*اقش اسكەري-اۋە كۇشتەرىنىڭ كوماندوۆانيەسى جويعىش ۇشاقتار ءۇشىن لازەرلى قارۋ جاساۋ ىقتيمالدىعى مول ەكەندىگى تۋرالى اقپارات تاراتتى. ەگەر مۇنداي قارۋ جاسالعان جاعدايدا, ول ورناتىلاتىن ۇشاقتار 2030 جىلدان كەيىن پايدالانۋعا بەرىلەتىن بولادى. ال ۇشاقتاردى العاش رەت سىناقتان وتكىزۋ 2022 جىلى جۇزەگە اسىرىلماق.
*فرانتسيا تاياۋداعى التى اي بەدەرىندە ورتالىق افريكا رەسپۋبليكاسىنا قوسىمشا 1 مىڭ سولدات جىبەرۋ نيەتىندە. بۇل جونىندە ەلدىڭ قورعانىس ءمينيسترى جان-يۆ لە دريان مالىمدەدى. قازىرگى كەزدە ەل باسشىلىعى بۇل قادامعا بارۋعا بۇۇ قاۋىپسىزدىك كەڭەسىنىڭ رۇقساتىن كۇتىپ وتىر. ال فرانتسۋز كونتينگەنتى اتالعان افريكا ەلىندە قاۋىپسىزدىكتى قامتاماسىز ەتۋ ءۇشىن قاجەت كورىنەدى.
*اقش اسكەري-اۋە كۇشتەرىنىڭ كوماندوۆانيەسى جويعىش ۇشاقتار ءۇشىن لازەرلى قارۋ جاساۋ ىقتيمالدىعى مول ەكەندىگى تۋرالى اقپارات تاراتتى. ەگەر مۇنداي قارۋ جاسالعان جاعدايدا, ول ورناتىلاتىن ۇشاقتار 2030 جىلدان كەيىن پايدالانۋعا بەرىلەتىن بولادى. ال ۇشاقتاردى العاش رەت سىناقتان وتكىزۋ 2022 جىلى جۇزەگە اسىرىلماق.
*فرانتسيا تاياۋداعى التى اي بەدەرىندە ورتالىق افريكا رەسپۋبليكاسىنا قوسىمشا 1 مىڭ سولدات جىبەرۋ نيەتىندە. بۇل جونىندە ەلدىڭ قورعانىس ءمينيسترى جان-يۆ لە دريان مالىمدەدى. قازىرگى كەزدە ەل باسشىلىعى بۇل قادامعا بارۋعا بۇۇ قاۋىپسىزدىك كەڭەسىنىڭ رۇقساتىن كۇتىپ وتىر. ال فرانتسۋز كونتينگەنتى اتالعان افريكا ەلىندە قاۋىپسىزدىكتى قامتاماسىز ەتۋ ءۇشىن قاجەت كورىنەدى.
*گولليۆۋدتىق پروديۋسەر, 68 جاستاعى ارنون ميلچەن يزرايل بارلاۋىنا جۇمىس ىستەگەنىن مويىندادى. بۇل تۋرالى ول يزرايل تەلەارناسىنا بەرگەن سۇحباتىندا مالىمدەدى. ميلچەننىڭ يزرايل ارنايى قىزمەتىمەن بايلانىسى بار ەكەنى تۋرالى اڭگىمە بۇعان دەيىن دە ايتىلىپ كەلگەن ەدى. ەندى بۇل جايت العاش رەت ناقتىلانىپ وتىر.
*يەمەننىڭ استاناسى – سانا قالاسىندا موتوتسيكل مىنگەن بەلگىسىز سودىرلار ەكى رەسەيلىكتى اتىپ ءولتىردى. مۇنى جەرگىلىكتى پوليتسياعا سىلتەمە جاساي وتىرىپ, «رەيتەر» اگەنتتىگى حابارلادى. دەرەك كوزىنىڭ سوزىنە قاراعاندا, قازا تاپقاندار جەرگىلىكتى اسكەريلەرگە كومەكتەسىپ جۇرگەن رەسەيلىك اسكەري نۇسقاۋشىلار كورىنەدى.
*ازىرشە قىتايداعى جەكە-دارا اۆيانوسەتس بولىپ تابىلاتىن «لياونين» ۇزاق مەرزىمدى ساپارعا اتتاندى. كورابل شاندۋن پروۆينتسياسىنداعى تسينداو جاعالاۋىنان شىعىپ, وڭتۇستىك-قىتاي تەڭىزىن بەتكە العان. ۇزاق مەرزىمدى ساپارى بارىسىندا اۆيانوسەتس العاش رەت ەكى تەڭىزدى: سارى جانە شىعىس-قىتاي تەڭىزدەرىن كەسىپ وتپەك. وسىلايشا كەمەنىڭ قۇرال-جابدىقتارى تەكسەرىستەن وتكىزىلمەك ەكەن.
*اقش-تىڭ ەڭ ۇلكەن مەگاپوليسى – نيۋ-يورك قالاسىندا سانتا-كلاۋستاردىڭ ءداستۇرلى شەرۋلەرى وتپەيتىن بولدى. ءداستۇرلى شەرۋلەر بارىسىندا قايىرىمدىلىق ماقساتىندا قارجى جينالاتىن. ۆولونتەرلەر ۇيىمىنىڭ ۆيتسە-پرەزيدەنتى رەيچەل ۆاينشتەيننىڭ سوزىنە قاراعاندا, بۇگىندە سانتا-كلاۋستار اقشا جيناۋدىڭ ءتيىمدى ءتاسىلى بولىپ تابىلمايدى. سەبەبى, سوڭعى جىلدارى جومارت امەريكالىقتار قاتارى ايتارلىقتاي سيرەپ كەتسە كەرەك.
* امەريكانىڭ GQ جۋرنالى ىقپالى كەرى سيپاتتاعى اتاقتى ادامداردىڭ ءتىزىمىن جاسادى. انتيرەيتينگكە ءوزدەرىنىڭ تانىمالدىعىن تەرىس پيعىلدا پايدالانۋعا ارەكەتتەنگەن اكتەرلەر, پوپ-جۇلدىزدار, سپورتشىلار مەن ساياساتكەرلەر ەنگەن. ۇستىمىزدەگى جىلى بۇل ءتىزىمدى بۇرىنعى باسكەتبولشى دەننيس رودمان باستاپ تۇرسا, اقش پرەزيدەنتى باراك وباما دا نازاردان تىس قالماپتى. 17-ورىنداعى وعان ىستەن گورى سوزگە كوپ ءمان بەرەتىن «كوكمىلجىڭ» پرەزيدەنت رەتىندە اتالعان تىزىمنەن ورىن ءتيىپتى.
اقپارات اگەنتتىكتەرىنىڭ ماتەريالدارى نەگىزىندە ازىرلەندى.
