"قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى سىزدەردى كاسىبي مەرەكەلەرىڭىز – ەنەرگيا ۇنەمدەۋ كۇنىمەن شىن جۇرەكتەن قۇتتىقتايدى!
قازىرگى ۋاقىتتا قازاقستان رەسپۋبليكاسىنىڭ يندۋستريالىق-يننوۆاتسيالىق دامۋ باعدارلاماسىنىڭ نەگىزگى باعىتتارىنىڭ ءبىرى ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ساياساتىن ىسكە اسىرۋ بولىپ تابىلادى. بۇل سالا الەمدىك ەنەرگيا تۇتىنۋدىڭ ءوسۋى جانە "جاسىل ەكونوميكاعا" كوشۋ قاجەتتىلىگى جاعدايىندا باسىم باعىتتاردىڭ ءبىرى بولىپ قالا بەرەدى.
الەمدىك ەكونوميكا مەن الەم حالقىنىڭ وسۋىنە بايلانىستى ەنەرگياعا دەگەن قاجەتتىلىك ارتىپ وتىر. مىسالى, سوڭعى شيرەك عاسىردا جالپى الەمدىك ەنەرگيا تۇتىنۋ 56% - عا ارتقان. قازىرگى ۋاقىتتا ەنەرگيا تيىمدىلىگى - الەمدىك ەكونوميكانىڭ باستى ترەندى, ول ەكونوميكانى تەحنولوگيالىق دامىتۋدىڭ, جاڭعىرتۋدىڭ جانە ءارتاراپتاندىرۋدىڭ بارلىق اسپەكتىلەرىن, ەڭ باستىسى-ەكونوميكانىڭ باسەكەگە قابىلەتتىلىگى مەن تيىمدىلىگىنىڭ ءوسۋىن قامتيدى.
جاسىل ەكونوميكاعا جۇيەلى كوشۋدىڭ باستى ساتتەرىنىڭ ءبىرى ەنەرگيا تيىمدىلىگى بولىپ تابىلادى. قازىرگى ۋاقىتتا ءجىو-ءنىڭ ەنەرگيا سىيىمدىلىعىنىڭ كورسەتكىشى بويىنشا قازاقستان نەعۇرلىم جوعارى ماندەرى بار ەلدەردىڭ قاتارىندا. 2025 جىلعا دەيىنگى ستراتەگيالىق دامۋ جوسپارىندا قازاقستاننىڭ ءجىو-ءنىڭ ەنەرگيا سىيىمدىلىعىن 2025 جىلعا قاراي كەمىندە 25% - عا تومەندەتۋ جونىندەگى مىندەت ايقىندالعان. ءبىز بۇل كورسەتكىشتەر وسى سالادا ايانباي ەىبەك ەتىپ جۇرگەن بىلىكتى قىزمەتكەرلەردىڭ ارقاسىندا جۇزەگە اساتىنىنا سەنىم بىلدىرەمىز.
ەلدىڭ ەنەرگيا ۇنەمدەۋ الەۋەتىن ەسكەرە وتىرىپ, سىزدەردىڭ جۇمىستارىڭىز ءبىز ءۇشىن قۇرمەتتى جانە ماڭىزدى بولىپ تابىلادى. بۇگىنگى تاڭدا سىزدەردىڭ كاسىبي داعدىلارىڭىز, بىلىكتىلىكتەرىڭىز, تاجىريبەلەرىڭىز وسى سالانىڭ دامۋىنا ۇلكەن سەپتىگىن تيگىزۋدە.
سىزدەرگە ارقاشان تەك ساتتىلىك تىلەيمىز! سىزدەرگە جانە وتباسىلارىڭىزعا دەنساۋلىق پەن مول باقىت, ال قىزمەت جولىندا تولاعاي تابىس تىلەيمىز", دەلىنگەن مينيسترلىكتىڭ قۇتتىقتاۋ حاتىندا.
