وعان قوسا تاۋلىگىنە 2 مىڭ زەرتتەۋ جاسايتىن تاعى 4 زەرتحانانى قوسىمشا ىسكە قوسۋ جوسپارلانعان. قوردا 50,6 مىڭ زەرتتەۋگە جەتەتىن تەست-جۇيەلەر جيىنتىعى بار. بۇگىنگى كۇنى وڭىردە پتسر تاسىلىمەن 241 مىڭ زەرتتەۋ جاسالعان.
وبلىستىق دەنساۋلىق ساقتاۋ باسقارماسىنىڭ حابارلاۋىنشا, قازىرگى كەزدە ايماقتا كۆي-دەن ەمدەۋگە ارنالعان 686 ينفەكتسيالىق باعىتتاعى توسەك بار. سونىڭ 139-ى قازىر بوس ەمەس, جۇكتەمە 20,2% قۇراپ وتىر. ەپيدەميولوگيالىق جاعداي كۇردەلەنەتىن بولسا, توسەك ورنى 5 280-گە دەيىن ۇلعايتىلادى, سونىڭ ىشىندە 1900 توسەك ينفەكتسيالىق جانە 2780 توسەك پروۆيزورلىق بولماق. بۇل رەتتە دايىندالعان 5280 توسەكتىڭ 45% كيسلورودپەن قامتاماسىز ەتىلەدى.
وبلىستىڭ مەديتسينالىق مەكەمەلەرىندە ءدارى-دارمەكتىڭ ەكى ايلىق قورى جانە جەكە قورعانىس قۇرالدارىنىڭ ءۇش ايلىق قورى جيناقتالعان. جەكە قورعانۋ قۇرالدارىن شىعارۋ ءىسى دە جولعا قويىلدى. بۇل باعىتتاعى ءىرى كاسىپورىندار قاتارىندا "دولچە", "سپ "ابدي يبراحيم گلوبال فارم", "كەلۋن-كازفارم" جشس-لارى بار.
سول سياقتى قورعانۋ بەتپەردەلەرىن تىگۋگە 5 تىگىن كاسىپورنى بەيىمدەلدى, تالدىقورعان قالاسىندا ءۇش قاباتتى بەتپەردە تىگەتىن تسەح جۇمىس ىستەيدى. جالپى تاۋلىگىنە 250 مىڭنان استام بەتپەردە شىعارىلادى. سونىمەن بىرگە 2 كاسىپورىن تاۋلىگىنە 40 مىڭ ليتردەن استام دەزينفەكتسيالاۋشى قۇرالدار شىعارادى.
