بىلتىردان باستاپ اۋداننىڭ ءبىلىم بەرۋ جانە دەنساۋلىق ساقتاۋ سالالارىنىڭ جانە باسقا مەكەمەلەرى ەسكەرتكىشتى اشۋ قورىنا ءبىر كۇندىك ەڭبەكاقىلارىن اۋداردى. سونىڭ وزىندە قارجى تاپشى بولدى. الايدا, «سترويسەرۆيس» جشس قولدا بار قاراجاتپەن كورىكتەندىرۋ جانە ەسكەرتكىشتى تۇرعىزۋ جۇمىستارىن جۇرگىزۋگە كەلىستى. ءمۇسىنشى اياپبەرگەن قارپەكوۆتىڭ جوباسى تاڭداپ الىنىپ, جۇمىس قارقىندى جۇرگىزىلدى. ەسكەرتكىشتى ورناتۋ جۇمىستارىنا العالىق اۋعان سوعىسىنىڭ ارداگەرلەرى دە ۇيىمشىلدىقپەن اتسالىستى. «العا اۋداندىق اۋعان سوعىسى ارداگەرلەرى» قوعامدىق بىرلەستىگىنىڭ توراعاسى كەنجەباي كوشەرباەۆتىڭ ايتۋىنشا, قازىر اۋداندا 54 اۋعان سوعىسىنا قاتىسۋشى تۇرادى.
ەسكەرتكىشتىڭ اشىلۋ سالتاناتىندا ءسوز العان اۋدان اكىمى اسقار شەريازدانوۆ بۇل وتە ماڭىزدى ءىس بولعانىن اتاپ ءوتتى. ەسكەرتكىش ەرلىككە تاعزىمنىڭ ازاماتتىق ۇلگىسى ەكەنىن جەتكىزدى. اۋعان سوعىسىنا قاتىسۋشى جاۋىنگەرلەردىڭ ەرلىگىنە قۇرمەت رەتىندە باعالادى. پارلامەنت ءماجىلىسىنىڭ دەپۋتاتى, حالىق قاھارامانى باقىتجان ەرتاەۆتىڭ وسى شاراعا ارنايى كەلۋىنىڭ ءوزى ونىڭ ماڭىزىن ارتتىرا ءتۇستى. ول جينالعاندار الدىندا اۋعان سوعىسىنا قاتىسۋشى جاۋىنگەرلەردىڭ ەرلىگى, ۇلتتىق پاتريوتيزم, وتانسۇيگىشتىك, ازاماتتىق پارىز تۋرالى ويلارىن ايتا كەلىپ, اۋعان سوعىسى جاۋىنگەرلەرىنە قويىلعان مۇنداي ەسكەرتكىشتىڭ ازىرگە اۋدان ورتالىقتارىندا كەزدەسپەيتىنىن جەتكىزدى. بۇل ينتەرناتسيونالدىق بورىشىن وتەۋ جولىندا قازا تاپقانداردىڭ ەرلىگىن ەستە ساقتاۋدىڭ, سونداي-اق, ارامىزداعى اۋعان سوعىسى ارداگەرلەرىنە قۇرمەتتىڭ ۇلگىسى ەكەنىن اتاپ ءوتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
