سولاردىڭ بىرىندە قوناقۇيگە كەلگەن ايەل بالاسىنىڭ ويدان قۇراستىرعان دوسى ءۇشىن تاعى ءبىر كەرەۋەت سۇراعان جانە رەسەپشندە تىركەۋ كەزىندە ونىمەن امانداسۋدى وتىنگەن. تاعى ءبىر ايەل جاتىن ورىندى اۋە شارىنان جاساقتاۋدى وتىنگەن, وسىلايشا ول قىزىن تاڭعالدىرماق بولعان.
تاعى ءبىر قوناق كوروناۆيرۋس پاندەمياسىنا بايلانىستى الەۋمەتتىك قاشىقتىق تالاپتارىن ساقتاۋ ماقساتىندا ايەلىمەن بولەك جاتۋ كەرەكتىگىن ايتىپ, قىزمەتكەرلەردەن وسى جاعدايدى جارىنا ءتۇسىندىرۋدى وتىنگەن. تاعى بىرەۋلەرى سەيسەپتەن كوستيۋم تىگىپ بەرۋىن جانە ەنى ءبىر مەتر بولاتىن پلاستيكتەن جاسالعان ءبالىش اكەلىپ بەرۋىن سۇراعان.
سونىمەن قاتار, تۋريستەر توڭازىتقىشتا ەكى ءجۇز كوبەلەكتى ساقتاۋعا بولا ما, سالتاناتتى توي ءۇشىن بيىكتىگى 1,8 مەتر بولاتىن اڭىزداعى ءبىر ءمۇيىزدى جىلقىنىڭ مۇزدان جاسالعان ءمۇسىنىن ساقتاۋعا بولا ما دەپ سۇراعان.
سونداي-اق, قوناقۇيدەن تىكەلەي ۇشۋ-قونۋ ايماعىنا شىعاتىن جول سالۋدى تالاپ ەتكەن, سموكينگكە Swarovski كريستالىن تاعۋدى جانە ءوزى ءۇشىن تەلەفون قوڭىراۋلارى مەن حابارلامالارعا جاۋاپ بەرۋدى وتىنگەندەر دە بولعان.
