قازاقستان • 13 قاراشا، 2020

"ۇركەر-2020" ۇلتتىق سىيلىعىنىڭ جەڭىمپازدارى بەلگىلى بولدى

238 رەت كورسەتىلدى

بۇگىن ەلوردانىڭ حاق تورىندە "قازمەديا" ورتالىعىندا جۋرناليستيكا سالاسىنداعى "ۇركەر-2020" ۇلتتىق سىيلىعى جەڭىمپازدارىنىڭ ەسىمدەرى بەلگىلى بولدى، دەپ حابارلايدى Egemen.kz

سونىمەن "جىلدىڭ ۇزدىك فوتوسۋرەتى" اتالىمىندا تاۋەلسىز ەكولوگيالىق شولۋشى ساكەن دىلداحمەت جەڭىمپاز اتاندى.

"جىلدىڭ ۇزدىك رەپورتاجى" اتالىمى Kyzylorda-news.kz پورتالىنىڭ ءجۋرناليسى نۇرسۇلتان مىقتىباەۆقا، "جىلدىڭ ۇزدىك اناليتيكالىق ماتەريالى" اتالىمى Strategy2050.kz پورتالى ءجۋرناليسى قايرات جاندىباەۆقا، "جىلدىڭ ۇزدىك جۋرناليستىك زەرتتەۋى" "ۆرەميا" گازەتىنەن ميحايل كوزاچكوۆقا بۇيىردى.

ال ەلىمىزدىڭ باس باسىلىمى "ەگەمەن قازاقستان" گازەتىنىڭ ءتىلشىسى گۇلبارشىن ساباەۆا "جىلدىڭ ۇزدىك سۇحباتى" جانە "Sputnik كازاحستان" اگەنتتىگىنىڭ ءتىلشىسى تيمۋر نيتاليەۆ "جىلدىڭ ۇزدىك تانىمدىق ماتەريالى" اتالىمىندا كوش باستادى.

"راديوستانتسياداعى ۇزدىك جوبا" اتالىمى "Atyray" راديوستانتسياسىنىڭ "ەفيردە 102 FM" باعدارلاماسىنا بۇيىرسا، TengriNews پورتالى "جىلدىڭ ۇزدىك جاڭالىقتار پورتالى" اتالىمىندا ۇزدىك اتاندى.

"جىلدىڭ ۇزدىك گازەتى" سىيلىعى جامبىل وبلىستىق "AQ JOL" گازەتىنە بەرىلدى. سونىمەن قاتار "جىلدىڭ ۇزدىك جۋرنالى" "جۇلدىز" جۋرنالى جەڭىمپاز دەپ تانىلدى.

ال شەرحان مۇرتازا اتىنداعى نوميناتسيا پۋبليتسيست قاينار ولجايعا بۇيىردى.

سونىمەن قاتار "Kazinform" حالىقارالىق اقپاراتتىق اگەنتتىگىنىڭ ارنايى سىيلىعى "تاسس" اگەنتتىگى مەن "Kaznews" موڭعولياداعى قازاقتىلدى پورتالعا بەرىلسە، "كازاحستانسكايا پراۆدا" گازەتىنىڭ ارنايى سىيلىعى ارداگەر جۋرناليست تاتيانا كوستيناعا تابىستالدى.

ايتا كەتەيىك، 2020 جىلدىڭ 2 قازانى مەن 5 قاراشاسى ارالىعىندا ۇيىمداستىرىلعان "ۇركەر" ۇلتتىق سىيلىعىنىڭ 11 اتالىم بويىنشا قاتىسۋشىلارىنان 470 ءوتىنىم كەلىپ ءتۇستى. بۇگىن ءار اتالىم ۇزدىگىنە "ۇركەر" ەستەلىك مۇسىنشەسى جانە ءبىر ميلليون تەڭگە اقشالاي سىيلىق تابىس ەتىلدى. ۇلتتىق بايگەنى اقپارات جانە قوعامدىق دامۋ مينيسترلىگى مەن "مەديا دامىتۋ قورى" كورپوراتيۆتىك قورى ۇيىمداستىردى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار