"حالىق ۇنىنە قۇلاق اساتىن مەملەكەت" تۇجىرىمداماسى اياسىندا قىزمەت كورسەتۋ پروتسەستەرى قوعام وكىلدەرىمەن بىرگە تالقىلانىپ جاتىر. مىسالى, ولارمەن بىرگە تۇرعىلىقتى جەردى اۋىستىرعان كەزدە اسكەري ەسەپ جونىندەگى اسكەري كوميسسارياتقا بارۋ قاجەتتىلىگىن الىپ تاستاۋ شەشىلدى. بۇرىن بۇل تالاپتى بۇزعان كەزدە ايىپپۇل دا سالىناتىن", دەدى ول.
مينيستر جىلجىمايتىن م ۇلىكتى يپوتەكاعا ساتىپ العان كەزدە كەپىلدى تىركەۋ قاجەتتىگىنە قاتىستى دا پروبلەمانىڭ شەشىلگەنىن ايتادى.
"بۇگىن سول ءۇشىن ادامدار بانكتەن قۇجاتتاردى الىپ, سودان كەيىن حالىققا قىزمەت كورسەتۋ ورتالىعىنا جەتكىزەدى. ءۇش كۇن وتكەن سوڭ حقكو-دان قۇجاتتاردى الىپ, قايتادان بانككە اپارعاننان كەيىن يپوتەكا بەرىلەدى. بۇل بيۋروكراتيانى شەشۋ ءۇشىن مىسال رەتىندە بلوكچەين تەحنولوگياسىن قولدانىپ, فورتە بانكپەن بىرلەسىپ, وسى قيىن پروتسەستى اۆتوماتتاندىردىق", دەدى باعدات مۋسين.
سونىمەن قاتار, ول 1414 Call-ورتالىعىنا ۇلكەن جۇكتەمە كەزىندە حالىقتىڭ نارازىلىعىن تۋعىزعانىن اتاپ ءوتتى.
ء"بىز ساپالى كەڭەس بەرۋ ءۇشىن حقكو-لاردىڭ 2 مىڭ وپەراتورىن وسى جۇمىسقا جۇمىلدىردىق. بايلانىستى كۇتۋ ۋاقىتىن ازايتۋ ءۇشىن جاساندى ينتەللەكت ەلەمەنتتەرى ارقىلى ءجيى كەزدەسەتىن سۇراقتارعا جاۋاپ بەرۋ الگوريتمىن ەنگىزەمىز", دەدى ول. باعدات مۋسين دايىن قۇجاتتاردى حقكو قىزمەتكەرلەرىنىڭ جەتكىزىپ بەرۋ قىزمەتى دە قولعا الىناتىنىن ايتادى.
"بانكتەردەگى جەكە مەنەدجەرلەرگە ۇقساس حقكو-لاردان دا جەكە وپەراتوردى كەڭسەگە شاقىرىپ, قىزمەت الۋعا بولاتىن تەتىكتى ىسكە قوسامىز. اۋىلدارعا ينتەرنەت جەتكىزۋ جوباسى اياسىندا وپەراتورلارمەن كەلىسىپ, 1200 اۋىلدا ينتەرنەتكە قولجەتىمدىلىكتى قامتاماسىز ەتەتىن ارنايى دۇڭگىرشەكتەر ورناتامىز. ولار ارقىلى اۋدان اكىمىنە, حقكو-لارعا دەنساۋلىق ساقتاۋ مەكەمەلەرىنە ۆيدەوبايلانىس ارقىلى جۇگىنۋگە بولادى", دەدى مينيستر.
