ءاۋ باستا اتى-ءجونى ناۋم شالامانوۆ بولعان ايتۋلى سپورتشى بولگاريادا تۋىپ-ءوستى. بىرەر جىل سول ەلدىڭ نامىسىن قورعاپ, كوپتەگەن تابىستارعا قول جەتكىزدى.
كەيىننەن تۇركياعا قونىس اۋداردى. انادولى ەلىندە دە ول بيىك بەلەستەردى باعىندىردى. اتاپ ايتساق, 1983-2000 جىلدار ارالىعىندا وليمپيادانىڭ ءۇش, الەمنىڭ جەتى جانە ەۋروپانىڭ بەس دۇركىن چەمپيونى اتاندى.
الەم كۋبوگىن ءۇش مارتە ولجالادى. الەمدىك رەكوردتى 46 رەت جاڭارتتى. كۇنى بۇگىنگى دەيىن جەر بەتىندە اتاق-داڭقى جاعىنان سۇلەيمانوعىلىنىڭ الدىن ورايتىن بىردە-ءبىر اۋىر اتلەت جوق. ول ايگىلى باپكەر ەنۆەر تۇركىلەريدىڭ قول استىندا جاتتىقتى.
ۇلكەن سپورتتان قول ۇزگەننەن كەيىن ايگىلى سپورتشى باۋىر اۋرۋىنا شالدىقتى. ۇزاق ۋاقىت بويى ەمدەلدى. بىراق دەندەگەن دەرت جازىلمادى. اقىرى نايم سۇلەيمانوعلى 50 جاسىندا جارىق دۇنيەمەن قوش ايتىستى.
