وبلىستىق پد ءباسپاسوز قىزمەتىنىڭ مالىمەتىنشە, 11 قاراشا كۇنى 35 جاستاعى ماساڭ كۇيدەگى ايەل پىشاق جاراقاتىمەن اۋرۋحاناعا تۇسكەن.
"جەدەل تەرگەۋ امالدارى كەزىندە انىقتالعانداي, زاداپ شەگۋشى ءوز ۇيىندە اناسىمەن قوسىلىپ اراق ىشكەن. ارتىنشا, ەكەۋارا جانجال شىققان. وسى كەزدە اناسى اس بولمەدەگى پىشاقتى الىپ, قىزىنىڭ ارقا تۇسىنان سۇعىپ العان", دەيدى ۆەدومستۆودان.
بەلگىلى بولعانداي, 58 جاستاعى كۇدىكتى ايەل 1997 جىلى قر قك 195-بابىنىڭ 1-بولىگى بويىنشا قىلمىستىق جاۋاپقا تارتىلعان.
"كۇدىكتى قىلمىسىن تولىق مويىندادى. تەرگەۋ امالدارى ودان ءارى جالعاسۋدا", دەيدى پد وكىلى.
