ايماقتاردا پارتيا كونفەرەنتسيالارى ءوتىپ, ماجىلىسكە پارتيالىق ءتىزىم بويىنشا ۇمىتكەرلەر اراسىندا پىكىرتالاستار ۇيىمداستىرىلدى. ولاردىڭ قاتارىندا وزەكتى باعىتتار بويىنشا جۇمىستارىن جالعاستىرۋ ءۇشىن ءوز كانديداتۋرالارىن ۇسىنعان ءماجىلىستىڭ قازىرگى دەپۋتاتتارى دا بار.
اتاپ ايتقاندا, ارتۋر پلاتونوۆ الماتىداعى الەۋمەتتىك ماسەلەلەردى شەشۋ جانە ەكولوگيانى جاقسارتۋ جونىندەگى ءوز يدەيالارىن ۇسىنسا, بەرىك وسپانوۆ شىمكەنت قالاسىندا اگروونەركاسىپتىك كەشەندى دامىتۋ جانە وتاندىق كاسىپكەرلەردى قولداۋ ماسەلەلەرىن كوتەردى. گۇلنار بيجانوۆا مەن بالايىم كەسەباەۆا ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ مۇشەلەرى رەتىندە قاراعاندى جانە قىزىلوردا وبلىستارىندا ءسوز سويلەپ, قازاقستاندىقتاردىڭ وزەكتى ماسەلەلەرىن شەشۋ ءۇشىن زاڭنامانى جەتىلدىرۋ تاقىرىبىن قوزعادى. سونىمەن قاتار قۇدايبەرگەن ەرجان تۇركىستان وبلىسىندا ەلدىڭ قاۋىپسىزدىگىن جاقسارتۋ ءۇشىن ءتيىمدى ديالوگ قۇرىپ, سانالى شەشىمدەر قابىلداۋ قاجەتتىگىنە نازار اۋداردى.
پىكىرتالاس بارىسىندا ءماجىلىستىڭ قازىرگى دەپۋتاتتارى وزدەرىنىڭ زاڭنامالىق جۇمىسىنىڭ تاجىريبەسىن, حالىقتىڭ ءومىر ءسۇرۋ جاعدايى مەن وتاندىق ەكونوميكا سالالارىنىڭ وزەكتى ماسەلەلەرىن تەرەڭ بىلەتىندەرىن كورسەتىپ, قانداي دا ءبىر سالاداعى جاعدايدى جاقسارتۋ جانە جالپى وڭىرلەردى دامىتۋعا ارنالعان ناقتى ۇسىنىستار ايتتى. سونداي-اق ولار ماڭىزدى تاقىرىپتار بويىنشا سىندارلى بايلانىس قۇرا بىلەتىندىكتەرىن كورسەتتى.
پىكىرسايىس قورىتىندىسى بويىنشا ءماجىلىستىڭ قازىرگى دەپۋتاتتارى ەڭ كوپ داۋىس جيناپ, ءوز وڭىرلەرىنەن پارتيالىق تىزىمگە ەندى.
