سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ مۇشەسى دۇيسەنعازى مۋسين ادامزاتقا سۋدىڭ قورى شەكتەۋلى ءارى ەل ەكونوميكاسىنىڭ تۇراقتى دامۋىن قامتاماسىز ەتەتىن وزەكتى فاكتور ەكەنىن اتاپ ءوتتى.
«مەملەكەت باسشىسى ق.توقاەۆ بيىلعى جىلعى قىركۇيەكتەگى جولداۋىندا اۋىل شارۋاشىلىعىن دامىتپاي, باسەكەگە قابىلەتتى ەكونوميكا قۇرۋ مۇمكىن ەمەستىگىن ايتا كەلىپ, بۇل سالادا شەشىمىن تاپپاي كەلە جاتقان ماسەلەلەردىڭ ءبىرى - تەحنولوگيالىق تۇرعىدان ەسكىرگەن سۋارۋ جۇيەلەرى جانە ت.ب. سەبەپتەردەن سۋدىڭ 40 پايىز مولشەرى دالاعا كەتىپ جاتاتىنىنا توقتالدى. ونسىز دا سۋ تاپشىلىعىنىڭ زاردابىن تارتىپ وتىرعان ەلىمىزدە بۇعان جول بەرۋگە بولمايتىنىن, وسى سالانىڭ نورماتيۆتىك-قۇقىقتىق تۇرعىدان رەتتەلۋىن قامتاماسىز ەتۋ جانە زاماناۋي تەحنولوگيالار مەن يننوۆاتسيانى ەنگىزۋ ءۇشىن ەكونوميكالىق ىنتالاندىرۋ شارالارىن ازىرلەۋ قاجەت», - دەدى دۇيسەنعازى مۋسين.
ترانسشەكارالىق سۋ پايدالانۋ ماسەلەلەرىنىڭ ماڭىزىن ەسكەرە وتىرىپ, وسى سالانىڭ حالىقارالىق-قۇقىقتىق نەگىزىن قالىپتاستىرۋ ۇسىنىلىپ وتىر. سونداي-اق سۋ شارۋاشىلىعى وبەكتىلەرى مەن قۇرىلىستارىن تولىق كولەمدە پاسپورتتاۋدى جۇرگىزۋ, ولاردىڭ تەحنيكالىق جاي-كۇيىن ەسەپكە الۋ قاجەتتىگى اتاپ ءوتىلدى.
سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ توراعاسى ءالي بەكتاەۆ اۋىل شارۋاشىلىعىندا سۋارمالى ەگىنشىلىكتى دامىتۋدىڭ ەكونوميكالىق, الەۋمەتتىك جانە ەكولوگيالىق ماڭىزىن ەسكەرە وتىرىپ, اۋىل شارۋاشىلىعى جەرلەرىن سۋارۋ كەزىندە سۋ ىسىرابىن ازايتۋ, سونداي-اق سۋارمالى ەگىنشىلىككە قازىرگى زامانعى تەحنولوگيالار مەن يننوۆاتسيالاردى ەنگىزۋ ءۇشىن ەكونوميكالىق ىنتالاندىرۋ جونىندەگى كەشەندى شارالار ازىرلەۋ قاجەتتىگىن اتاپ ءوتتى.
شارا بارىسىندا سونداي-اق اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ, ەكولوگيا, گەولوگيا جانە تابيعي رەسۋرستار ۆيتسە-ءمينيسترى سەرگەي گروموۆ, قازاق سۋ شارۋاشىلىعى عىلىمي-زەرتتەۋ ينستيتۋتىنىڭ باس ديرەكتورى نۇرلان بالعاباەۆ, "قازاقستان رەسپۋبليكاسى اۋىل شارۋاشىلىعى مينيسترلىگىنىڭ اگروحيميالىق قىزمەتى رەسپۋبليكالىق عىلىمي-ادىستەمەلىك ورتالىعى" رمم ديرەكتورى نۇرلان سادىبەكوۆ, ء"و.و.وسپانوۆ اتىنداعى قازاق توپىراقتانۋ جانە اگروحيميا عىلىمي-زەرتتەۋ ينستيتۋتى" جشس باسقارما توراعاسىنىڭ م. ا. بەيبىت سۇلەيمەنوۆ, "قازسۋشار" رمك باس ديرەكتورى ارمان قاسەنوۆ, سونداي-اق تۇركىستان, الماتى, جامبىل جانە قىزىلوردا وبلىستارى اكىمدەرىنىڭ ورىنباسارلارى قاتىستى.
دوڭگەلەك ۇستەل قورىتىندىسى بويىنشا ۇكىمەتكە جىبەرىلەتىن ۇسىنىمدار ازىرلەندى.
