بايقاۋدا 2020 جىلدىڭ باسىنان باستاپ شىققان قازاق جانە ورىس تىلدەرىندەگى بارلىق ماتەريالدار قارالاتىن بولادى. جەڭىمپازدار كەلەسى اتالىمدار بويىنشا ەكى تىلدىك ساناتتا بولەك انىقتالادى:
- «ۇزدىك سيۋجەت»;
- «ۇزدىك سۇحبات»;
- «ۇزدىك دەرەكتى ماتەريال»;
- «ۇزدىك ۆيزۋالدى ءونىم»;
- «الەۋمەتتىك جەلىلەردەگى ۇزدىك جاريالانىم»;
- «ۇزدىك اناليتيكالىق ماقالا»;
- «ۇزدىك فوتورەپورتاج»;
- «ۇزدىك جاڭالىقتار ماتەريالى»;
- «ۇزدىك بەينەماتەريال»;
- ارنايى نوميناتسيا – «قالانىڭ COVID-19-عا قارسى كۇرەسى تۋرالى ۇزدىك ماتەريال».
كونكۋرسقا جۋرناليستەردىڭ نەمەسە بلوگەرلەردىڭ وزدەرى ۇسىنعان نەمەسە قازاقستاندا تىركەلگەن باق رەداكتسياسى جىبەرگەن ماتەريالدار قابىلدانادى.
كونكۋرستىق جۇمىستاردى جۋرناليستيكا جانە مەديا سالاسىنىڭ ساراپشىلارىنان قۇرالعان تاۋەلسىز كوميسسيا باعالايدى. بايقاۋ جەڭىمپازدارى ءار سانات بويىنشا باعالى سىيلىقتارمەن جانە ماقتاۋ قاعازدارىمەن ماراپاتتالادى.
جۇمىس كونكۋرسىنا قاتىسۋ ءۇشىن ءوتىنىمدى ء(وتىنىش بەرۋشىنىڭ تەگى, اتى, اكەسىنىڭ اتى نەمەسە اتاۋى, ماتەريالدىڭ ەلەكتروندىق نۇسقاسى جانە ماتەريالعا سىلتەمە, اتالىم, بايلانىس دەرەكتەرى) بيىلعى جىلدىڭ 27 قاراشاسىنا دەيىنگى مەرزىمدە وڭىرلىك كوممۋنيكاتسيالار قىزمەتىنىڭ info@rsk.almaty.kz ەلەكتروندىق مەكەنجايىنا «كونكۋرسقا قاتىسۋ ءۇشىن» بەلگىسىمەن جىبەرۋ قاجەت. ساراپتامالىق كوميسسيانىڭ قۇرامىنا كىرۋگە نيەت بىلدىرگەندەر دە(كوميسسيا مۇشەسى كونكۋرسقا قاتىسۋ ءۇشىن ءوز جۇمىستارىن جىبەرە المايدى) «كونكۋرستىق كوميسسيا ۇشىن»دەگەن بەلگىمەن كورسەتىلگەن مەرزىمدە ءوتىنىمدى (مەدياسالاعا قوسقان ۇلەسىن جانە جۇمىس تاجىريبەسىن كورسەتە وتىرىپ) جولداي الادى.
