سپيكەردىڭ سوزىنشە, بيىل ينتەرنەت يگىلىگىمەن 46 ەلدى مەكەندى قامتۋ جوسپارلانعان. بۇگىندە 24 اۋىلدا اكتيۆ موبيلدىك ينتەرنەت جەلىسىنە قوسىلعان. بۇل يگىلىككە وزگە دە اۋىلدار قول جەتكىزۋ ءۇشىن اۋىل تۇرعىندارىنىڭ سانى 250 نەمەسە ودان كوپ بولۋى شارت.
"ايتا كەتەيىك, ايماقتا ينتەرنەتى جوق 130 ەلدى مەكەن بار. سوندىقتان وندا ورنالاسقان 123 مەكتەپتىڭ 113-ءى ءداستۇرلى وقۋعا كوشىرىلگەن. 10 ەلدى مەكەندەگى 10 مەكتەپ ءموبيلدى وپەراتورلارى ارقىلى جۇمىس جاساۋدا. جىل باستالعالى جالپى وبلىستا 442 مەكتەپتە 238 682 وقۋشى ءبىلىم الۋدا. سونىڭ ىشىندە ءبىرىنشى توقساندا 229 مەكتەپتە 147 873 وقۋشى قاشىقتىقتان وقىدى. بۇل وبلىس وقۋشىلارىنىڭ 62 پايىزىن قۇرايدى", دەدى گ.حودجابەرگەنوۆا.
سونداي-اق باسقارما باسشىسى 213 مەكتەپتە 31 975 وقۋشى ءداستۇرلى تۇردە ءبىلىم العانىن ايتتى. ەندى وقۋ جىلىنىڭ ءىى توقسانىنان باستاپ 1-5 سىنىپ وقيتىن 59 090 وقۋشى ءداستۇرلى وقۋعا كوشەدى. ال 215 مەكتەپتە 144 108 وقۋشى قاشىقتىقتان ءبىلىم الاتىن بولادى.
