بۇگىن الماتى قالاسىنىڭ وڭىرلىك كوممۋنيكاتسيالار قىزمەتى الاڭىندا وتكەن ونلاين-سۇحبات بارىسىندا جوعارى مەديتسينالىق كوللەدجدىڭ ديرەكتورى سۆەتلانا سۇلتانعازيەۆا مەگاپوليستىڭ دەنساۋلىق ساقتاۋ جۇيەسى ءۇشىن كادرلار دايارلاۋ جۇيەسى تۋرالى باياندادى.
جوعارى مەديتسينالىق كوللەدج الماتى قالاسىنىڭ پراكتيكالىق دەنساۋلىق ساقتاۋ ماماندارىن ديپلومنان كەيىنگى دايارلاۋمەن اينالىسادى. كوللەدج قۇرامىندا قۇرىلىمدىق بولىمشە بولىپ تابىلاتىن جانە دەنساۋلىق ساقتاۋ سالاسىندا قوسىمشا ءبىلىم بەرۋ باعدارلامالارىن ىسكە اسىراتىن وقۋ-ادىستەمەلىك ورتالىق بار.
مەديتسينا ماماندارىنىڭ بىلىكتىلىگىن ارتتىرۋدا وقىتۋدىڭ 3 تۇرىنە بولىنەدى:
- بەيىنى بويىنشا جەتەكشى وتاندىق مامانداردى تارتا وتىرىپ, ەل ىشىندە مەديتسينا كادرلارىنىڭ بىلىكتىلىگىن ارتتىرۋدى ۇيىمداستىرۋ;
- الماتى قالاسىنا شەتەلدىك جەتەكشى مامانداردى تارتۋ جانە سەمينار-ترەنينگتەر (ماستەر-كلاستار) وتكىزۋ ارقىلى مەديتسينا كادرلارىنىڭ بىلىكتىلىگىن ارتتىرۋدى ۇيىمداستىرۋ);
- شەتەلدىك ءبىلىم بەرۋ ۇيىمدارىنا جانە/نەمەسە كلينيكالىق ورتالىقتارعا جىبەرۋ ارقىلى مامانداردىڭ بىلىكتىلىگىن ارتتىرۋدى ۇيىمداستىرۋ.
ورتا مەديتسينا قىزمەتكەرلەرىن وقىتۋ امسكك باسىمدىعىن, ونىڭ كوپفۋنكتسيالىلىعى مەن امبەباپتىعىن ەسكەرە وتىرىپ جۇرگىزىلەدى. مەديتسينالىق ۇيىمداردىڭ قىزمەتكەرلەرىن وقىتۋ ستاندارتتارى ازىرلەنگەن جانە بەكىتىلگەن كاسىپتىك ستاندارتتارعا سايكەس كەلتىرىلگەن.
وقۋ ادىستەمەلىك ورتالىعىندا سيمۋلياتسيالىق ورتالىق (17 مانەكەن مەن فانتوم, ونىڭ 4-ءۋى كومپيۋتەرلەندىرىلگەن), انا مەن بالانى قورعاۋ ورتالىعى جانە قوسىمشا ءبىلىم بەرۋ ءبولىمى جۇمىس ىستەيدى.
وقىتۋدىڭ نەگىزگى باعىتتارى: انا مەن بالانى قورعاۋ, امسكك دامىتۋ, قابىلداۋ بولىمشەسىنىڭ جۇمىسىن ۇيىمداستىرۋ, شۇعىل مەديتسينالىق كومەك كورسەتۋ (حالىقارالىق ستاندارتتار: BLS, ACLS, PALS, PHTLS), ەپيدەميولوگيا, كلينيكا, COVID-19 پروفيلاكتيكاسى, COVID-19-عا كۇدىكتى ناۋقاستارمەن قاۋىپسىز جۇمىس.
"بيىلعى جىلى كۆي (كوروناۆيرۋستىق ينفەكتسيانىڭ) دياگنوستيكاسى جانە ەمدەۋ, جاڭا ينفەكتسيالىق كلينيكالاردا جۇمىس ىستەۋ ءۇشىن مەديتسينا قىزمەتكەرلەرىن دايارلاۋ بويىنشا تاقىرىپتار وقىتۋ ءۇشىن باسىم بولدى. وسى وزەكتى تاقىرىپقا شەتەلدىك (يزرايل, گەرمانيا, رەسەي, يسپانيا, انگليا, كورەيا جانە ت.ب.) جانە وتاندىق مامانداردى تارتا وتىرىپ, بىلىكتىلىكتى ارتتىرۋدىڭ 40-تان استام تسيكلى وتكىزىلدى. كۆي (كوروناۆيرۋستىق ينفەكتسيانىڭ) تاقىرىبى بويىنشا تاجىريبەلىك دەنساۋلىق ساقتاۋدىڭ 3 مىڭنان استام قىزمەتكەرى وقىتىلدى. باسقا تسيكلداردا 4,5 مىڭعا جۋىق مامان وقىتىلدى", دەپ حابارلادى سپيكەر.
س.سۇلتانعازيۆانىڭ ايتۋىنشا, جىلدان جىلعا دارىگەرلەر مەن ورتا مەديتسينا قىزمەتكەرلەرىن ديپلومنان كەيىنگى دايارلاۋعا جەرگىلىكتى بيۋدجەتتەن قارجىلاندىرۋ ءوسىپ كەلە جاتقانىن اتاپ وتكىم كەلەدى. وتكەن جىلدارمەن سالىستىرعاندا 2020 جىلى الماتى قالاسىنىڭ مەديتسينا قىزمەتكەرلەرىنىڭ بىلىكتىلىگىن ارتتىرۋعا جەرگىلىكتى بيۋدجەتتەن 60%-دان استام قارجى ءبولىندى.
"2020-2021 وقۋ جىلدارىندا ءبىزدىڭ كوللەدجدە وقۋ ءۇشىن 325 گرانت ءبولىندى, ال الدىڭعى جىلدارى گرانتتار سانى 225-تەن اسپاعان. مۇنىڭ ءبارى الماتى قالاسى اكىمدىگىنىڭ جەرگىلىكتى اتقارۋشى ورگانىنىڭ تاجىريبەلىك دەنساۋلىق ساقتاۋ پروبلەمالارىنا ءجىتى نازار اۋداراتىنىن بىلدىرەدى", دەپ تولىقتىردى ول.
