اتاپ ايتقاندا, 20 جاسقا دەيىنگى قىزدار اراسىنداعى جارىستا 55 كەلى سالماق دارەجەسىندەگى يۋليا پوتاسوۆا ءبىرىنشى ورىنعا, 59 كەلى سالماق دارەجەسىندەگى ارۋجان مۇرات پەن 81 كەلى سالماق دارەجەسىندەگى گۇلدانا ەلۋباي ەكىنشى ورىنعا جانە 59 كەلى سالماق دارەجەسىندەگى الينا كوزينەتس ءۇشىنشى ورىنعا يە بولدى.
ال 23 جاسقا دەيىنگى جاستار اراسىنداعى سايىستا يۋليا پوتاسوۆا ءبىرىنشى ورىنعا, ارۋجان مۇرات ەكىنشى ورىنعا, الينا كوزينەتس, گۇلدانا ەلۋباي مەن انگەلينا پوليانينا ءۇشىنشى ورىنعا قول جەتكىزىپ, وقۋ ورنىنىڭ مەرەيىن ۇستەم ەتتى.
سەرپە جانە جۇلقا كوتەرۋدەن قارسىلاس شاق كەلتىرمەگەن بويجەتكەندەر بۇگىندە ۋنيۆەرسيتەتتە «دەنە شىنىقتىرۋ» ماماندىعى بويىنشا ءبىلىم الۋدا. دەنە شىنىقتىرۋ جانە سپورت كافەدراسىنىڭ اعا وقىتۋشىسى سادۋاقاس شىڭعىسباەۆتىڭ ايتۋىنشا, قازىرگى كۇندە قىزدار جۋىردا شىمكەنت قالاسىندا وتەتىن الەمدىك سپورت دوداسىنا دايىندىق ۇستىندە.
ايتا كەتەيىك, قازاقستان رەسپۋبليكاسىنىڭ اۋىر اتلەتيكا فەدەراتسياسى ۇيىتقى بولعان جارىس ونلاين فورماتتا ۇيىمداستىرىلدى. وعان ەلىمىزدىڭ ءار ايماعىنان 15 كوماندا مەن جالپى سانى 569 زىلتەمىرشى قاتىسىپ, باقتارى مەن باپتارىن سىنادى.
الماتى
