كوپ پاتەرلى تۇرعىن ۇيلەردەگى ەلەكتروندى جوبالار
مينيسترلىك وتاندىق ءىت-كومپانيالار مەن جەرگىلىكتى اتقارۋشى ورگانداردىڭ اراسىندا تۇرعىن ءۇي قورىنىڭ پروتسەستەرىن اۆتوماتتاندىراتىن دايىن ءىت شەشىمدەرىن ماسشتابتاۋ بويىنشا ديالوگ قۇرۋدا.
پاتەر يەلەرى كوپەراتيۆتەرىمەن, باسقارۋشى كومپانيالارمەن قارىم-قاتىناستى وڭتايلاندىرۋ ءۇشىن ءموبيلدى قوسىمشالار جانە باسقا قۇرالدار ەنگىزىلۋدە. مىسالى, Top ksk, E-ksk, BIG (BI clients), E- knot, اقىلدى ءۇي, ينتەگرو: ەلەكتروندى تكش, تۇرعىن ۇيلەردى ەلەكتروندى پاسپورتتاۋ, سونداي-اق م ۇلىك يەلەرىنىڭ بىرلەستىگى سياقتى جوبالار قازىردە قولدانىستا.
وسى قۇرالداردىڭ كومەگىمەن تۇرعىندار باسقارۋشى كومپانيامەن بايلانىستى ءار ءتۇرلى ماسەلەلەردى شەشۋگە, تۇرعىندارمەن كەزدەسۋ وتكىزۋگە ءوتىنىش بەرگۋ, داۋىس بەرۋ, اپاتتار مەن توقتاۋلار تۋرالى حابارلامالار الۋعا, باسقارۋشى كومپانيانىڭ قىزمەتى تۋرالى ەسەپتەر الۋعا جانە باسقالارعا قول جەتىزە الادى.
وسىعان ۇقساس شەشىمدەردى وتاندىق IT-كومپانيالار ەلىمىزدىڭ
16 ايماعىندا (14 182 ءۇي جانە 482 544 پاتەر) جۇزەگە اسىردى.
ينجەنەرلىك جەلىلەردى تسيفرلاندىرۋ
مينيسترلىك اكىمدىكتەرمەن بىرلەسە وتىرىپ, ايماقتىق گەواقپاراتتىق جۇيەلەردى (اگاج) پايدالانا وتىرىپ, سالىنعان ايماقتاردىڭ ينجەنەرلىك ينفراقۇرىلىمى تۋرالى دەرەكتەردى تسيفرلاندىرۋ جانە تولتىرۋ, سونداي-اق ولاردى قالاكاداستر بازاسىنا جىبەرۋ بويىنشا جۇمىستار جۇرگىزۋدە.
اگاج تەحنيكالىق دايىندىعى بويىنشا ءۇش كوشباسشىعا اقتوبە (87,2%), اتىراۋ (85%) جانە الماتى (83,6%) وبلىستارى كىردى.
باتىس قازاقستان جانە الماتى وبلىستارىندا اگاج تەستىلىك ينتەگراتسيا جۇزەگە اسىرىلدى. 15 ايماق مەملەكەتتىك قالا كاداستر جۇيەسىمەن ينتەگراتسيالانۋعا تەحنيكالىق جاعىنان دايىن.
"اقىلدى" جىلۋ جانە سۋ ەسەپتەگىشتەرىن ورناتۋ
ەلىمىزدىڭ 13 ايماعىندا كوپقاباتتى تۇرعىن ۇيلەردىڭ دەرەكتەردى قاشىقتىقتان جىبەرە وتىرىپ جىلۋ ەسەپتەگىش قۇرىلعىلارمەن جابدىقتالۋ دەڭگەيى 50%-دان اسادى.
قازاقستان رەسپۋبليكاسىنىڭ ءتورت ايماعىندا «اقىلدى» سۋ ەسەپتەگىشتەرىمەن جابدىقتاۋ دەڭگەيى 70%-دان اسادى (شىمكەنت - 100%, الماتى - 93%, نۇر-سۇلتان - 93%, اقتوبە - 72%). مۇنداي كورسەتكىشتەرگە باسقا ايماقتاردا قول جەتكىزۋ بويىنشا جۇمىس جۇرگىزىلۋدە, قارجىلاندىرۋدىڭ جەڭىلدەتىلگەن شارتتارى ەنگىزىلدى.
قوعامدىق كولىكتە جول اقىسىن تولەۋدىڭ ەلەكتروندىق جۇيەسى
قوعامدىق كولىكتە جول اقىسىن تولەۋدىڭ ەلەكتروندىق جۇيەسى وبلىستىق جانە رەسپۋبليكالىق ماڭىزى بار توعىز قالادا (نۇر-سۇلتان, الماتى, كوكشەتاۋ, اتىراۋ, اقتاۋ, قىزىلوردا ء(ىشىنارا), تاراز, قاراعاندى (پيلوتتىق) جانە شىمكەنتتە) ەنگىزىلدى.
جىل سوڭىنا دەيىن جۇيەنى تاعى بەس قالادا (تالدىقورعان, پاۆلودار, وسكەمەن, اقتوبە, قوستاناي) ىسكە قوسۋ جوسپارلانۋدا.
قوعامدىق كولىكتىڭ ديسپەتچەرلىك قىزمەتى
جۇيە قازاقستاننىڭ 12 ايماعىندا ەنگىزىلگەن. جوبا تۇركىستان (50%) جانە قىزىلوردا (27%) قالالارىندا ءىشىنارا جۇزەگە اسىرىلعان. قاراعاندى مەن وسكەمەن قالالارىندا ىسكە اسىرۋ ساتىسىندا. اقتوبە قالاسىندا وپەراتوردىڭ اۋىسۋىنا بايلانىستى جۇيە ۋاقىتشا توقتاپ تۇر.
ءموبيلدى قوسىمشالار 12 ايماقتا قولدانىلادى, بۇل حالىققا بارلىق قالالىق قوعامدىق كولىكتەردىڭ قوزعالىسىن ناقتى ۋاقىت رەجيمىندە باقىلاۋعا مۇمكىندىك بەرەدى.
