ماسەلەن, بايزاق اۋدانىنىڭ اۋماعىندا ورنالاسقان, «سادۋوۆ» جەكە كاسىپكەرلىگىنە بەكىتىلىپ بەرىلگەن«ۆوينسكوە» بالىق شارۋاشىلىعى سۋ ايدىنىنا 3000 دانا جانە «قازفوسفات» جاۋاپكەرشىلىگى شەكتەۋلى سەرىكتەستىگىنە بەكىتىلىپ بەرىلگەن «يۋبيلەينوە» بالىق شارۋاشىلىعى سۋ ايدىنىنا 30 000 دانا تۇقى تۇقىمداس شاباقتار جىبەرىلدى. سونداي-اق, جامبىل اۋدانى اۋماعىندا ورنالاسقان «جاسوركەن-1» بالىق شارۋاشىلىعى سۋ ايدىنى 2013 جىلى 27 ماۋسىمدا جامبىل وبلىسى اكىمىنىڭ قاۋلىسىمەن «ەشەنكۋلوۆ ر.ا.» جەكە كاسىپكەرلىگىنە بەكىتىلىپ بەرىلگەن. كەزەكتى بالىقتاندىرۋ كەزىندە مۇندا دا 5000 دانا تۇقى تۇقىمداس شاباقتار جىبەرىلدى. ال, 2019 جىلى 3 ماۋسىمدا جامبىل وبلىسى اكىمىنىڭ قاۋلىسىمەن «بولاشاق» شارۋا قوجالىعىنا بەكىتىلىپ بەرىلگەن «شايدانا» بالىق شارۋاشىلىعى سۋ ايدىنى جامبىل اۋدانىنىڭ اۋماعىندا ورنالاسقان. كەزەكتى بالىقتاندىرۋ جۇمىسى بويىنشا بۇل جەرگە دە 4200 دانا تۇقى تۇقىمداس شاباقتار جىبەرىلدى. تالاس اۋدانىندا ورنالاسقان «اقكول» بالىق شارۋاشىلىعى سۋ ايدىنى «قويشىباي اتا» شارۋا قوجالىعىنا بەكىتىلىپ بەرىلگەن. وسى سۋ ايدىنىنا 15 000 دانا تۇقى تۇقىمداس شاباقتار جىبەرىلدى. اتالعان سۋ ايدىندارىنا جىبەرىلگەن شاباقتار «ساندەل» شارۋا قوجالىعىنىڭ بالىق ءوسىرۋ تالىمباعىنان الىنعان.
سونىمەن قاتار, تالاس اۋدانىنداعى تاعى ءبىر سۋ ايدىنى «پيونەر» بالىق شارۋاشىلىعى سۋ ايدىنى. بۇل 2019 جىلى 3 ماۋسىمدا جامبىل وبلىسى اكىمىنىڭ قاۋلىسىمەن «KOKTAL AGRO-HALL» جاۋاپكەرشىلىگى شەكتەۋلى سەرىكتەستىگىنە بەكىتىلىپ بەرىلگەن. اتالعان سۋ ايدىنىنا 8000 دانا تۇقى تۇقىمداس, كاراس جانە اق امۋر شاباقتارى جىبەرىلدى. شاباقتار وبلىس اۋماعىنداعى «رزاەۆ» جەكە كاسىپكەرلىگىنە بەكىتىلىپ بەرىلگەن «كاسكاد ءشومىش» بالىق شارۋاشىلىعى سۋ ايدىنىنان الىنعان.
