29 جاستاعى جىگىت ءوزىنىڭ تانىستارىنا باسپانا ماسەلەسىن تەز شەشە الاتىندىعى تۋرالى ايتقان. ءوزىنىڭ قىزمەتى ءۇشىن شامامەن 1 500 اقش دوللارىن تالاپ ەتكەن. قازىرگى ۋاقىتتا وعان 20 قىلمىستىق ەپيزود بويىنشا ايىپ تاعىلىپ وتىر.
– كۇدىكتى ازامات ءوزىن يپوتەكالىق ۇيىمداردىڭ ءبىرىنىڭ قىزمەتكەرى رەتىندە كورسەتە وتىرىپ, ءوزىنىڭ قۇرباندارىنا پاتەر الىپ بەرە الامىن نەمەسە مەملەكەتتىك باعدارلامالار بويىنشا باسپانا الۋ كەزەگىن جەدەلدەتەمىن دەپ سەندىرگەن. كورسەتكەن قىزمەتى ءۇشىن ول 750 مىڭ تەڭگەگە جۋىق اقشالاي سىياقى تالاپ ەتكەن. ول "قىزمەتتىڭ كۇردەلىلىگىنە" بايلانىستى اركىمنەن ءارتۇرلى سومالار العان. الاياق قىلمىستىق جولمەن تابىلعان اقشا قاراجاتتارىن ءوز پايداسىنا جاراتقان. قازىرگى تاڭدا كۇدىكتى ۋاقىتشا ۇستاۋ يزولياتورىنا قامالدى. وعان قاتىستى قر قك-ءنىڭ 190-بابىمەن (الاياقتىق) بويىنشا سوتقا دەيىنگى تەرگەۋ ارەكەتتەرى جۇرگىزىلۋدە. وسى ادامنىڭ قىلمىستىق ءىس-ارەكەتتەرىنەن زارداپ شەككەن ازاماتتارعا 254-48-02, 254-48-09 نومىرلەرى بويىنشا حابارلاسۋىن سۇرايمىز, – دەدى مەدەۋ اۋداندىق پوليتسيا باسقارماسىنىڭ باستىعى داۋرەن وتەباەۆ.
