جوبا اياسىندا وبلىستىق بيۋدجەت, دەمەۋشىلەر جانە قايىرىمدىلىق قورلارى ارقىلى كەدەي وتباسىنىڭ ءاربىر مۇشەسىنە مەديتسينالىق, جۇمىسقا ورنالاسۋ, ازىق-ت ۇلىك پەن تۇرمىستىق زاتتار اپەرۋ جانە وزگە دە ماسەلەلەر بويىنشا تۇراقتى كومەك كورسەتىپ, ولاردىڭ ەڭسە تىكتەۋىنە جاعداي جاساۋ كوزدەلگەن. مىسالى, تۇلكىباس اۋدانىندا جەرگىلىكتى اكىمدىكتىڭ ۇيىتقى بولۋىمەن 21 وتباسى باسپاناعا قول جەتكىزىپ وتىر.
سونىڭ ىشىندە 6 وتباسىعا دەمەۋشىلىر ەسەبىنەن تۇرعىن ءۇي بەرىلسە, 15 وتباسى مەملەكەتتىك باعدارلامامەن باسپانالى بولدى. سونداي-اق 9 وتباسىنىڭ تۇرعىن ءۇيى دەمەۋشىلەر ەسەبىنەن جوندەۋدەن ءوتتى. بيىل 9 قاراشاعا دەيىن «قامقورلىق» جوباسىنا قاتىسۋشى 93 وتباسىعا 215 ملن تەڭگەدەن اسا قارجىعا ءتۇرلى كومەكتەر كورسەتىلگەن. اتاپ ايتقاندا, «فەررۋم كونستراكشن» جشس, «گراماد» گيپەرماركەتى, «مادينا» ماكارون فابريكاسىنىڭ دەمەۋشىلىگىمەن ازىرلەنگەن ازىق-ت ۇلىك سەبەتتەرى «مەيىرىم» ەرىكتىلەر توبىمەن ۇلەستىرىلدى. بۇعان قوسا بەكىتىلگەن ماماندار تاراپىنان ازىق-ت ۇلىك سەبەتتەرى, كيىم-كەشەك, ماتەريالدىق اقشالاي كومەك جانە كومىر, وتىن ۇيمە-ءۇي تاراتىلىپ بەرىلدى.
قايىرىمدى ءىس جاساۋدى ازاماتتىق پارىزى ساناعان جەتىساي اۋدانىنىڭ تۇرعىندارى التى بىردەي وتباسىعا باسپانا سىيلادى. قمدب-نىڭ 30 جىلدىق مەرەيتويىنا وراي, «زەكەت» قورىنىڭ «ەل ۇلەسى – پاتەرگە» جوباسى اياسىندا باسپانا تاۋقىمەتىن تارتىپ جۇرگەن 6 وتباسىعا بارلىق جاعدايى جاسالعان جاڭا ۇيلەردىڭ كىلتى تابىس ەتىلدى. باسپانالاردىڭ جالپى قۇنى 90 ملن تەڭگەنى قۇراعان.
«حالىق اراسىندا «جۇمىلا كوتەرگەن جۇك جەڭىل» دەگەن كەرەمەت ءسوز بار. وسى ورايدا ارقاشاندا حالىقتىڭ مۇڭ-مۇقتاجىن تىڭداپ, كومەك بەرىپ كەلگەن ەلدىڭ اناسى اتانعان جامال اپامىزعا جانە ونىڭ ءىسىن جالعاستىرىپ جۇرگەن ۇلى, بەلگىلى كاسىپكەر باحاراددين ابلازيموۆكە ەلدىڭ اتىنان العىسىمدى ايتامىن. اۋداندا قايىرىمدىلىق ارقىلى باسپانا سىيلاۋدىڭ جارقىن ۇلگىسىن جامال اپامىز كورسەتىپ, كوپكە ۇلگى بولا ءبىلدى. بۇل رەتتە جەرگىلىكتى تۇرعىنداردىڭ ەرەكشە بەلسەندىلىگىن ايتا كەتكەنىمىز ابزال. ءاربىر باسپانانى سالۋ بارىسىندا ەرىكتىلەر توبىنىڭ جانە جومارت جانداردىڭ ەڭبەگى ەرەكشە. ولار ىرگەتاستىڭ قالانعان ساتىنەن تۇرعىن ءۇي سالىنىپ بىتكەنشە ءىستىڭ باسى-قاسىندا ءجۇردى. قايىرىمدىلىق جاساۋ ارقىلى اۋداننىڭ ءاربىر ازاماتى ءوزىنىڭ قولىندا بار دۇنيەسىمەن ءبولىسىپ, مۇقتاج ازاماتتاردىڭ باسپانالى بولۋىنا ءوز ۇلەستەرىن قوسۋدا. الداعى ۋاقىتتا دا وسىنداي باسپانا سالۋ ءۇشىن جەر تەلىمدەرىن تەگىن بەرە وتىرىپ, مۇقتاج جاندارعا قاجەتتى جاعدايدى جاسايمىز», دەدى اۋدان اكىمى جامانتاي بەيسەنباەۆ ۇيلەردى پايدالانۋعا بەرۋ راسىمىندە.
ءوز كەزەگىندە باسپانا تاۋقىمەتىن 16 جىلدان بەرى تارتىپ كەلە جاتقان جالعىزباستى كوپبالالى انا ءجاۋدىر تورەحانوۆا جاڭا قونىستانۋشىلار اتىنان قايىرىمدى جاندارعا العىس ايتتى.
باسپانامەن قامتاماسىز ەتۋ مۇقتاج وتباسىلاردىڭ الاڭسىز ەڭبەك ەتىپ, تۇرمىسىن تۇزەۋگە ىقپالىن تيگىزەرى انىق. سونداي-اق تۇرعىنداردىڭ تابىسىن مولايتۋعا مەملەكەتتىك قولداۋلار ارقىلى ەرەكشە مۇمكىندىك جاسالۋدا. ءبىر عانا مىسال, ارىس قالاسىنىڭ تۇرعىنى, 5 بالانىڭ اناسى مەرەكە سامارحانقىزى مەملەكەتتىك قولداۋ ارقىلى ءوز كاسىبىن اشقان. ول بيىل «بيزنەس-باستاۋ» جوباسىمەن كاسىپكەرلىك نەگىزدەرىن وقىپ, «ەڭبەك» باعدارلاماسىمەن 555 600 تەڭگە كولەمىندە قايتارىمسىز گرانت العان. بۇگىندە ول – تابىستى كاسىپكەر. ايماقتا تاپسىرىسقا تاتتىلەر, مەرەكەلىك تورتتار دايىندايدى. ىسكەر انا بولاشاقتا اۋقىمدى تسەح اشۋدى جوسپارلاپ وتىر.
جالپى, ارىس قالاسى بويىنشا شاعىن جانە ورتا كاسىپكەرلىك سۋبەكتىلەرى سانى بيىل 4 مىڭعا جۋىقتاعان. ونىڭ 2 250-ءى – جەكە كاسىپكەر, 994-ءى – شارۋا قوجالىقتار, 619-ى – زاڭدى تۇلعالار. شاعىن جانە ورتا كاسىپكەرلىك سۋبەكتىلەرىمەن وندىرىلگەن ءونىم جانە ۇسىنىلعان قىزمەتتەر كولەمى 21 ملرد 632,1 ملن تەڭگەگە جەتىپ, وتكەن جىلدىڭ ءتيىستى كەزەڭىمەن سالىستىرعاندا ەداۋىر ارتقان.
شاردارادا ءوز تىگىن تسەحىن اشقان قۇربانكۇل ەرمانوۆا دا قايتارىمسىز گرانتقا يە بولىپ, قۇنى 555 600 تەڭگەلىك سەرتيفيكات العان. «قولىمنان تىگىن تىگۋ ءىسى كەلگەن سوڭ وسى سالادا ءوز بيزنەس جوسپارىمدى ءساتتى قورعاپ, قايتارىمسىز گرانتقا يە بولدىم. شاعىن كاسىپپەن اينالىسام دەپ جۇرگەن ازاماتتارعا بەرىلىپ جاتقان مۇنداي قولداۋعا شەكسىز العىسىمدى بىلدىرەمىن», دەيدى جاس كاسىپكەر.
جالپى, شاردارا اۋدانىندا «ەڭبەك» باعدارلاماسى اياسىندا 130 ازامات قايتارىمسىز گرانتقا يە بولعان.
تۇركىستان وبلىسى
