يسپانيا سوتتارىنا ەل بيلىگى مەن دەنساۋلىق ساقتاۋ جۇيەسىنە قاتىستى كوپتەگەن شاعىمدار كەلىپ تۇسۋدە. ارىزدانۋشىلار مەملەكەتتىك ورگانداردى كوروناۆيرۋسپەن كۇرەس اياسىندا باسقا اۋىر اۋرۋلارمەن, اتاپ ايتقاندا ونكولوگيامەن اۋىراتىن ناۋقاستار مەديتسينالىق كومەكسىز قالدى دەپ ايىپتاۋدا.
گەرمانيادا شەكتەۋ شارالارىن كۇشەيتۋ جايىنداعى جيىن 25 قاراشاعا دەيىن كەيىنگە قالدىرىلدى. كانتسلەر انگەلا مەركەل 16 فەدەرالدى شتاتتىڭ باسشىلارى ونىڭ ىندەتتى بولدىرماۋ ءۇشىن قاتاڭ شارالارىن قولدانۋعا تىرىسىپ جاتقانىنا قارسى ەكەنىن ايتتى.
اۆستريادا 17 قاراشادان 6 جەلتوقسانعا دەيىن مەكتەپتەر مەن ازىق-ت ۇلىك دۇكەندەرىنەن باسقا ساۋدا ورىندارى جابىلادى. فەدەرالدى كانتسلەر سەباستيان كۋرتس بۇل شارالاردىڭ ەپيدەميانىڭ ورشۋىنە بايلانىستى قاجەتتى شارا ەكەنىن ايتتى.
ۇلىبريتانيادا ۇكىمەتى حالىقارالىق گۋمانيتارلىق كومەككە جۇمسالاتىن شىعىنداردى ۋاقىتشا قىسقارتۋ مۇمكىندىگىن قاراستىرۋدا. بۇل پاندەميامەن بايلانىستى بيۋدجەتتىك شىعىنداردىڭ كوبەيۋىنە بايلانىستى ەكەنىن ايتتى - اتاپ ايتقاندا, مەديتسينالىق مەكەمەلەردى جابدىقتاۋعا جانە قاشىقتىقتان جۇمىس ىستەي المايتىن ادامدارعا قارجىلاي كومەك تولەمدەرى.
شوتلانديادا ۇكىمەت ەلدىڭ باتىسىنداعى 11 اۋداندا, سونىڭ ىشىندە شوتلانديانىڭ ەڭ ۇلكەن گلازگو قالاسىندا شەكتەۋ شارالارىن كۇشەيتەتىندىگىن مالىمدەدى. جۇما كۇنىنەن باستاپ ازىق-ت ۇلىك دۇكەندەرىنەن باسقا ساۋدا ورىندارى, پابتار مەن مەيرامحانالار جانە سپورت زالدارى جابىلادى.
