2019 جىلدىڭ 9 ايىندا كامەلەتكە تولماعاندار اراسىندا 61 زاڭ بۇزۋشىلىق تىركەلسە, بيىل 47 وقيعا ورىن الىپ, وتكەن جىلمەن سالىستىرعاندا 27% تومەندەگەن.
بۇل تۋرالى قالالىق ءبىلىم باسقارماسىنىڭ وكىلى ۇلجالعاس ساۋرباەۆا ءباسپاسوز بريفينگتە مالىمدەدى.
–قىلمىس جاساعان وقۋشىلارعا مەكتەپ اكىمشىلىگى ارنايى تالىمگەر بەكىتىلىپ, بوس ۋاقىتىن ءتيىمدى ۇيىمداستىرۋ ءۇشىن ۇيىرمەلەر مەن سپورتتىق سەكتسيالارعا جۇمىلدىرىپ وتىرمىز. اتا –انالارىمەن جەكە اڭگىمەلەسىپ, قاتاڭ باقىلاۋعا الىنعان, دەدى ول.
ءبىلىم باسقارماسى وكىلىنىڭ سوزىنشە قالاداعى 9 قوسىمشا ءبىلىم بەرۋ مەكەمەسىندە 20 061 وقۋشى ءار ءتۇرلى باعىتتاعى قوسىمشا ءبىلىمىن جەتىلدىرۋدە. ال, سپورت مەكتەپتەرىندە 15 مىڭعا جۋىق وقۋشى ءتۇرلى سپورتتىق سەكتسيالارعا قاتىسادى. سونىمەن قاتار, 82 434 وقۋشى مەكتەپ جانىنان اشىلعان سپورت ۇيىرمەلەرىنە بارادى.
ايتا كەتەيىك, قازىرگى تاڭدا قالاداعى 178 مەكتەپتە 223 777 وقۋشى 30 كوللەدجدە 27 046 ستۋدەنت ءبىلىم الادى.
