اتاپ ايتقاندا, كۆي جۇقتىرعان ناۋقاستار اراسىندا 40-59 جاستاعىلار – 288 (32%) ادام, 60 جاس پەن ودان جوعارى جاستاعىلار – 240 (27%) ادام.
سوندىقتان ب. ساعىنتاەۆ قالا تۇرعىندارىن ەگدە جاستاعى جاقىندارىنا جاناشىرلىق تانىتۋعا شاقىردى.
«جاستار سانيتارلىق-ەپيدەميالىق قاۋىپسىزدىك شارالارىن ساقتاماي, ادامدار كوپ شوعىرلانعان جەرلەرگە بارىپ, ۆيرۋستى ۇيگە اكەلەدى, اتا-انالارى مەن تۋىستارىنا جۇقتىرادى. سوندىقتان مەن بارشاڭىزدان قىراعىلىق پەن ساقتىق تانىتۋلارىن سۇرايمىن», - دەدى ب.ساعىنتاەۆ.
ەپيدەميولوگيالىق زەرتتەۋلەر ناتيجەسىندە 1 قازاننان 16 قاراشا ارالىعىندا كۆي ينفەكتسياسىنىڭ جۇقتىرۋ وقيعاسىنىڭ 53%-ى قوعامدىق ورىنداردا بولعاندىعى انىقتالدى, ولار: ساۋدا جانە ويىن-ساۋىق ورتالىقتارى, دۇكەندەر, بازارلار جانە قوعامدىق كولىكتەر. ۇيدەگى ناۋقاسپەن, سيمپتومسىز جۇقتىرۋشى, جاستارمەن بايلانىستا بولعانداردىڭ 23%-ى كۆي ينفەكتسياسىن جۇقتىرعان. جۇمىستا كۆي ناۋقاسىمەن بايلانىستا بولعانداردىڭ 17%-ى ينفەكتسيا جۇقتىرعان. 4%-كۆي-ءدى شەتەلدەن اكەلگەندەر.
ب. ساعىنتاەۆتىڭ ايتۋىنشا, الماتى قالاسىنىڭ تۇرعىندارى مەن قالا قوناقتارى سانيتارلىق-ەپيدەميالىق قاۋىپسىزدىك شارالارىن قاتاڭ ساقتاۋلارى ءتيىس.
ب.ساعىنتاەۆ كۆي پاندەمياسىنىڭ ىقتيمال ەكىنشى تولقىنىنا دايىندىق تۋرالى ايتا كەلىپ, الماتىدا كوۆيدتىك گوسپيتالدەردە رەزەرۆتىك ورىنداردىڭ قۇرىلعانىن ەسكە سالدى. قۋاتتىلىعى 7226 توسەك-ورىن بولاتىن 32 كوۆيدتىك ستاتسيونار ازىرلەندى, ونىڭ 250-ءى جانساقتاۋ ورىندارى.
سوڭعى ايلار ىشىندە ەكى جاڭا ەمحانا سالىندى – 500 توسەك-ورىندى ينفەكتسيالىق گوسپيتال; 300 توسەك-ورىندى جاڭا ءمودۋلدى ستاتسيونار.
امسك جۇمىسى كۇشەيتىلدى. 74 ەمحانادا 298 ءموبيلدى بريگادا جۇمىس ىستەيدى. تەلەمەديتسينا ورتالىعى قۇرىلدى. قاۋىپتى توپتاعى ناۋقاستارمەن تەلەمەديتسينا ورتالىعىنىڭ جەتەكشى ماماندارى جۇمىس ىستەيدى.
فارمپرەپاراتتار جانە مەديتسينالىق زاتتارىنىڭ 10 ملرد تەڭگەنى قۇرايتىن تۇراقتاندىرۋ قورى جۇمىس جاساۋدا. تۇراقتاندىرۋ قورنىڭ اياسىندا 2021 جىلدىڭ اقپانىنا دەيىن قاجەتتى 68 اتاۋلى ءدارى-دارمەك قورى جاسالعان.
الماتى اكىمى ب. ساعىنتاەۆ كۆي احۋالىنىڭ ناشارلاۋىنا قالانىڭ دايىن ەكەنىن, بىراق ازاماتتاردىڭ وزدەرى جەكە جاۋاپكەرشىلىك تانىتىپ, بەلگىلەنگەن كارانتيندىك ەرەجەلەردى ساقتاۋلارى ءتيىس ەكەنىن اتاپ ءوتتى.
