مىسالى, تۇركىستان قالاسىندا پارتيا فيليالىنىڭ توراعاسى راشيد ابات ۇلىنىڭ توراعالىعىمەن وتكەن كونفەرەنتسيانىڭ كۇن تارتىبىندە پارتيانىڭ سايلاۋالدى باعدارلاماسىن بەكىتۋ, پىكىرسايىس قورىتىندىلارى بويىنشا كانديداتتار ءۇشىن داۋىس بەرۋ, پارتيالىق ءتىزىمدى بەكىتۋ جانە اتالعان كونفەرەنتسياعا پارتيا قىزمەتكەرلەرى, ساياسي كەڭەس جانە باستاۋىش پارتيا ۇيىمدارى ۇسىنعان دەلەگاتتار ءتىزىمىن بەكىتۋ قارالدى.
ۇمىتكەرلەر پىكىرتالاس بارىسىندا ءوز باعدارلامالارىن بايانداي وتىرىپ, سۇراقتارعا جاۋاپ بەردى. ودان كەيىن ارنايى بولمەدە اراقاشىقتىقتى ساقتاي داۋىس بەرۋ مۇمكىندىگى ۇسىنىلدى. بيىلعى پرايمەريز كوپتەگەن وزگەرىستەرگە باستاۋ بولدى. ەندى الداعى ۋاقىتتا جەرگىلىكتى ءماسليحاتتار, سونىڭ ىشىندە تۇركىستان قالاسىنىڭ ءماسليحات قۇرامى دا كەمىندە 60-70 پايىزعا جاڭارادى دەگەن بولجام بار. كونفەرەنتسيا سوڭىندا تۇركىستان قالاسىنىڭ اكىمى, Nur Otan پارتياسى قالالىق فيليالىنىڭ توراعاسى راشيد ايۋپوۆ 2018-2020 جىلدارى اتقارىلعان جۇمىس پەن جاڭالىقتار كوپ بولعانىن اتاپ ءوتتى.
سونداي-اق كەلەس اۋدانىندا پارتيا فيليالىنىڭ كەزەكتەن تىس ءVىى كونفەرەنتسياسى ءوتتى. وبلىستىق پارتيالىق كانديداتتار تىزىمىنە ۇمىتكەرلەر اراسىندا وتكەن اشىق قوعامدىق پىكىرسايىستىڭ ءبىرىنشى كەزەڭىندە اۋدانداعى پروبلەمالاردى شەشۋ تۋرالى ۇسىنىستار ايتىلسا, ەكىنشى كەزەڭدە كانديداتتار "سۇراق-جاۋاپ" فورماتىندا پىكىرتالاس وتكىزدى. پىكىرسايىستان كەيىن كونفەرەنتسيا دەلەگاتتارى "پرايمەريز" اقپاراتتىق جۇيەسى ارقىلى داۋىس بەرىپ, ءوز تاڭداۋلارىن جاسادى. بەكىتىلگەن تىزىمدەردەن دەپۋتاتتىق كورپۋستىڭ جاڭارعانىن اڭعارۋعا بولادى. سونداي-اق پرايمەريز ەرەجەسىنە ساي ايەلدەر قاۋىمى مەن جاستاردىڭ دا ۇلەس سالماعى تەڭ قاراستىرىلعان.
تۇركىستان وبلىسى
