وسىلايشا بەسىنشى سىنىپ وقۋشىلارى ءۇشىن دە كەزەكشى سىنىپتار ۇيىمداستىرىلدى. بۇرىن اتا-انالارىنىڭ قالاۋى بويىنشا مەكتەپكە 1-دەن 4-سىنىپقا دەيىنگى بالالار عانا بارا الاتىن. سونىمەن قاتار حالىقارالىق ءبىلىم بەرۋ مەكەمەلەرىندە ءبىرىنشى سىنىپتان جەتىنشى سىنىپقا دەيىنگى وقۋشىلار وقۋعا جىبەرىلدى.
"مەكتەپتەر تەپلوۆيزورلار, دەزينفەكتسيالىق توسەنىشتەر, بارلىق قاجەتتى دەزينفەكتسيالىق قۇرالدارمەن جابدىقتالعان. اتا-انالار عيماراتقا كىرمەي, بالالارىن مەكتەپكە الىپ كەلۋى كەرەك. بالانىڭ تەمپەراتۋراسى كىرە بەرىستە ولشەنەدى, انتيسەپتيكپەن قولدى مىندەتتى تۇردە وڭدەۋ, ماسكا تاعۋ كەرەك", - دەپ ءتۇسىندىردى ءبىلىم باسقارماسى.
سونىمەن قاتار سانيتارلىق دارىگەردىڭ بۇيرىعىمەن ءبىر بالا COVID-19 اۋرۋىمەن اۋىرعان جاعدايدا بۇكىل مەكتەپ قاشىقتان وقىتۋعا كوشەتىنى كورسەتىلگەن. كەزەكشى سىنىپقا قاتىسۋ اتا-انالاردىڭ قالاۋى بويىنشا جۇزەگە اسىرىلادى. ەكىنشى توقساندا ەلوردادا 3341 كەزەكشى سىنىپ قۇرىلدى, ولاردا 47 945 بالا وقيدى.
