ارداگەرلەرگە ەسكەرتكىش تۇرعىزىلدى

ەسكەرتكىشتىڭ اشىلۋ راسى­مىنە سەمەي يادرولىق سىناق پوليگونى ايماعىن­دا اسكەري قىزمەتىن وتەگەن اقتو­بەلىك ارداگەرلەر, قالا تۇرعىندارى, جەرگىلىكتى بي­لىك وكىلدەرى قاتىستى. الدا­عى ۋاقىتتا بۇل جەر سىناق پوليگونى زاردابىن تارتقان اكتوبەلىك ارداگەرلەردىڭ باس قوساتىن, سالتاناتتى شارالار وتكىزەتىن, ومىردەن وزعان جولداستارىن ەسكە الاتىن ورىنعا اينالماقشى.

1949-1991 جىلدار ارالى­عىندا سەمەي يادرولىق پوليگونىندا 11 مىڭنان استام اقتو­بەلىك اسكەري مىندەتتەرىن ات­قا­رعان. وبلىستىق قور­عانىس ىستەرى جونىندەگى دەپار­تامەنتتىڭ مالىمەتى بو­يىنشا, بۇگىندە وڭىردە سەمەي يادرولىق پوليگونىن­دا يادرولىق سىناقتارعا قاتىس­قان 1800-دەن استام ادام تۇرسا, ولاردىڭ 268-ءى مۇگە­دەك جاندار. كوپشىلىگى ومىردەن ەرتە ءوتىپ كەتتى.

قازىرگى كەزدە ءار جىلدارى سەمەي پوليگونىندا قىزمەت ەتكەن ازاماتتار­دى الەۋمەتتىك قورعاۋ جۇ­مىس­تارى بىرتىندەپ جولعا قو­يىلىپ كەلەدى. ولاردى ءدارى-دارمەكپەن قامتۋ, ەم­دىك-ساۋىقتىرۋ جانە وڭال­تۋ ورتالىقتارىنا جولدامالار بەرۋ جولعا قو­يىلدى. سونداي-اق ولار كوم­مۋ­نال­دىق تولەمدەر ءۇشىن جە­ڭىل­­دىكتەرگە قول جەتكىزىپ, مۇ­گە­دەكتەرگە ارنالعان تەگىن تاكسي قىزمەتىن پايدالانا الادى. جىل سايىن 9 مامىر – جەڭىس كۇنى قارساڭىندا سەمەي يادرولىق سىناق پوليگونىندا قىزمەت ەتكەندەرگە ماتەريالدىق قارجىلاي كومەك بەرىلەدى. جەرگىلىكتى ات­قارۋشى بيلىك تاراپىنان پوليگون ارداگەرلەرىن مۇمكىندىگىنشە جۇمىسقا ور­نالاستىرۋ جولدارى دا شەشىلىپ كەلەدى.

اقتوبە