كەشە نازارباەۆ ورتالىعىندا تۇڭعىش پرەزيدەنت كۇنى قارساڭىندا «تۇڭعىش – پەرۆىي» اتتى دەرەكتى فيلمدەر اپتالىعىنىڭ اشىلۋ سالتاناتى بولدى. شارانى پرەزيدەنت كەڭسەسىنىڭ باستىعى, نازارباەۆ ورتالىعى ديرەكتورىنىڭ مىندەتىن اتقارۋشى ماحمۇت قاسىمبەكوۆ اشتى.
كەشە نازارباەۆ ورتالىعىندا تۇڭعىش پرەزيدەنت كۇنى قارساڭىندا «تۇڭعىش – پەرۆىي» اتتى دەرەكتى فيلمدەر اپتالىعىنىڭ اشىلۋ سالتاناتى بولدى. شارانى پرەزيدەنت كەڭسەسىنىڭ باستىعى, نازارباەۆ ورتالىعى ديرەكتورىنىڭ مىندەتىن اتقارۋشى ماحمۇت قاسىمبەكوۆ اشتى.
«1991 جىلدىڭ 1 جەلتوقسانىندا قازاقستان حالقى ءوزىنىڭ تاعدىرىن تۇڭعىش پرەزيدەنت نۇرسۇلتان نازارباەۆقا سەنىپ تاپسىردى. ۋاقىت تاڭداۋدىڭ دۇرىس جاسالعانىن كورسەتتى. قىسقا مەرزىم ىشىندە ءبىزدىڭ ەل دامۋدىڭ دارا داڭعىلىنا ءتۇستى. ەلباسى ايقىنداعان قازاقستاندىق جول ەلىمىزدى تابىسقا جەتەلەدى. ەلدىڭ ەرتەڭى جاستار. مۇنى ەلباسى ۇنەمى اتاپ كورسەتىپ وتىرادى. مەملەكەت باسشىسى «قازاقستان-2050» ستراتەگياسىن ءبىلىمدى جانە تاربيەلى جاستاردىڭ جۇزەگە اسىراتىنىنا سەنەدى. وزدەرىڭىز بايقاپ وتىرعانداي, وسى شاراعا ءبىز وزات وقۋىمەن جانە ۇلگىلى تارتىبىمەن كوزگە كورىنىپ جۇرگەن ءبىلىمدى جاستاردى جيناپ وتىرمىز. مۇنداعى ماقسات سىزدەرگە پرەزيدەنتتىڭ ەلباسى, ازامات جانە ادام رەتىندەگى كوپ قىرلى تۇلعاسىن جان-جاقتى تانىتۋ.
ءبىز تاۋەلسىز قازاقستاننىڭ ازات ۇلى مەن ازات قىزىن باياندى بولاشاق پەن كەمەل كەلەشەكتىڭ كەپىلى دەپ بىلەمىز. ەلدىڭ ەرتەڭى بولعاندىقتان سىزدەرگە زور ءۇمىت ارتامىز. سىزدەر وتكەن تاريحتى بىلۋگە, ونى جاساعان كەمەڭگەر تۇلعالارعا قۇرمەتپەن قاراۋعا تيىسسىزدەر», – دەدى م.قاسىمبەكوۆ.
اپتالىقتىڭ اشىلۋىندا كورەرمەندەر نازارىنا «ەل اناسى» جانە «ۇزەڭگىلەستەر» اتتى دەرەكتى فيلمدەر ۇسىنىلدى. اتالعان شارانىڭ ءار كۇنى تاۋەلسىز قازاقستاننىڭ قالىپتاسۋ كەزەڭىن جانە مەملەكەت دامۋىنا پرەزيدەنت نۇرسۇلتان نازارباەۆتىڭ قوسقان ەرەن ەڭبەگىن دەرەكپەن دايەكتەۋگە ارنالعان. سونداي-اق, جۇرتشىلىق نازارىنا كۇن سايىن كۇندىزگى ساعات ەكى مەن بەستىڭ ارالىعىندا ەكى دەرەكتى فيلم ۇسىنىلماق. كورەرمەندەردىڭ دەنى جوعارى وقۋ ورىندارى مەن كوللەدجدەردىڭ ستۋدەنتتەرى مەن مەكتەپ وقۋشىلارى ەكەن.
باسقوسۋدا وزات وقۋىمەن جانە ۇلگىلى تارتىبىمەن كوزگە ءتۇسىپ جۇرگەن ورەندەر دە قۇرمەتتەن تىس قالمادى. شارادا ولارعا پرەزيدەنت نۇرسۇلتان نازارباەۆتىڭ تىلەگى جازىلىپ, قولتاڭباسى قويىلعان كىتاپتار تارتۋ ەتىلدى. سونىمەن قاتار, اپتالىق اياسىندا ورتالىقتىڭ كورمە زالىندا «ن.نازارباەۆ. ءومىربايان» اتتى ەلباسىنىڭ قىزمەتىن جان-جاقتى بەينەلەيتىن ينتەراكتيۆتى ەكسپوزيتسيا دا كورەرمەندەرىن كۇتپەك.
ءابدىراحمان قىدىربەك,
«ەگەمەن قازاقستان».
