الماتىدا قازان ايىنىڭ باسىندا كۆي اۋرۋىنىڭ وسكەنى بايقالدى.
بيىلعى 18 قاراشاعا دەيىن قالادا كوروناۆيرۋستىق ينفەكتسيانىڭ 15 325 وقيعاسى تىركەلدى, ونىڭ 9 251-ءى سيمپتومدى, 6074-ءى سيمپتومسىز. انىقتالماعان پنەۆمونيا - 1099 وقيعا. 100 ادامعا شاققانداعى كورسەتكىش – 767, 58. تاۋلىك ىشىندە كۆي-ءدىڭ 35 وقيعاسى تىركەلگەن, ونىڭ ىشىندە 22 وقيعا سيمپتومدى, 13 سيمپتومسىز, انىقتالماعان پنەۆمونيانىڭ 4 وقيعاسى تىركەلدى. تاۋلىكتىك ءوسىم – 0,2%, رەپرودۋكتيۆتى سانى – 1,15 (17 قاراشاداعى احۋال بويىنشا).
اۋرۋدىڭ قابىلدانعان كورسەتكىشتەرى بويىنشا بۇگىنگى كۇنى الماتى «جاسىل» جانە «سارى» ايماقتار اراسىندا تۇر. قىركۇيەك ايىندا كۆي اۋرۋىنىڭ 165 جاعدايعا دەيىن ماكسيمالدى تومەندەۋى (100 مىڭ تۇرعىنعا شاققاندا 8,3) تىركەلگەن ەدى. ال, قازان ايىندا كۆي اۋرۋى بىرتىندەپ ءوسىپ, 365 وقيعاعا جەتتى, الماتىدا بيىلعى جىلدىڭ 1 قازانىنان 16 قاراشاسى ارالىعىندا كۆي-ءدىڭ 900 وقيعاسى جانە پنەۆمونيانىڭ 189 وقيعاسى تىركەلدى.
