. ساراپشىلار بازاسىنىڭ ساندىق قۇرامى شەكتەلمەيدى. ساراپشىلار بازاسىنىڭ قۇرامى جىل سايىن ساراپشىلار بازاسىنا ەنگىزۋگە ساراپشىلارعا قويىلعان تالاپتاردىڭ سايكەس كەلۋىن راستاۋعا اكتۋالداندىرادى.
11. ساراپشىلار بازاسىنان جەكە جانە زاڭدى تۇلعالار مىناداي سەبەپتەر بويىنشا شىعارىلادى:
1) زاڭدى تۇلعانىڭ تاراتىلۋى / جەكە تۇلعانىڭ قايتىس بولۋى;
2) جەكە تۇلعانىڭ وسى ءتارتىپتىڭ 4-تارماعىنىڭ 1-4) تارماقشالارىندا كورسەتىلگەن ساراپشىلاردى ىرىكتەۋ كريتەريلەرىنە سايكەس كەلۋىن جوعالتۋى;
3) زاڭدى تۇلعانىڭ وسى ءتارتىپتىڭ 4-تارماعىنىڭ 1) جانە 5) تارماقشالارىندا كورسەتىلگەن ساراپشىلاردى ىرىكتەۋ كريتەريلەرىنە سايكەس كەلۋىن جوعالتۋى.
12. جۇمىسشى ورگان ءاربىر عمس وبەكتىسى ءۇشىن ساراپشىلار بازاسىنىڭ قۇرامىنا كىرەتىن ءۇش ساراپشىدان كەم ەمەس قۇرامدا عمس وبەكتىسىن وتكىزۋ ءۇشىن ساراپشىلاردىڭ توبىن (بۇدان ءارى – ساراپشىلار توبى) قالىپتاستىرادى. ساراپشىلار توبى جۇمىسشى ورگانعا عمس وبەكتىسى كەلىپ تۇسكەن كۇننەن باستاپ ءۇش جۇمىس كۇن ىشىندە قۇرىلادى.
ساراپشىلار توبىنىڭ قۇرامى جۇمىسشى ورگاننىڭ حاتتامالىق شەشىمىمەن بەكىتىلەدى. ساراپشىلار توبىنىڭ قۇرامىنا ەنگىزۋ ءۇشىن دەرەكتەر بازاسىنان ساراپشىلاردى ىرىكتەۋ نەگىزى ساراپشىنىڭ عمس وبەكتىسىنىڭ تەماتيكاسىنا ماماندىعىنىڭ جانە جۇمىس ءوتىلىنىڭ سايكەس كەلۋى, ساراپشىنىڭ ازىرلەۋشىمەن ۇلەستەس بولماۋى بولىپ تابىلادى.
ساراپشىلار توبىن ساراپشىلار توبىنىڭ قۇرامىنان تاڭدالعان ساراپشىلاردىڭ قاتارىنان جۇمىسشى ورگاننىڭ حاتتامالىق شەشىمىمەن ايقىندالاتىن توراعا باسقارادى. ساراپشىلار توبى توراعاسىن تاڭداۋ كريتەريى عىلىمي-مەديتسينالىق ساراپتاما جاساۋ سالاسىندا ۇلكەن تاجىريبەنىڭ بولۋى.
عىلىمي-مەديتسينالىق ساراپتاما وتكىزۋ قاعيداسىنا 2-قوسىمشا
ىرگەلى جانە قولدانبالى عىلىمي زەرتتەۋلەر باعدارلامالارىنىڭ جانە رەسپۋبليكالىق نىسانالى عىلىمي-مەديتسينالىق باعدارلامالاردىڭ جوبالارىن باعالاۋ ادىستەمەسى
كريتەريلەردىڭ جانە كورسەتكىشتەردىڭ اتاۋى, ولاردى باعالاۋ دەڭگەيى كريتەريلەردىڭ, كورسەتكىشتەردىڭ جانە ولاردى باعالاۋ دەڭگەيلەرىنىڭ سيپاتتاماسى باللدار-داعى باعا
1. ماڭىزدىلىعىنىڭ كريتەريلەرى: ء وتىنىم بەرىلەتىن عمس وبەكتىسىنىڭ عىلىم جانە پراكتيكا, زەرتتەلەتىن پروبلەما بويىنشا ءبىلىم سالاسى ءۇشىن ماڭىزدىلىعى
1. 1. جوسپارلاناتىن زەرتتەۋدىڭ وزەكتىلىگى عىلىم مەن پراكتيكانىڭ سۇرانىستارىنا سايكەس كەلۋ دارەجەسىمەن سيپاتتالادى
جوعارى عمس وبەكتىسىندە قويىلعان پروبلەمالاردى شەشۋ قازىرگى زامانعى مەديتسينالىق عىلىم جانە پراكتيكا ءۇشىن اسا ماڭىزدى جانە باسىم مىندەت بولىپ تابىلادى 7––10
ءبىرشاما جوعارى عمس وبەكتىسىندە قويىلعان پروبلەمالاردى شەشۋ قازىرگى زامانعى مەديتسينالىق عىلىم جانە پراكتيكا ءۇشىن اسا ماڭىزدى مىندەت بولىپ تابىلادى 4––6
قاناعاتتانارلىق عمس وبەكتىسىندە قويىلعان پروبلەمالاردى شەشۋ قازىرگى زامانعى مەديتسينالىق عىلىمنىڭ جانە پراكتيكانىڭ جەرگىلىكتى مىندەتتەرىنىڭ ءبىرى بولىپ تابىلادى 1––3
وزەكتى ەمەس عىلىمنىڭ جانە پراكتيكانىڭ سۇرانىستارىنا جانە مىندەتتەرىنە سايكەس كەلمەيدى 0
1.2. كۇتىلەتىن ناتيجەنىڭ مەديتسينالىق عىلىمعا اسەر ەتۋ دارەجەسى عمس وبەكتىسىن ىسكە اسىرۋ بارىسىندا شەشىلەتىن مەديتسينالىق عىلىمنىڭ پروبلەمالارىنىڭ دەڭگەيى مەن باسىمدىلىعىمەن سيپاتتالادى
جوعارى مەديتسينالىق عىلىمنىڭ اسا ماڭىزدى پروبلەمالارىن شەشۋگە مۇمكىندىك بەرىپ, ونى ودان ءارى دامىتۋعا تۇبەگەيلى اسەر تيگىزەدى 7––10
ءبىرشاما جوعارى سالالىق عىلىمداعى باسىم باعىتتارىنىڭ ءبىرى شەڭبەرىندە باستى پروبلەمانى شەشۋدە اناعۇرلىم العا قاراي جىلجۋعا مۇمكىندىك بەرىپ, مەديتسينالىق عىلىمدى ودان ءارى دامىتۋعا ايقىن اسەر تيگىزەدى 4––6
قاناعاتتانارلىق سالالىق عىلىمنىڭ بار پروبلەمالارىنىڭ ءبىرىن شەشۋ ءۇشىن نەگىز سالۋعا مۇمكىندىك بەرىپ, مەديتسينالىق عىلىمدى دامىتۋعا بەلگىلى اسەرىن تيگىزەدى. 1––3
جوق مەديتسينالىق عىلىمدى دامىتۋ ءۇشىن ماڭىزى جوق 0
1.3. تەوريالىق ماڭىزى زەرتتەۋ ناتيجەلەرىنىڭ دەنساۋلىق ساقتاۋ سالاسىنداعى تۇجىرىمدامالارعا, تاسىلدەرگە, يدەيالارعا, تەوريالىق تۇسىنىكتەرگە اسەر ەتۋ دارەجەسىمەن سيپاتتالادى
جوعارى زەرتتەۋدىڭ ناتيجەلەرى جاڭا يدەيالاردىڭ, قاعيداتتاردىڭ, عىلىمي باعىتتاردىڭ, تەوريالاردىڭ, گيپوتەزالاردىڭ, تۇجىرىمدامالاردىڭ, نەگىزىنەن جاڭا تاسىلدەردىڭ, اۋرۋلاردى ەمدەۋدە, دياگنوستيكالاۋدا, پروفيلاكتيكادا, ۇيىمداستىرۋدا, باسقارۋدا, وقىتۋدا مۇمكىندىكتەردىڭ پايدا بولۋىنا اكەلەدى. 7––10
ءبىرشاما جوعارى زەرتتەۋدىڭ ناتيجەلەرى ءمالىم قاعيداتتاردى, امالداردى, ادىستەردى, ەرەجەلەردى, تەوريالاردى, تاسىلدەردى, نىسانداردى دامىتۋعا جانە جەتىلدىرۋگە اكەلەدى. 4––6
قاناعاتتانارلىق زەرتتەۋدىڭ ناتيجەلەرى ءمالىم وقيعالاردىڭ, ۇدەرىستەردىڭ, تەتىكتەردىڭ, جاعدايلاردىڭ, زاڭدىلىقتاردىڭ, قاسيەتتەردىڭ ماعىناسىن جاقسى تۇسىنۋگە مۇمكىندىك بەرەدى. 1––3
تومەن نەمەسە جوق ناتيجەنى پايدالانۋدىڭ جانە دامىتۋدىڭ ەلەۋلى ەمەس پەرسپەكتيۆالارى بار نەمەسە ول پروبلەمانى شەشۋ ءۇشىن ەشتەڭە بەرمەيدى. 0
1.4. پراكتيكالىق ماڭىزى مەديتسينالىق زەرتتەۋلەردى پراكتيكادا پايدالانۋدىڭ ناتيجەلەرى بولعان دەنساۋلىقتى قورعاۋ, ەمدەۋدىڭ ءارتۇرلى ادىستەمەلەرىن ۇيىمداستىرۋ سالاسىنداعى ناقتى جەتىستىكتەردى سيپاتتايدى
جوعارى پراكتيكالىق دەنساۋلىق ساقتاۋ ءۇشىن قۇندىلىعى جوعارى 7––10
ءبىرشاما جوعارى پراكتيكالىق دەنساۋلىق ساقتاۋ ءۇشىن بەلگىلى قۇندىلىعى بار 4––6
قاناعاتتانارلىق پراكتيكالىق دەنساۋلىق ساقتاۋ ءۇشىن قۇندىلىعى تومەن 1––3
ماڭىزى جوق قۇندىلىعى جوق 0
1.5. بولجامدى ەنگىزۋ دەڭگەيىن باعالاۋ جوسپارلى زەرتتەۋدى ەنگىزۋ ماسشتابىمەن جانە دەڭگەيىمەن, ەكونوميكالىق, الەۋمەتتىك, ەمدەۋ-پروفيلاكتيكالىق اسەردىڭ بولۋىمەن جانە كولەمىمەن سيپاتتالادى
جوعارى ەلەۋلى اسەرمەن رەسپۋبليكادا كەڭىنەن ەنگىزۋ 7––10
ءبىرشاما جوعارى ەلەۋلى اسەرمەن بىرنەشە ۇيىمدا ەنگىزۋ 4––6
قاناعاتتانارلىق اسەردى ايقىنداۋسىز ءبىر ۇيىمدا ەنگىزۋ 1––3
تومەن ەنگىزۋ جوسپارلانبايدى, اسەر كۇتىلمەيدى 0
1.6. ەنگىزۋدىڭ بولجامدى كولەمدەرىن جانە نىساندارىن باعالاۋ زەرتتەۋ ناتيجەلەرىن ەنگىزۋدىڭ الەۋەتتى مۇمكىن نىساندارىنىڭ ماڭىزدىلىعىمەن جانە كولەمىمەن سيپاتتالادى
جوعارى پاتەنت, دەنساۋلىق ساقتاۋ جۇيەسى نەمەسە سالا ءۇشىن ناقتى ۇسىنىستار جانە ۇسىنىمدار 7––10
ءبىرشاما جوعارى اۆتورلىق كۋالىك, رەسمي بەكىتىلگەن ادىستەمەلىك ۇسىنىستار جانە ەرەجەلەر, نۇسقاۋلىقتار, نۇسقاۋلار 4––6
قاناعاتتانارلىق راتسيونالدىق ۇسىنىس, ەنگىزۋ اكتىسى 1––3
تومەن دەنساۋلىق ساقتاۋ جۇيەسىنە ارنالعان مەكەنجايسىز جالپى سيپاتتاعى ۇسىنىستار جانە ۇسىنىمدار 0
2. عىلىمي جانە تەحنولوگيالىق جاڭالىقتىڭ كريتەريلەرى : وتكىزىلەتىن زەرتتەۋلەر, ازىرلەنەتىن تۇجىرىمدامالار, شەشىلەتىن ماقساتتار مەن مىندەتتەر جاڭالىعىنىڭ دەڭگەيى
2.1. عىلىمي جاڭالىقتىڭ دەڭگەيى زەرتتەۋدىڭ پروبلەماسىن قالىپتاستىرۋ جانە عىلىمي نەگىزدەۋ جاڭالىعىنىڭ دارەجەسىمەن, اتالعان باعىتتا بۇرىن زەرتتەۋلەردىڭ بولماۋىمەن سيپاتتالادى
جوعارى زەرتتەۋدىڭ پروبلەماسى العاش رەت قالىپتاستىرىلعان جانە عىلىمي نەگىزدەلگەن, اتالعان باعىتتا بۇرىن زەرتتەۋلەر وتكىزىلمەگەن, پروبلەمانى شەشۋدىڭ ۇسىنىلاتىن جولى بۇرىن پايدالانىلماعان 7—10
ءبىرشاما جوعارى عمس وبەكتىسىندە پروبلەمانى شەشۋدىڭ قولدانىستاعى جولدارىن جەتىلدىرۋگە مۇمكىندىك بەرەتىن زەرتتەۋدىڭ پروبلەماسىن شەشۋدىڭ تۇپنۇسقالى تاسىلدەرى ۇسىنىلعان 4––6
قاناعاتتانارلىق زەرتتەۋدىڭ پروبلەماسىن شەشۋگە ۇسىنىلاتىن تاسىلدەر تيىمدىلىك بويىنشا ءمالىم تاسىلدەردەن ايتارلىقتاي اسپايدى, بىراق جاڭالىق پەن تۇپنۇسقالىقتىڭ ەلەمەنتتەرى بار 1––3
جوق پروبلەمانى شەشۋگە ۇسىنىلاتىن تاسىلدەردە جاڭالىق جانە تۇپنۇسقالىق جوق 0
2.2. زەرتتەۋ تۇجىرىمداماسىنىڭ دالدىگى زەرتتەۋ تۇجىرىمداماسىنىڭ ناقتىلىعى مەن تولىقتىعىنىڭ دەڭگەيىمەن, تۇجىرىمدالعان ماقساتتاردىڭ جانە مىندەتتەردىڭ ساپاسىمەن سيپاتتالادى
جوعارى زەرتتەۋدىڭ ناقتى تۇجىرىمداماسى. اتاۋى جانە ماقساتى جوسپارلاناتىن زەرتتەۋدىڭ عىلىمي جاڭالىعىن جانە وزەكتىلىگىن تولىق اشادى. 7—10
ءبىرشاما جوعارى زەرتتەۋدىڭ تۇجىرىمداماسى, اتاۋى جانە ماقساتى جوسپارلاناتىن زەرتتەۋدىڭ عىلىمي جاڭالىعىن جانە وزەكتىلىگىن تولىق كولەمدە اشپايدى. 4––6
قاناعاتتانارلىق زەرتتەۋدىڭ تۇجىرىمداماسى, اتاۋى جانە ماقساتى جوسپارلاناتىن زەرتتەۋدىڭ عىلىمي جاڭالىعىن جانە وزەكتىلىگىن جارتىلاي عانا اشادى 1––3
تومەن زەرتتەۋدىڭ تۇجىرىمداماسى جوق. اتاۋى جانە ماقساتى جوسپارلاناتىن زەرتتەۋدىڭ عىلىمي جاڭالىعىن جانە وزەكتىلىگىن اشپايدى. 0
3. جوبانى ىسكە اسىرۋدىڭ كريتەريى ۇسىنىلاتىن زەرتتەۋدى وتكىزۋ ورتاسىنىڭ جانە جاعدايلارىنىڭ قويىلعان ماقساتتارعا, مىندەتتەرگە جانە كۇتىلەتىن ناتيجەلەرگە سايكەس كەلۋ دارەجەسىمەن سيپاتتالادى
3.1. عىلىمي-ادىستەمەلىك دەڭگەي جوسپارلاناتىن زەرتتەۋدى ادىستەمەلىك پىسىقتاۋ دارەجەسىمەن – ادىستەمە ديزاينىنىڭ قويىلعان ماقساتتارعا جانە مىندەتتەرگە سايكەس كەلۋىمەن سيپاتتالادى
جوعارى زەرتتەۋ كولەمى بويىنشا جەتكىلىكتى ماتەريالدا, دۇرىس ادىستەردى پايدالانۋمەن جانە الىنعان ناتيجەلەردى تولىق ستاتيستيكالىق وڭدەۋمەن وتكىزىلەتىن بولادى 7––10
ءبىرشاما جوعارى زەرتتەۋ كولەمى بويىنشا جەتكىلىكتى شەكتەلگەن ماتەريالدا, دۇرىس ادىستەردى پايدالانۋمەن جانە الىنعان ناتيجەلەردى جارتىلاي ستاتيستيكالىق وڭدەۋمەن وتكىزىلەتىن بولادى 4––6
قاناعاتتانارلىق زەرتتەۋدىڭ كۇتىلەتىن ناتيجەلەرىنىڭ بىرقاتار جاعدايلاردا ولاردىڭ ستاتيستيكالىق ناقتىلىعىن, بولەك ادىستەمەلىك كەمشىلىكتەرىن ايقىنداۋ مۇمكىندىگىنىڭ بولماۋىنا, ماتەريالدىڭ جەتكىلىكسىز كولەمىنە بايلانىستى تومەن دالەلدى كۇشى بولۋى مۇمكىن. 1––3
تومەن پايدالانۋعا جوسپارلاناتىن ادىستەر بەلگىلى دارەجەدە زەرتتەۋدىڭ ماقساتتارى مەن مىندەتتەرىنە ادەكۆاتتى ەمەس, ماتەريالدىڭ كولەمى انىق ەمەس, ناتيجەلەردى ستاتيستيكالىق وڭدەۋ جوسپارلانبايدى 0
3.2. بىتەمەنىڭ بولۋى بۇرىنعى جۇمىستىڭ ناتيجەلەرى بويىنشا باعالاناتىن جوبادا قويىلعان مىندەتتەردى شەشۋ ءۇشىن ورىنداۋشىلار دايارلىعىنىڭ دەڭگەيى
ەلەۋلى بىتەمە تاڭدالعان باعىتتىڭ دۇرىستىعىن راستايتىن وڭ ناتيجەلەردىڭ, زەرتتەۋ تاقىرىبى بويىنشا جاريالانىمداردىڭ بولۋى 7––10
بەلگىلى بىتەمە تاڭدالعان باعىتتىڭ دۇرىستىعىن راستايتىن باستاپقى ماتەريالدىڭ بولۋى, زەرتتەۋدىڭ ءتيىستى ادىستەرى يگەرىلگەن 4––6
ەڭ تومەن بىتەمە زەرتتەۋدىڭ ادىستەرى يگەرىلگەن 1––3
بىتەمە جوق زەرتتەۋدىڭ تاقىرىبى بويىنشا بىتەمە جوق 0
3.3. نەگىزگى ورىنداۋشىلاردىڭ بىلىكتىلىگى جانە تاجىريبەسى زەرتتەۋلەردىڭ تاڭدالعان باعىتى بويىنشا نەگىزگى ورىنداۋشىلار بىلىكتىلىگىنىڭ جانە تاجىريبەسىنىڭ دارەجەسىمەن سيپاتتالادى
جوعارى ورىنداۋشىلاردىڭ جالپى سانىنان 70-100%-دا قويىلعان مىندەتتەردى ورىنداۋ ءۇشىن جەتكىلىكتى بىلىكتىلىگى بار (جوسپارلى زەرتتەۋدىڭ بەيىنىنە سايكەس كەلەتىن جوعارى, جوو-نا كەيىنگى نەمەسە قوسىمشا ءبىلىمى جانە وسى سالادا كەم دەگەندە 3 جىل جۇمىس تاجىريبەسى) 7––10
ءبىرشاما جوعارى ورىنداۋشىلاردىڭ جالپى سانىنان 40-69% -دا قويىلعان مىندەتتەردى ورىنداۋ ءۇشىن جەتكىلىكتى بىلىكتىلىگى بار (جوسپارلى زەرتتەۋدىڭ بەيىنىنە سايكەس كەلەتىن جوعارى, جوو-نا كەيىنگى نەمەسە قوسىمشا ءبىلىمى جانە وسى سالادا كەم دەگەندە 3 جىل جۇمىس تاجىريبەسى) 4––6
تومەن ورىنداۋشىلاردىڭ جالپى سانىنان 39%-دان كەم ورىنداۋشىلاردا قويىلعان مىندەتتەردى ورىنداۋ ءۇشىن جەتكىلىكتى بىلىكتىلىگى بار (جوسپارلى زەرتتەۋدىڭ بەيىنىنە سايكەس كەلەتىن جوعارى, جوو-نا كەيىنگى نەمەسە قوسىمشا ءبىلىمى جانە وسى سالادا كەم دەگەندە 3 جىل جۇمىس تاجىريبەسى) 1––3
جوق جەتكىلىكسىز 0
3.4. زەرتتەۋدى ورىنداۋ مەرزىمدەرىنىڭ نەگىزدىلىگى زەرتتەۋدىڭ بولەك كەزەڭدەرىن جانە شارالارىن قوسا, ونى ورىنداۋ مەرزىمدەرىنىڭ نەگىزدىلىگىنىڭ دارەجەسىمەن سيپاتتالادى
جوعارى جوسپارلى مەرزىمدەرگە سايكەس كەلەدى 7––10
ءبىرشاما جوعارى ورىنداۋ مەرزىمى كورسەتىلگەن مەرزىمنەن 50 %-دان استام ەمەس جوعارى نەمەسە قاجەت ەتىلەتىن مەرزىمگە قاتىستى تومەندەتىلگەن 4––6
جەتكىلىكتى جوعارى ەمەس ورىنداۋ مەرزىمى كورسەتىلگەن مەرزىمنەن 50 %-دان استام جوعارى نەمەسە قاجەت ەتىلەتىن مەرزىمگە قاتىستى تومەندەتىلگەن 1––3
جوق ورىنداۋ مەرزىمى نەگىزسىز 0
3.5. قارجىلىق نەگىزدەمەسى عمس وبەكتىسىن ىسكە اسىرۋعا ازىرلەۋشى سۇراتاتىن سومالاردىڭ شارالاردىڭ كورسەتىلگەن كولەمىنە سايكەس كەلۋى رەتىندە ايقىندالادى
جوعارى زەرتتەۋلەردىڭ كولەمدەرىنە جانە مىندەتتەرىنە تولىق سايكەس كەلەدى 7––10
ءبىرشاما جوعارى تالاپ ەتىلەتىن قارجىلاندىرۋ جوسپارلى جۇمىستار كولەمىنىڭ قۇنىنان 50 %-عا دەيىن اسادى نەمەسە الەۋەتتى قاجەتتى سوماعا قاتىستى جەتكىلىكسىز 4––6
جەتكىلىكتى جوعارى ەمەس تالاپ ەتىلەتىن قارجىلاندىرۋ جوسپارلى جۇمىستار كولەمىنىڭ قۇنىنان 50 %-دان اسادى نەمەسە الەۋەتتى قاجەتتى سوماعا قاتىستى جەتكىلىكسىز 1––3
جوق ء تيىستى قارجىلىق نەگىزدەمە جوق 0
4. عىلىمي باعدارلامانىڭ جوباسىن قۇراستىرۋ جانە رەسىمدەۋ ۇسىنىلاتىن جوبانىڭ كوپشىلىك ماقۇلداعان نورمالارعا جانە عىلىمي جوبالاردى جازۋ مەن رەسىمدەۋدىڭ بەكىتىلگەن تالاپتارىنا سايكەس كەلۋ دارەجەسىمەن سيپاتتالادى
4.1. عىلىمي جوبانى قۇراستىرۋدىڭ ساپاسى عمس وبەكتىسىنىڭ قۇرىلىمى مەن مازمۇنىنىڭ بەلگىلەنگەن تالاپتارعا سايكەس كەلۋ دارەجەسىمەن سيپاتتالادى
جوعارى عمس وبەكتىسىندە قاجەتتى بولىمدەر بار جانە اشىلعان – وزەكتىلىگى, ماقساتى, مىندەتتەر, زەرتتەۋدىڭ ديزاينى جانە باسقا. جوبانى جازۋدىڭ جاقسى عىلىمي ءستيلى ۇستالعان. 7—10
ءبىرشاما جوعارى عمس وبەكتىسىندە قاجەتتى بولىمدەر بار, بىراق تولىق كولەمدە اشىلماعان. جوبانى جازۋدىڭ عىلىمي ستيليستيكاسى بويىنشا ەلەۋلى ەمەس ەسكەرتۋلەر بار. 4––6
قاناعاتتانارلىق عمس وبەكتىسىندە قاجەتتى بولىمدەر بار, بىراق كەيبىرەۋى اشىلماعان دەۋگە بولادى. جوبانى جازۋدىڭ عىلىمي ستيليستيكاسى بويىنشا ەلەۋلى ەسكەرتۋلەر بار. 1––3
جوق عمس وبەكتىسىندە بىرقاتار قاجەتتى بولىمدەر جوق, بار بولىمدەر اشىلماعان دەۋگە بولادى. ورەسكەل ستيليستيكالىق جانە ورفوگرافيالىق قاتەلىكتەر بار. 0
4.2. پايدالانىلعان عىلىمي ەڭبەكتەردىڭ جانە ادەبيەتتىڭ سايكەس كەلۋىن باعالاۋ كوتەرىلەتىن پروبلەما بويىنشا پايدالانىلعان عىلىمي ەڭبەكتەردىڭ جانە ادەبيەتتىڭ سايكەس كەلۋ دارەجەسىمەن جانە ولاردىڭ جاڭالىعىنىڭ دەڭگەيىمەن سيپاتتالادى
جوعارى پايدالانىلاتىن عىلىمي-انىقتامالىق اپپارات – قولدانىستاعى مەمست-قا سايكەس كەلەدى, سىزبالار, كەستەلەر, گرافيكتەر, سۋرەتتەمە جانە ت.ب. تۇرىندە قوسىمشالارى بار. اۆتورلار شەشىلەتىن پروبلەماعا تىكەلەي قاتىناسى بار جانە عىلىمي ادەبيەتتە كەم دەگەندە 5 جىل بۇرىن جاريالانعان اناعۇرلىم ماڭىزدى ادەبي كوزدەرگە سىلتەمە جاسايدى 7––10
ءبىرشاما جوعارى اۆتورلار پايدالانعان عىلىمي ەڭبەكتەر جانە ادەبيەت قوزعالاتىن ماسەلەگە ءبىرشاما سايكەس كەلەدى جانە نەگىزىندە جاڭالىعى بار. (جاريالىمداردىڭ تسيتات كەلتىرۋ مەرزىمى 10 جىلدان اسپايدى) 4––6
تومەن اۆتورلار پايدالانعان عىلىمي ەڭبەكتەر جانە ادەبيەت نەگىزىندە قوزعالاتىن ماسەلەگە سايكەس كەلمەيدى جانە جاڭاشىلىق بولىپ تابىلمايدى (جاريالىمداردىڭ تسيتات كەلتىرۋ مەرزىمى 10 جىلدان استام) 1––3
جوق جۇمىستا عىلىمي ەڭبەكتەر مەن جاريالىمدارعا سىلتەمەلەر جوق 0
ءاربىر كورسەتكىش (k) 10-باللدىق شكالا بويىنشا باعالانادى. ءار جوبا (باعدارلاما) بويىنشا جيىنتىق باللدىق باعا كƩk (جوبا (باعدارلاما) الۋى مۇمكىن ەڭ جوعارعى بالل 150-گە تەڭ) جانە جوبا (باعدارلاما) الۋى مۇمكىن ەڭ جوعارعى باللدان پايىز (ك%).
ك% = (كƩk) × 100) / 150
عىلىمي جوبانىڭ (باعدارلامانىڭ) عىلىمي-مەديتسينالىق ساراپتاماسىنىڭ قورىتىندىلارى بويىنشا ساراپتامالىق كوميسسيا كەلەسى شەشىمدەردىڭ ءبىرىن قابىلدايدى:
- عمس وبەكتىسى (باعدارلاما) ءسوزسىز قولداۋعا لايىق (وسىنداي شەشىم جوبا (باعدارلاما) الىنۋى مۇمكىن باللداردىڭ ەڭ كوپ سانىنىڭ 70%-نان كوبىن العان جاعدايدا قابىلدانۋى مۇمكىن جانە جۇمىس بارىسىندا جويىلاتىن, الىنعان ناتيجەلەردىڭ عىلىمي جانە پراكتيكالىق قۇندىلىعىنا اسەر ەتپەيتىن ىمىراسىز ەسكەرتۋلەرى جانە/نەمەسە بىرنەشە ەسكەرتۋلەرى بولماسا) جانە معتس-قا باعىتتاۋ ءۇشىن ۇسىنىلدى.
- عمس وبەكتىسى (باعدارلاما) اتالعان ەسكەرتۋلەر پىسىقتالعان جاعدايدا قولدانىلۋى مۇمكىن (وسىنداي شەشىم عمس وبەكتىسى (باعدارلاما) الىنۋى مۇمكىن باللداردىڭ ەڭ كوپ سانىنىڭ 40%-نان كوبىن العان جاعدايدا قابىلدانۋى مۇمكىن جانە جوبانى ازىرلەۋ ساپاسىنا, عىلىمي جانە پراكتيكالىق قۇندىلىعىنا قاتىستى بىرقاتار ەسكەرتۋلەرى بار بولسا, بۇل رەتتە جوبانى (باعدارلامانى) پىسىقتاۋ بارىسىندا كەمشىلىكتەر جويىلۋى مۇمكىن).
- عمس وبەكتىسى (باعدارلاما) قولداۋعا لايىق ەمەس (وسىنداي شەشىم جوبا (باعدارلاما) الىنۋى مۇمكىن باللداردىڭ ەڭ كوپ سانىنىڭ 40%-نان ازىن العان جاعدايدا قابىلدانۋى مۇمكىن جانە جوبانى (باعدارلامانى) ازىرلەۋ ساپاسىنا, عىلىمي جانە پراكتيكالىق قۇندىلىعىنا قاتىستى بىرنەشە ەسكەرتۋلەرى بار بولسا, بۇل رەتتە ۇسىنىلعان عمس وبەكتىسى (باعدارلاما) شەڭبەرىندە ەسكەرتۋلەردى وبەكتيۆتى جويۋ مۇمكىن ەمەس جانە ونىڭ بارلىق تۇجىرىمداماسىن قايتا وڭدەۋدى قاجەت ەتەدى).
عىلىمي-مەديتسينالىق ساراپتامانى وتكىزۋ قاعيداسىنا 3-قوسىمشا
اياقتالعان عىلىمي-مەديتسينالىق باعدارلامالاردىڭ, قازاقستان رەسپۋبليكاسىنىڭ مەملەكەتتىك ماراپاتىنا ۇسىنىلاتىن عىلىمي جۇمىستاردىڭ جانە دەنساۋلىق ساقتاۋ پراكتيكاسىنا ەنگىزىلۋگە جوسپارلاناتىن عىلىمي-مەديتسينالىق زەرتتەمەلەردىڭ ناتيجەلەرىن باعالاۋ ادىستەمەسى
كورسەتكىش/كريتەريدىڭ اتاۋى كورسەتكىش/كريتەريدىڭ سيپاتتاماسى باللدار-داعى باعا
1. ماڭىزدىلىق كريتەريى: عىلىم جانە پراكتيكا ءۇشىن الىنعان ناتيجەلەردىڭ ماڭىزدىلىعى, زەرتتەلەتىن پروبلەما بويىنشا بىلىمدەردىڭ سالالارى
عىلىمي ماڭىزدىلىق دەڭگەيى مەديتسينالىق عىلىم ءۇشىن عىلىمي جوبانى (باعدارلامانى) ىسكە اسىرۋ بارىسىندا شەشىلگەن ماسەلەلەر مەن مىندەتتەردىڭ دەڭگەيىمەن جانە باسىمدىلىعىمەن سيپاتتالادى.
جوعارى دەنساۋلىق ساقتاۋ سالاسىنداعى باسىم باعىتتاردىڭ ءبىرىنىڭ شەڭبەرىندە باستى ماسەلەلەردىڭ ءبىرىن شەشۋدە ەلەۋلى العا جىلجۋعا مۇمكىندىك بەرەتىن, عىلىم مەن پراكتيكانى ءارى قاراي دامىتۋعا تۇبەگەيلى اسەر ەتەدى 7––10
ءبىرشاما جوعارى دەنساۋلىق ساقتاۋ سالاسىنداعى باسىم باعىتتاردىڭ ءبىرىنىڭ شەڭبەرىندە باستى ماسەلەلەردىڭ ءبىرىن شەشۋگە مۇمكىندىك بەرەتىن, عىلىم مەن پراكتيكانى ءا
