الماتى قالاسىنىڭ سانيتارلىق-ەپيدەميالىق باقىلاۋ دەپارتامەنتى تۇرعىنداردىڭ نازارىن كوروناۆيرۋستىق ينفەكتسيانى جۇقتىرعاندار قاتارىنىڭ ەداۋىر وسكەنىنە اۋدارادى.
سانيتارلىق-ەپيدەميالىق احۋال جرۆي مەن تۇماۋدىڭ ماۋسىمدىق ۋشىعۋى سالدارىنان كۇردەلەنە باستادى. وتكەن جىلدىڭ وسى كەزەڭىمەن سالىستىرعاندا جەدەل رەسپيراتورلىق ۆيرۋستىق ينفەكتسيانى جۇقتىرعان ناۋقاستار قاتارىنىڭ 2,2 ەسەگە وسكەنى بايقالادى.
حالىقتىڭ بارلىق جاستاعى توپتارىنىڭ كۆي اۋرۋىنا شالدىعۋ دەڭگەيىنىڭ ارتۋى ەرەكشە الاڭداۋشىلىق تۋعىزۋدا. 22 قازاننان باستاپ ناۋقاستار سانى كوبەيگەن. تەك سوڭعى تاۋلىكتە عانا تۇرعىندار اراسىندا كۆي جۇقتىرۋدىڭ 77 وقيعاسى تىركەلگەن.
ادامدار كوپ شوعىرلانعان ورىنداردا كۆي جۇقتىرۋ سالدارىنان قوعامدا ەپيدەميالىق پروتسەستەر ءورشي تۇسۋدە. جۇرگىزىلگەن ەپيدەميولوگيالىق ساراپتامالار ناتيجەسىندە ينفەكتسيانىڭ 53%-ىنىڭ قوعامدىق كولىكتە, 23%-ىنىڭ - ءۇي جاعدايىندا, 17% -ىنىڭ قوعامدىق ورىنداردا جۇعاتىندىعى انىقتالدى.
سوندىقتان الماتىنىڭ سانيتارلىق-ەپيدەميولوگيالىق قىزمەتى قالا تۇرعىندارىنا پروفيلاكتيكالىق شارالاردى ساقتاۋدى ۇسىنادى. بىرىنشىدەن, ادامدار كوپ جينالاتىن ورىنداردان, اسىرەسە 65-تەن اسقان ادامداردىڭ اۋلاق بولعانى ءجون. ەكىنشىدەن, ماسكا تاعىپ, قوعامدىق ورىنداردا, مىسالى, دۇكەندەردە, ءدارىحانالاردا جانە ت.ب. الەۋمەتتىك اراقاشىقتىقتى ساقتاۋ قاجەت.
جرۆي بەلگىلەرى بايقالسا ۇيدەن شىقپاي, دارىگەردى ۇيگە شاقىرۋ كەرەك. ءوزىڭىزدى ءوزىڭىز ەمدەمەڭىز, بالالاردى جانە ەگدە جاستاعى وتباسى مۇشەلەرىن جەكە بولمەدە وقشاۋلاپ, جاناشىر بولىڭىز.
