ەلوردا • 15 قاراشا، 2020

2021 جىلى نۇر-سۇلتان قالاسىنىڭ ەلدى مەكەنىنە اۋىز سۋ جەتكىزىلەدى

22 رەت كورسەتىلدى

ەلوردانىڭ بىرقاتار ەلدى مەكەنىندە ينفراقۇرىلىمدى دامىتۋ ماسەلەلەرى بار. ينتەرناتسيونالنىي ەلدى مەكەنىندە ءبىرىنشى كەزەكتە جارىقتاندىرۋ، ايالدامالار ورناتىلىپ، اۆتوبۋس مارشرۋتتارىنىڭ قوسىمشا سانى ىسكە قوسىلادى. قازىر ماگيسترالدى سۋ قۇبىرى قۇرىلىسى باستالدى، دەپ حابارلايدى Egemen.kz

ماگيسترالدى سۋ قۇبىرى اياقتالعاننان كەيىن، كۆارتالىشىلىك جەلىلەر ۇيلەرگە وتكىزىلەدى. بۇل جۇمىستاردى 2021 جىلى اياقتاۋ جوسپارلانعان. بۇل تۋرالى نۇر-سۇلتان قالاسىنىڭ اكىمى التاي كولگىنوۆ ءوزىنىڭ "ينستاگرام" پاراقشاسىندا جازدى.

"ەلوردادا 16 ەلدى مەكەن بار. ولاردى ورتالىقتاندىرىلعان دامىتۋدان باسقا، اۋىز سۋ، كارىز، جارىقتاندىرۋ، جولدار سالۋ جانە ت.ب. ماسەلەلەردى شەشۋ قاجەت. اۋدان تۇرعىندارى جارىقتاندىرۋ، نوسەر جانە شارۋاشىلىق كارىزدەرىن جۇرگىزۋ، ينتەرنەت، گازداندىرۋ، جولداردى، تروتۋارلاردى اسفالتتاۋ جانە ت.ب. سياقتى ينفراقۇرىلىم ماسەلەلەرىن كوتەردى.

ءبىرىنشى كەزەكتە جارىقتاندىرۋ، ايالدامالار ورناتۋ، اۆتوبۋس مارشرۋتتارىنىڭ قوسىمشا سانىن ىسكە قوسۋدان باستايمىز. تۇرعىنداردا ورتالىقتاندىرىلعان اۋىزسۋ بەرىلمەگەنىن ەسكەرە وتىرىپ، ءبىز ماگيسترالدى سۋ قۇبىرىنىڭ قۇرىلىسىن باستادىق. ماگيسترالدى سۋ قۇبىرى اياقتالعاننان كەيىن، كۆارتالىشىلىك جەلىلەردى ۇيلەرگە وتكىزۋگە كىرىسەمىز. بۇل جۇمىستاردى 2021 جىلى اياقتاۋدى جوسپارلاپ وتىرمىز. جولداردى اسفالتتاۋعا كىرىسپەس بۇرىن، كارىز جانە گازداندىرۋ جۇمىستارىن اياقتايمىز. بيىلعى جىلىتۋ ماۋسىمىندا بىرقاتار ەلدى مەكەن گازعا كوشىرىلە باستايدى. پروتسەسس بىرنەشە كەزەڭگە بولىنگەن. ايتىلعان كەزدەسۋدە تۇرعىندار كوتەرگەن ماسەلەلەر جوسپارعا الىندى.

وسىنداي كەزدەسۋلەردى بارلىق ەلدى مەكەندەردە وتكىزىپ، قالا تۇرعىندارىنىڭ ۇسىنىستارىن قالانى دامىتۋ جوسپارىنا ەنگىزەمىز. تۇرعىن ءۇي الاپتارىن دامىتۋ ماسەلەسى مەملەكەت باسشىسىنىڭ باقىلاۋىندا"، دەپ جازدى التاي كولگىنوۆ.

سوڭعى جاڭالىقتار

ۇقساس جاڭالىقتار