پرەزيدەنت قاسىم-جومارت توقاەۆتىڭ جارلىعىمەن 2020 جىل «ۆولونتەر جىلى» دەپ جاريالاندى. وسىعان وراي بيىل جىل باسىندا ماڭعىستاۋ وبلىسىنىڭ پروباتسيا قىزمەتتەرى جاستار ورتالىعىمەن بىرلەسىپ, قالا بەلسەندىلەرى مەن ەرىكتىلەرىنىڭ قاتىسۋىمەن دوڭگەلەك ۇستەل وتكىزىپ, ءبىر جىلعا ارنالعان جوسپارلاردى تالقىلاعان ەدى. بەلگىلەنگەن جوسپارلار, سونداي-اق وبلىستىڭ قوعامدىق جانە قايىرىمدىلىق قورلارىمەن ىنتىماقتاستىق تۋرالى مەموراندۋمدار بويىنشا پروباتسيا قىزمەتىنىڭ قىزمەتكەرلەرى ەرىكتىلەر رەتىندە ءتۇرلى قايىرىمدىلىق جوبالار مەن اكتسيالارعا قاتىستى. مىسالى, اكىمدىك ۇسىنعان ءتىزىم بويىنشا ء«بىز ادامدارمىز, ءبىز بىرگەمىز» قوعامدىق قورى پروباتسيا قىزمەتكەرلەرىمەن بىرلەسىپ زەينەتكەردىڭ ۇيىنە بارىپ, وعان كەرەۋەت جانە ازىق-ت ۇلىكتەر الىپ بەردى, قور پسيحولوگتارى زەينەتكەرمەن اڭگىمە جۇرگىزدى. پروباتسيا ەسەبىندە تۇرعان سوتتالعاندارعا قاتىستى دا وسىنداي ءىس-شارالار ۇنەمى وتكىزىلەدى.
پروباتسيا قىزمەتكەرلەرى وبلىس ازاماتتارىنا دا, پروباتسيا ەسەبىندە تۇرعان سوتتالعاندارعا دا ازىق-ت ۇلىك, ىدىس-اياق جانە باسقا دا تۇرمىستىق زاتتاردى, ءاسۇي تەحنيكاسىن, جيھازدى جەتكىزۋگە كومەكتەسىپ كەلەدى. ومىردە قيىن جاعدايعا تاپ بولعان تۇلعالارعا الەۋمەتتىك قولداۋ كورسەتۋدە جاستار ورتالىعىنىڭ ۆولونتەرلەرى, قاراپايىم ازاماتتار, اقتاۋ قالاسىنىڭ كاسىپكەرلەرى دە ەداۋىر اتسالىستى.
اسىرەسە كوروناۆيرۋس ىندەتى كەزىندە ادامدار جۇمىسىنان ايرىلىپ, قارجىلىق قيىندىقتارعا تاپ بولدى. بۇل قيىندىقتار باس بوستاندىعىنان ايىرىلماي, جازامەن سوتتالعانداردى دا اينالىپ وتكەن جوق. سەبەبى ولاردىڭ باسىم كوپشىلىگى ءوزىن ءوزى قامتىپ وتىرعاندىقتان, كارانتيندىك شارالار ەنگىزىلگەن كەزىندە جالاقىسىنان ايىرىلدى. ۆولونتەر جىلى اياسىندا ءارتۇرلى جاعدايداعى جاندارمەن جۇزدەسكەن اقتاۋ قالاسىنىڭ پروباتسيا قىزمەتىندەگى قىزمەتكەرلەرى نەشە ءتۇرلى وقيعالارمەن بەتپە-بەت كەلدى. مىسالى, پروباتسيا قىزمەتىنە بەلگىلەنۋگە كەلگەن قىز بالا پاتەر جالداۋعا, ازىق-ت ۇلىككە اقشا جەتپەي جاتقانىن ايتىپ, مۇڭىن شاققان. پروباتسيا قىزمەتكەرلەرى الەۋمەتتىك پاتروناتتى جۇزەگە اسىرۋعا كومەكتەسەتىن قوعامدىق قورلارمەن جانە كاسىپكەرلەرمەن ءوزارا ارەكەت ەتىپ, قىز بالا ازىق-ت ۇلىكپەن جانە قاراجاتپەن قامتاماسىز ەتىلدى, سونداي-اق پاتەرىنىڭ ءۇش ايعا جالعا الۋ اقىسى تولەندى. بۇل ءبىر عانا جاعداي ەمەس, ەسەپتە تۇرعان شامامەن الپىسقا جۋىق ادام ىندەت سالدارىنان تۇرمىستىق قيىن جاعدايلارعا تاپ بولدى. قىسىلتاياڭ شاقتا مۇنداي سوتتالعاندار ازىق-ت ۇلىك پەن كيىم-كەشەكتەر ۇلەستىرىلدى.
تۇرعىلىقتى جەرى بويىنشا تەكسەرۋگە بارعان كەزدە پروباتسيا قىزمەتكەرلەرى ازىق-ت ۇلىك الا بارۋدى ۇمىتقان جوق. سونىمەن قاتار پروباتسيا بولىمىندە كيىم قويماسى بار, وندا سوتتالعاندار قاجەت بولعان جاعدايدا قالاعان نارسەسىن الۋعا بولادى.
ماڭعىستاۋ وبلىسى بويىنشا قاج دەپارتامەنتى پروباتسيا قىزمەتىنىڭ باستىعى عابيت چۋتابەكوۆ قالانىڭ ەرىكتىلەرى, پروباتسيا قىزمەتكەرلەرى الەۋمەتتىك جۇمىستىڭ ءتۇرلى باعىتتارى بويىنشا قايىرىمدىلىق شارالارىن ۇدايى وتكىزىپ تۇراتىنىن ايتتى.
قايىرىمىدىلىق – ساۋاپتى ءىس. ال پروباتسيا قىزمەتىندە تىركەۋدە تۇرعانداردى تاسادا قالدىرماي قولداۋ كورسەتۋ, سونداي-اق مۇمكىندىكتەرىنە ساي ىزگى ىستەرگە تارتۋ – ولاردىڭ قوعامعا قاجەت ەكەنىن سەزىندىرۋدىڭ كورىنىسى.
ماڭعىستاۋ وبلىسى
