بالقاش كولىنىڭ جاعالاۋىن دامىتۋدىڭ باس جوسپارى 2013 جىلى جاسالعان. جيىندا سول قۇجات جوباسىنا سايكەس كول جاعالاۋىنا ينجەنەرلىك ينفراقۇرىلىمدار جۇرگىزۋ, ەلەكتر جەلىسىن تارتۋ, جول سالۋ ماسەلەلەرى تۋرالى ءسوز بولدى.
ماسەلەن, جوباعا سايكەس 15 شاقىرىم اۆتوكولىك جولىن توسەۋ, 50 كم سۋ قۇبىرى جۇيەسىن سالۋ, 40 كم كارىز جۇيەسىن جۇرگىزۋ, 55 كم ەلەكتر جەلىلەرىن تارتۋ جوسپارلانعان. جوبالاۋشى مەكەمە تاراپىنان ەلەكتر جەلىسىن تەنتەك, كوكتەرەك, لەپسى قوسالقى ستانسالارى ارقىلى تارتۋ ۇسىنىلعان. الايدا اماندىق باتالوۆ بۇل جۇمىستى ەكى كەزەڭگە ءبولىپ, العاشقى كەزەڭىن ەڭ جاقىن ورنالاسقان لەپسى قوسالقى ستانساسى ارقىلى تارتۋ قاجەتتىگىن ايتتى. سول سياقتى جاعالاۋعا اپاراتىن جولدارمەن قاتار راديالدى جولدار سالۋدى دا قاراستىرۋدى تاپسىردى.
سونىمەن قاتار تاۋ تۋريزمىنە ينۆەستورلاردىڭ قىزىعۋشىلىعىن ارتتىرۋ ءۇشىن جول جوندەۋ جۇمىسىنا وبلىس اكىمى قولداۋ بىلدىرەتىنىن ايتتى. اۋدان اكىمىنە قۇرىلىس جۇمىستارىنا كەتەتىن بارلىق ەسەپ-قيساپتى انىقتاپ اكەلۋدى تاپسىردى.
- بالقاشقا قاتىستى ارنايى بيزنەس-فورۋم وتكىزۋ كەرەك. تۋريستىك ايماق رەتىندە بالقاشتى ءبارى بىلەدى. بىراق ءبىز ونى ينفراقۇرىلىمى تارتىلعان, جاعداي جاسالعان كول جاعالاۋى رەتىندە بيزنەسمەندەرگە تانىستىرۋىمىز كەرەك, - دەدى ا.باتالوۆ.
