كەشە سەلەكتورلىق رەجىمدە وتكەن ۇكىمەت وتىرىسىندا كولىك ينفراقۇرىلىمىن 2020 جىلعا دەيىن دامىتۋ جانە ىقپالداستىرۋ مەملەكەتتىك باعدارلاماسى قابىلدانىپ, قازاقستاننىڭ كولىك-لوگيستيكالىق جۇيەسىن دامىتۋ ماسەلەلەرى تالقىلاندى.
كەشە سەلەكتورلىق رەجىمدە وتكەن ۇكىمەت وتىرىسىندا كولىك ينفراقۇرىلىمىن 2020 جىلعا دەيىن دامىتۋ جانە ىقپالداستىرۋ مەملەكەتتىك باعدارلاماسى قابىلدانىپ, قازاقستاننىڭ كولىك-لوگيستيكالىق جۇيەسىن دامىتۋ ماسەلەلەرى تالقىلاندى.
وتىرىسقا توراعالىق ەتكەن پرەمەر-مينيستر سەرىك احمەتوۆ ءوز سوزىندە بۇل باعدارلاما مەملەكەت باسشىسىنىڭ «قازاقستان-2050» ستراتەگياسىندا ايتىلعان مىندەتتەردىڭ ءبىرى ەكەندىگىن اتاي كەلە, قۇرىلىس بويىنشا شارالارعا, قازىرگى ينفراقۇرىلىمدىق نىسانداردى جەتىلدىرۋ جانە كەڭەيتۋگە باسا نازار اۋداردى. ال قۇجاتتىڭ جالپى مازمۇنىن كولىك جانە كوممۋنيكاتسيا ءمينيسترى اسقار جۇماعاليەۆ باياندادى. ءمينيستردىڭ مالىمدەۋىنشە, باعدارلامانى جۇزەگە اسىرۋ 2020 جىلعا قاراي ترانزيتتىك تاسىمالداۋدى 2 ەسەگە ارتتىرۋعا, كولىك ينفراقۇرىلىمىن حالىقارالىق كولىك جۇيەسىنە ىقپالداستىرۋدى قامتاماسىز ەتۋگە, وڭىرلەردە جەرگىلىكتى كولىك ينفراقۇرىلىمىن دامىتۋعا مۇمكىندىك بەرەدى. ا.جۇماعاليەۆ, سونداي-اق, بۇگىندە دۇنيەجۇزىلىك بانكپەن بىرگە لوگيستيكانى دامىتۋ دەڭگەيىنىڭ ءوسۋى بويىنشا ءىس-شارالار جوسپارىنىڭ ازىرلەنىپ جاتقانىن ايتىپ, بۇل 2020 جىلعا قاراي لوگيستيكا تيىمدىلىگى يندەكسى بويىنشا دۇنيەجۇزىلىك بانك رەيتينگىندە 40-شى ورىنعا جەتۋگە مۇمكىندىك بەرەتىنىن جەتكىزدى.
اۆتوموبيل جولدارىن, تەمىرجول سالاسىن, سۋ كولىگىن, ازاماتتىق اۆياتسيانى, ىشكى جانە سىرتقى تەرمينالدىق جەلىنى دامىتۋ, جول جانىنداعى قىزمەت كورسەتۋدى, جولاۋشىلار تاسىمالداۋ جۇيەسىن جەتىلدىرۋ جوسپارلارى تۋرالى مالىمدەپ, باعدارلامانىڭ ەكونوميكالىق تيىمدىلىك كورسەتكىشتەرىنە توقتالدى. مىسالى, 2020 جىلعا دەيىن 30 مىڭ شاقىرىم اۆتوجولى, 8202 شاقىرىم تەمىرجول جەلىسىن جوندەۋ, تەمىرجول ۆوكزالدارىن 100 پايىز كۇردەلى جوندەۋدەن وتكىزۋ, سونىمەن قاتار, رەسپۋبليكالىق كولىك ينفراقۇرىلىمىنىڭ دامۋىنا باعىتتالعان باسقا دا شارالاردى وتكىزۋ جوسپارلانعان. باعدارلاما نەگىزىندە ترانزيتتىك تاسىمالداۋ كولەمدەرىن 2 ەسەگە, جۇك اينالىمىن 1,6 ەسەگە جانە جولاۋشى اينالىمىن 1,5 ەسەگە ارتتىرۋ كوزدەلگەن. جولداردى جوندەۋ جانە قۇراستىرۋمەن قاتار, جول بويىنداعى قىزمەت كورسەتۋ مەن جولاۋشىلار تاسىمالىنىڭ دامۋىنا كوڭىل بولىنگەن. وسىلايشا, 2020 جىلعا دەيىن 260 جول بويىندا قىزمەت كورسەتۋ نىساندارىن سالۋ قاراستىرىلۋدا. ال اۆتوموبيل كولىكتەرىندە جولاۋشىلار تاسىمالىنىڭ ينفراقۇرىلىمىن دامىتۋ ءۇشىن ايماقتاردا 9 اۆتوۆوكزال, 45 اۆتوبەكەت, 155 جولاۋشىلارعا قىزمەت كورسەتۋ پۋنكتى جانە 1048 تاكسي ايالدامالارى سالىنباق. اۋەجاي جەلىلەرىن دامىتۋ شەڭبەرىندە دە ءبىراز جوسپار بار. ماسەلەن, 11 اۋەجاي قايتا جاڭعىرتىلماق. ولاردىڭ بەسەۋىندە ۇشىپ-قونۋ جولاقتارى مەن جولاۋشىلار تەرمينالى, التاۋىندا جولاۋشىلار تەرمينالى سالىنادى. ءسويتىپ, 2020 جىلعا دەيىن 75 جاڭا حالىقارالىق اۋە قاتىناسى اشىلادى.
باعدارلاما شەڭبەرىندە سۋ كولىگى ينفراقۇرىلىمىن دامىتۋ جوسپارلانعانىن دا ايتا كەتكەن ءجون. اتاپ ايتقاندا, كەمەجايدىڭ وتكىزۋ قابىلەتىن كەڭەيتۋ جونىندەگى جوبا ىسكە اسىرىلۋدا. ونىڭ شەڭبەرىندە 3 قۇرعاق جۇك تەرمينالىن سالۋ قاراستىرىلعان. ناتيجەسىندە اقتاۋ كەمەجايىنىڭ وتكىزۋ قابىلەتتىلىگى 16,8 ملن. توننادان 20,5 ملن. تونناعا دەيىن وسەدى.
ۇكىمەت باسشىسى قازاقستان حالىقارالىق كولىك دالىزدەرىنىڭ تورابىندا ورنالاسقاندىقتان ەۋروپا مەن ازيانى جالعايتىن نەگىزگى لوگيستيكالىق بۋىنعا اينالۋدىڭ بارلىق العىشارتتارىنا يە ەكەندىگىن اتاپ ءوتتى. «پرەزيدەنت ترانزيتتىك الەۋەتتى دامىتۋعا, اۋقىمدى ينفراقۇرىلىمدىق جوبالاردى جۇزەگە اسىرۋعا جانە ەل اۋماعىن كولىك دالىزدەرىنىڭ حالىقارالىق جۇيەسىنە ىقپالداستىرۋعا ەرەكشە كوڭىل بولۋدە», دەپ اتاپ كورسەتكەن س.احمەتوۆ بۇل ماسەلەگە بارىنشا ءمان بەرۋ كەرەك ەكەندىگىن قاداپ ايتتى. وتىرىستا كولىك-لوگيستيكالىق جۇيەنى دامىتۋ ماسەلەلەرى بويىنشا «قازاقستان تەمىر جولى» اق باسشىسى اسقار مامين باياندادى.
«بiرىڭعاي ەكونوميكالىق كەڭiستiكتiڭ قۇرىلۋى ءۇش ەلدiڭ ترانزيتتiك الەۋەتiن iشكi شەكارالارداعى كەدەن ۇدەرiستەرiن وڭتايلاندىرۋ ەسەبiنەن ارتتىرۋعا مۇمكiندiك بەردi جانە ەلدەرiمiز اراسىنداعى ورتاق جوبالاردىڭ iسكە اسىرىلۋىن قالىپتاستىردى. بۇل ىستە كونتەينەرلەر تاسىمالى مەن تەرمينالدىق وڭدەۋ وپەراتورى بولاتىن بiرلەسكەن كولiكتiك لوگيستيكالىق كومپانيانى قۇرۋ نەگiزگi جوبا بولىپ تابىلادى», دەدi ا.مامين. ونىڭ ايتۋىنشا, بiرلەسكەن كولiكتiك لوگيستيكالىق كومپانياعا قازاقستان اۋماعى ارقىلى جۇك تاسىمالىنىڭ ماقساتتى كولەمiن 2020 جىلعا دەيىن 1,7 ملن. كونتەينەر دەڭگەيiندە يگەرۋ مiندەتi جۇكتەلەدi.
جيىندى قورىتىندىلاعان ۇكىمەت باسشىسى باعدارلامانىڭ اۋقىمدىلىعىن اتاپ ءوتىپ, ينفراقۇرىلىمدى دامىتۋعا 5 ترلن. تەڭگەگە جۋىق ينۆەستيتسيالار تارتىلاتىنىن ايتتى.
«سايكەس ينفراقۇرىلىمدى قۇرمايىنشا, قازاقستان اۋماعى ارقىلى ءترانزيتتى دامىتۋ, سونداي-اق كولىك لوگيستيكاسىن دامىتۋ مۇمكىن ەمەس. سوندىقتان, مەملەكەتتىك مارتەبەنى يەلەنگەن باعدارلامانىڭ باستى مىندەتى – كولىك ينفراقۇرلىمىن دامىتۋ جانە سالۋ بولىپ تابىلادى», دەپ اتاپ كورسەتتى س.احمەتوۆ.
ۇكىمەت باسشىسى كولىك جانە كوممۋنيكاتسيا مينيسترلىگى مەن «قازاقستان» اق-قا مۇددەلى مەملەكەتتىك ورگاندارمەن ءبىرگە «قازاقستان – جاڭا جىبەك جولى» جوباسى بويىنشا ءىس-شارالاردىڭ كەشەندى جوسپارىن جۇزەگە اسىرۋدى جالعاستىرۋدى, جەرگىلىكتى اتقارۋشى ورگاندارمەن اۋەجايلاردى باسقارۋ بويىنشا كومپانيا قۇرۋدى جەدەلدەتۋدى, «بەينەۋ–جەزقازعان» جانە «ارقالىق–شۇباركول» تەمىرجول جەلىلەرىن سالۋ جوبالارىن ۋاقتىلى جۇزەگە اسىرۋدى قامتاماسىز ەتۋدى تاپسىردى.
دينارا بىتىكوۆا,
«ەگەمەن قازاقستان».
