بۇل قاناتقاقتى جوبا بولعاندىقتان, "ەكوسەرگەكتەر" الداعى ەكى-ءۇش ايدا الماتى ماڭىنداعى بارلىق ۇلتتىق پاركتە ورناتىلادى.
"الدىمەن ىلە-الاتاۋ ۇلتتىق پاركىندە 30 "ەكوسەرگەك" ورناتۋدى جوسپارلاپ وتىرمىز. ولار تۋريستەر كوپ جۇرەتىن جەرلەردە پايدا بولادى. مىسالى, ۇاك, ەسىك, تۇرگەن اۋداندارىندا. سونداي-اق, كولساي مەن قايىڭدى كولدەرىندە", دەدى ەكولوگيا مينيسترلىگىنىڭ ءباسپاسوز حاتشىسى سامال يبراەۆا.
ونىڭ ايتۋىنشا, "ەكوسەرگەكتەر" ينسپەكتورلارعا ايتارلىقتاي كومەكتەسەدى.
"سوڭعى ۋاقىتتا ۇلتتىق ساياباقتاردا قوقىسقا بايلانىستى قيىندىقتار تۋىندادى, ورتتەر مەن ۆانداليزم جيىلەپ كەتتى. سوندىقتان كامەرالاردى ورناتۋ تۋرالى شەشىم قابىلداندى. بىرىنشىدەن, بۇل تۋريستەردى تارتىپكە كەلتىرەدى. ەكىنشىدەن, كامەرالار ءورت تۋرالى سيگنال بەرەدى جانە ەكولوگيالىق بەكەتتەردىڭ جۇمىسىن باقىلاۋعا مۇمكىندىك بەرەدى. ۇلتتىق پاركتەردە قىزىل كىتاپقا ەنگەن جانۋارلار دا ءومىر سۇرەدى. ءبىز "ەكوسەرگەكتەر" براكونەرلەرمەن كۇرەستە كومەكتەسەدى دەگەن ۇمىتتەمىز", دەدى ول.
ءباسپاسوز حاتشىسى مينيسترلىك ۇلتتىق ساياباقتاردا قوقىس تاستاعان ادامدارعا ايىپپۇلداردى كوبەيتۋدى جوسپارلاپ وتىرعانىن دا ايتتى. قازىر وسى ءۇشىن 10 اەك (27 780 تەڭگە) تولەنەدى.
ودان بولەك, ەسىك كولىنە كىرۋ شەكتەلدى.
"2019 جىلى الماتى اكىمدىگى كول ماڭىنداعى اۋماقتى "قازلەكتروەنەرگيا" كومپانياسىنا سەنىمگەرلىك باسقارۋعا بەرگەن. كۇزدەن باستاپ بۇل كومپانيا كولدى ساقتاۋ ءۇشىن شەكتەۋ شارالارىن ەنگىزدى. ارنايى تۇراق بار, كولىك ۇيىمداستىرىلعان, ادامدار جاياۋ دا بارا الادى", دەدى ىلە-الاتاۋ ۇلتتىق پاركى باس ديرەكتورىنىڭ ورىنباسارى تىلەك ءادىلجانوۆ.
