ادەتتە, سۋ بەتى بىركەلكى ەمەس, بولىك-بولىكپەن قاتادى: الدىمەن جاعالاۋى, سۋدىڭ تاياز جەرى, سودان كەيىن ورتاسى.
ء"بىر سۋ ايدىنىندا ءارتۇرلى بەرىكتىگى مەن ءتۇرلى سالماققا توتەپ بەرەتىن مۇز قالىڭدىعىن بايقاۋعا بولادى", - دەپ اتاپ ءوتتى قۇتقارۋشىلار.
ادامنىڭ مۇزدا قاۋىپسىز بولۋىنىڭ نەگىزگى شارتى مۇز قالىڭدىعىنىڭ سالماققا سايكەستىگى بولىپ تابىلادى:
- ءبىر ادام ءۇشىن مۇزدىڭ قاۋىپسىز قالىڭدىعى 7 سم كەم ەمەس;
- مۇز ايدىنىن سالۋ ءۇشىن مۇزدىڭ قاۋىپسىز قالىڭدىعى 12 سم جانە ودان دا كوپ;
- جاياۋ وتكەلدى جاساۋ ءۇشىن مۇزدىڭ قاۋىپسىز قالىڭدىعى 15 سم جانە ودان كوپ;
- اۆتوموبيلدەر ءوتۋى ءۇشىن مۇزدىڭ قاۋىپسىز قالىڭدىعى - كەمىندە 30 سم.
سونداي-اق, ادام ءومىرىن ساقتاپ قالۋعا مۇمكىندىك بەرەتىن مۇز ۇستىندەگى ەرەجەلەر بار.
1. ەشقانداي جاعدايدا مۇزدا قاراڭعى ۋاقىتتا جانە اۋا-رايى قولايسىز بولعاندا (تۇمان, قار جاۋعان, جاڭبىر) جۇرۋگە بولمايدى.
2.وزەننەن ءوتۋ ءۇشىن مۇز وتكەلدەرىمەن ءجۇرىڭىز.
3. مۇزدىڭ بەرىكتىگىن اياقپەن تەكسەرۋگە بولمايدى. ەگەر اعاشپەن نەمەسە شاڭعى تاياقشاسىمەن سوققاننان كەيىن سۋ كورىنسە, بۇل مۇزدىڭ جۇقا ەكەنىن بىلدىرەدى. ءسىز ونىڭ ۇستىمەن جۇرە المايسىز. بۇنداي جاعدايدا اياقتى مۇزدان اجىراتپاي, يىق تۇسىنا دەيىن اياقتارىڭىزدى اشىپ, سىرعىمالى قادامدارمەن كەلگەن ىزىڭىزبەن دەرەۋ قايتا كەتۋ كەرەك. مۇز جارىلعان نەمەسە شىتىناعان جاعدايدا دا ءدال وسىنداي ارەكەتتەر جاساۋ قاجەت.
4. ەگەر مۇز بەتىنەن وتۋگە ءماجبۇر بولساڭىز, ءجۇرىپ وتكەن جولدىڭ نەمەسە شاڭعى جولىنىڭ ىزىمەن جۇرۋگە تىرىسىڭىز. ەگەر ونداي جول بولماسا, ءسىز اينالاڭىزعا مۇقيات قاراپ, الداعى مارشرۋتتى بەلگىلەۋىڭىز كەرەك.
5. مۇز بەتىنەن توپپەن وتكەن كەزدە ءار ادام اراسىندا 5-6 م قاشىقتىق بولۋ كەرەك.
6. مۇز باسقان وزەندى (كولدى) شاڭعىمەن وتكەن دۇرىس, بۇل رەتتە: قاجەت بولعان جاعدايدا ولاردى تەز شەشۋ ءۇشىن شاڭعىلاردىڭ بەكىتكىشىن اشىڭىز; شاڭعى تاياقتارىن قولىڭىزدا ۇستاڭىز, قاۋىپ تونگەن جاعدايدا ولاردى دەرەۋ تاستاۋ ءۇشىن ىلمەگىن قولىڭىزعا تاقپاڭىز.
7. ەگەر ريۋكزاك ۇستاپ جۇرسەڭىز, ونى ءبىر يىققا ءىلىپ الىڭىز. بۇل مۇز جارىلىپ, سۋعا باتساڭىز, جۇكتەن تەز بوساۋعا كومەكتەسەدى.
8. مۇز باسقان سۋعا ءتۇسۋ ءۇشىن ۇزىندىعى 20-25 مەتر بولاتىن بەرىك سىم جانە ۇلكەن ىلمەك پەن جۇك الىپ ءجۇرۋ كەرەك. جۇك ىلىنگەن سىمدى سۋعا ءتۇسىپ كەتكەن ادامعا لاقتىرۋ وڭاي بولادى, زارداپ شەگۋشى ونى قولتىق استىنا وتكىزىپ, سەنىمدى ۇستاپ تۇرۋى ءۇشىن ىلمەك قاجەت.
9.اتا-انالاردان بالالاردى مۇزعا (بالىق اۋلاۋعا, شاڭعىمەن جانە كونكيمەن سىرعاناۋعا) قاراۋسىز جىبەرمەۋدى سۇرايمىز.
10. سۋ ايدىنىندا ەڭ ءجيى كەزدەسەتىن قايعىلى جاعداي ىشىمدىكتىڭ كەسىرىنەن بولادى. ادام باسىنا تونگەن قاۋىپتى سەزبەي, توتەنشە جاعدايدا دارمەنسىز كۇيدە بولادى.
