ونلاين فورماتتا ۇيىمداستىرىلعان جيىنعا ورتالىق مەملەكەتتىك جانە جەرگىلىكتى اتقارۋشى ورگانداردىڭ, بۇقارالىق اقپارات قۇرالدارىنىڭ, ۇكىمەتتىك ەمەس جانە باسقا ۇيىمداردىڭ وكىلدەرى قاتىستى.
كەزدەسۋ بارىسىندا Informburo.kz جۋرناليستەرى ميحايل دوروفەەۆ پەن سەرىكجان ماۋلەتبايدىڭ مەملەكەتتىك ورگانداردىڭ اقپاراتقا قول جەتىمدىلىگىن قامتاماسىز ەتۋ تۋرالى ۇسىنىستارى تالقىلاندى.
بۇقارالىق اقپارات قۇرالدارىنىڭ وكىلدەرى مەملەكەتتىك ورگانداردىڭ اقپاراتىنا, ونىڭ ىشىندە ونى "قبپۇ" (قىزمەتتىك بابىندا پايدالانۋ ءۇشىن) بەلگىسىمەن رەسمي اقپارات رەتىندە جىكتەۋگە, سونداي-اق اشىق كەزدەسۋلەرگە, اسىرەسە ماسليحاتتارعا قول جەتىمدىلىكتىڭ قيىندىقتارىن اتاپ ءوتتى.
جينالىستا ازاماتتاردى بيۋدجەت قاراجاتىن جۇمساۋدى تالقىلاۋعا تارتۋ ماسەلەسى دە قارالدى. قارجى ۆيتسە-ءمينيسترى رۋسلان ەڭسەباەۆ بيۋدجەتتى قوعامدىق تالقىلاۋعا ازاماتتاردىڭ قاتىسۋىنىڭ جاڭا تاسىلدەرىن ۇسىندى. اتاپ ايتقاندا, بيۋدجەتتىك ينۆەستيتسيالىق جوبالاردى جوسپارلاۋعا تۇرعىندار مەن قوعامدىق كەڭەستەردى تارتۋ ۇسىنىلدى.
ءوز كەزەگىندە الماتى قالاسى اكىمىنىڭ ورىنباسارى ي.ە.ۋسەروۆ الماتى قالاسىندا «حالىق قاتىساتىن بيۋدجەت» جوباسىن جۇزەگە اسىرۋ تاجىريبەسىمەن ءبولىستى: جوبانى تاڭداۋدىڭ كۇردەلى مەحانيزمى 2020 جىلدىڭ سوڭىنا قاراي نەگىزگى پروبلەمالاردىڭ قاتارىنا قوسىلدى. ەسكە سالا كەتەيىك, مەملەكەت باسشىسىنا بۇل جوبانى بارلىق ايماقتاردا جۇزەگە اسىرۋ تاپسىرىلدى.
"Urban Forum Kazakhstan" قوعامدىق قورىنىڭ وكىلى ءادىل نۇرماقوۆ تا وسى تاقىرىپ بويىنشا ءسوز سويلەدى, ولار اقپاراتتىق ناۋقان تاكتيكاسىن پىسىقتاۋعا, داۋىس بەرۋدى قولجەتىمدى ەتۋگە جانە "حالىق قاتىساتىن بيۋدجەتتىڭ" بارلىق كەزەڭدەرىندە اشىقتىقتى قامتاماسىز ەتۋگە شاقىردى.
كەزدەسۋ سوڭىندا "زەردە" حولدينگى جۇرگىزگەن مەملەكەتتىك ورگانداردىڭ اقپاراتتىق جۇيەلەرىندەگى مالىمەتتەردى تالداۋ ناتيجەلەرى تالقىلاندى.
مينيستر ا.بالاەۆا قورىتىندىلاي كەلە, كەزدەسۋگە قاتىسۋشىلاردىڭ نازارىن 2020 جىلعى 1 قىركۇيەكتەگى قازاقستان حالقىنا جولداۋىن ىسكە اسىرۋ شەڭبەرىندە دايىندالعان "اقپاراتقا قول جەتكىزۋ" زاڭىنا ەنگىزىلەتىن تۇزەتۋلەرگە اۋداردى. اقپاراتقا قول جەتكىزۋ سالاسىنداعى ۋاكىلەتتى ورگاننىڭ اقپارات جانە قوعامدىق دامۋ مينيسترلىگىنىڭ انىقتاۋى جانە مەملەكەت باسشىسىنىڭ اتىنا اقپاراتقا قول جەتكىزۋ ايماعىنىڭ جاي-كۇيى تۋرالى جىل سايىنعى ەسەپتى دايىنداۋعا ءمان بەردى.
وتىرىس قورىتىندىسى بويىنشا كوميسسيا قارالعان ماسەلەلەر بويىنشا مەملەكەتتىك ورگاندارعا بىرقاتار ناقتى ۇسىنىستار ازىرلەدى.
