قوناقتار 25 مەترلىك باسسەين, ويىن زالى مەن 278 ورىنعا ارنالعان جاتاقحانا جۇمىسىمەن تانىستى. سونىمەن قاتار, تولىق سپورتتىق-جاتتىعۋ كەشەنى سانالاتىن دزيۋدو اكادەمياسىنىڭ جۇمىسىن كوردى. اكادەميا جانىندا 89 ادامعا ارنالعان قوناق ءۇي, 40 ادامعا ارنالعان اسحانا, بارلىق حالىقارالىق تالاپتارعا ساي كەلەتىن دزيۋدو, سەمسەرلەسۋ زالدارى بار.
وليمپيادا كوميتەتىنىڭ باسشىسى اتالعان اكادەميانىڭ سپورتتىق رەزەرۆتى دايارلاۋداعى ماڭىزدىلىعىن اتاي كەلە, بولاشاق چەمپيونداردى قولداپ, وسىنداي زال سىيلاعان مەتسەنات كەڭەس راقىشەۆقا العىس ءبىلدىردى. ەستەرىڭىزگە سالايىق, 2016 جىلى رەسپۋبليكالىق دزيۋدو فەدەراتسياسىنىڭ قولداۋىمەن ەلىمىزدە العاشقى دزيۋدو اكادەمياسى اشىلدى. 2017 جىلدان بەرى ول كاركەن احمەتوۆ اتىنداعى رەسپۋبليكالىق سپورتتىق مەكتەپ-ينتەرنات-كوللەدجىنىڭ باسقارۋىنا بەرىلدى. بۇدان باسقا, قوناقتارعا ۇلتتىق سەمسەرلەسۋ فەدەراتسياسىنىڭ پرەزيدەنتى ميربولات ءابۋوۆتىڭ قولداۋىمەن جوندەۋ جۇرگىزىلگەن سەمسەرلەسۋ زالى كورسەتىلدى. جاسالعان جۇمىستاردىڭ بارىسى تۋرالى قازاقستان رەسپۋبليكاسى مادەنيەت جانە سپورت ۆيتسە-ءمينيسترى ساكەن مۇسايبەكوۆ ايتىپ بەردى.
كەزدەسۋ سوڭىندا تيمۋر ق ۇلىباەۆ جانە قايرات بورانباەۆ مەكتەپ-ينتەرنات-كوللەدجدىڭ وقۋشىلارىنا ينتەراكتيۆتى تاقتالاردى سىيعا تارتتى. سونىمەن قاتار, تيمۋر ق ۇلىباەۆ سپورتشىلاردىڭ دوپينگكە قارسى زەرتحاناسىنىڭ جۇمىسىمەن تانىستى. بۇگىندە اتالعان ۇيىم ءوز جۇمىسىن دۇنيەجۇزىلىك دوپينگكە قارسى اگەنتتىك (WADA) تالاپتارىنا ساي جۇرگىزىپ, WADA ليتسەنزياسىن قايتارۋ بويىنشا جۇمىستاردى جاساپ جاتىر. ايتا كەتەيىك, اككرەديتاتسيانى قايتارۋ ماقساتىندا زەرتحانا جول كارتاسىن جاساپ, سونىڭ اياسىندا جاڭا قۇرال-جابدىقتار الىپ, جەكە تۇرعان عيماراتقا كوشتى. سونداي-اق, 2020 جىلدىڭ 1 قاڭتارىنان زەرتحانا قىزمەتكەرلەرىنىڭ جالاقىسى ەكى ەسە ءوستى.
بۇدان باسقا, تيىم سالىنعان ادىستەر مەن پرەپاراتتاردى جىلدام انىقتاۋ ءۇشىن زەرتحانا ماماندارى عىلىمي-زەرتتەۋ جۇمىستارىمەن اينالىسىپ, تۇراقتى تۇردە بىلىكتىلىكتى ارتتىرۋ سەمينارلارىنا قاتىسادى. ۇوك پرەزيدەنتى جاسالعان جۇمىستارعا وڭ باعا بەرىپ, زەرتحانا قىزمەتكەرلەرىنىڭ بىلىكتىلىگىن ارتتىرۋعا, WADA ليتسەنزياسىن قايتارۋ جولىندا جاسالىپ جاتقان جۇمىستاردى بەلسەندى ەتۋگە, قازاقستان رەسپۋبليكاسى ۇلتتىق قۇراما كوماندالاردىڭ كەشەندى-عىلىمي توپتارىمەن بىرلەسىپ جۇمىس جاساۋعا اسا كوڭىل ءبولۋ قاجەتتىگىن تاعى دا نازارعا الدى.
ەستەرىڭىزگە سالايىق, 2018 جىلدىڭ 22 قاراشاسىندا WADA ۇيىمىنىڭ اتقارۋشى كوميتەتىنىڭ شەشىمىمەن سپورتشىلاردىڭ دوپينگكە قارسى زەرتحاناسى WADA لابوراتوريالارىنىڭ اككرەديتاتسياسىن الۋعا ۇمىتكەر رەتىندە تانىلدى.
