كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن رۇقسات بەرۋ جۇيەسىن جەتىلدىرۋ ماسەلەلەرى جونىندەگى ۆەدومستۆوارالىق كوميسسيانىڭ ونىنشى – وسى جىلعى قورىتىندى وتىرىسى ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆتىڭ توراعالىعىمەن رۇقسات بەرۋ جۇيەسىن جەتىلدىرۋ ماسەلەلەرى جونىندەگى ۆەدومستۆوارالىق كوميسسيانىڭ ونىنشى – وسى جىلعى قورىتىندى وتىرىسى ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
كوميسسيا مۇشەلەرى قازاقستاندىق بيزنەس وكىلدەرىنەن قۇرالعان ساراپتامالىق توپپەن بىرىگىپ, ەلىمىزدەگى رۇقسات بەرۋ جۇيەسىنىڭ تۇگەندەۋ جۇمىستارىنىڭ ناتيجەلەرىنە تالداۋ جاسادى.
وتىرىستا 925 رۇقسات بەرۋ قۇجاتى قارالىپ, ونىڭ 51-ءىنىڭ كۇشى جويىلدى, 6-ى حابارلاما بەرۋ تارتىبىنە اۋىستىرىلدى. 116 رۇقسات بەرۋ قۇجاتى ازىرلەنىپ وتىرعان «رۇقساتتار مەن حابارلامالار تۋرالى» زاڭ جوباسىنىڭ تالاپتارىنا سايكەس كەلمەگەندىكتەن, تىزبەدەن الىنىپ تاستالدى.
بۇل ءىستى جۇيەلى جولعا سالۋ ءۇشىن «رۇقساتتار مەن حابارلامالار تۋرالى» زاڭ جوباسى ازىرلەنۋدە.
– اتالعان زاڭ جوباسى كوميسسيا جۇمىسىنىڭ نەگىزگى قورىتىندىسى بولىپ تابىلادى. قازاقستان تاجىريبەسىندە ءبىرىنشى رەت رۇقساتتاردىڭ تولىق تىزبەسى مەن ولاردى ەنگىزۋ مەن كۇشىن جويۋدىڭ بىرىڭعاي ءتارتىبى بەلگىلەنۋدە, – دەپ اتاپ ءوتتى باقىتجان ساعىنتاەۆ.
سونىمەن, كوميسسيانىڭ قورىتىندى وتىرىسىندا 758 قۇجات بەكىتىلدى, ونىڭ 719-ى – رۇقساتتار, 39-ى – حابارلامالار. زاڭ قابىلدانعاننان كەيىن كەز كەلگەن جاڭا رۇقسات اتالعان كوميسسيا ماقۇلداعاننان كەيىن جانە زاڭعا قوسىمشا بولىپ تابىلاتىن تىزبەگە ەنگىزىلگەننەن كەيىن عانا ومىرگە جولداما الادى.
