قازاقستاننىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى, ەلشى قايرات وماروۆ بۇۇ باس حاتشىسىنىڭ ورىنباسارى – بۇۇ ۆەناداعى بولىمشەسىنىڭ باس ديرەكتورى جانە بۇۇ ەسىرتكى جانە قىلمىس باسقارماسىنىڭ (بۇۇ ەقب) اتقارۋشى ديرەكتورى گادا ۆاليگە سەنىم قۇجاتتارىن تاپسىردى.
كەزدەسۋ بارىسىندا گ.ۆالي قازاقستان مەن بۇۇ ەقب اراسىنداعى سەرپىندى دامىپ جاتقان ىنتىماقتاستىقتى ريزاشىلىقپەن اتاپ ءوتىپ, مەملەكەتىمىزگە ۇيىمنىڭ قىزمەتىنە تۇراقتى تۇردە قولداۋ كورسەتىپ جاتقانى ءۇشىن العىس ءبىلدىردى.
ءوز تاراپىنان, ەلشى قازاقستان بۇۇ ەقب-مەن, اسىرەسە ەسىرتكى, پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى ورتالىق ازيالىق وڭىرلىك اقپاراتتىق ۇيلەستىرۋ ورتالىعى (CARICC) جەلىسى بويىنشا ىنتىماقتاستىقتى اسا ماڭىزدى باعىت رەتىندە قاراستىراتىنىن حابارلادى.
