"شيرەك عاسىردىڭ ىشىندە اسسامبلەيا ناتيجەلى كونسۋلتاتسيالىق-كەڭەس ورگانىنان ءوزىنىڭ پارلامەنتتىك وكىلى بار جالپىحالىقتىق ينستيتۋتقا اينالدى. ول ازاماتتىق قوعامنىڭ ءامباباپ قۇرىلىمىنىڭ بارلىق ۇزدىك سيپاتتاماسىن وزىنە ءسىڭىرىپ, دوستىق, بەيبىتشىلىك, تىنىشتىق پەن سەنىم قازاقستاننىڭ قوعامدىق ءومىرىنىڭ اجىراماس بولىگىنە اينالۋى ءۇشىن ماڭىزدى ۇلەس قوستى. ءدال وسى تاۋەلسىزدىگىمىزدىڭ دامۋى مەن ۇلتتىق قالىپتاسۋ ءۇشىن باستاپقى شارت بولدى. بارلىعىمىز دا بۇل جەتىستىك ەڭ الدىمەن ەلىمىزدىڭ بارلىق ازاماتتارىنىڭ ارقاسىندا ورىن العانىن جاقسى تۇسىنەمىز", دەدى ەلباسى.
تۇڭعىش پرەزيدەنت ەتنوسارالىق, كونفەسسياارالىق كەلىسىمدى بۇزاتىن كەز كەلگەن ارەكەتتىڭ كونستيتۋتسياعا ساي ەمەستىگىن ناقتىلايتىن زاڭ قابىلدانعانىن اتاپ ءوتتى.
"سول ارقىلى ءبىز بارلىق ازاماتتارىمىزدىڭ قۇقىعىن قورعايمىز. بۇل سالاداعى قازاقستان ساياساتى قابىلدانعان بارلىق حالىقارالىق ستاندارتتارعا جاۋاپ بەرەدى. بۇۇ, ەقىۇ سىندى ۇيىمدار ءبىزدىڭ ەتنوسارالىق قارىم-قاتىناس مودەلىمىزگە جانە ۇلتتار بىرلىگىن نىعايتۋعا باعىتتالعان كۇش-جىگەرىمىزگە جوعارى باعا بەرىپ, جۇمىسىمىزدى وزگەلەرگە ۇلگى ەتىپ وتىر. ءبىز "رۋحاني جاڭعىرۋ" دەگەن اتاۋمەن قوعامدىق سانانى جاڭعىرتۋ باعدارلاماسىن باستادىق. ونىڭ ماقساتى − جاڭا شىنايى جاعدايدا حالقىمىزدىڭ ساناسىز, ويلاۋ وبرازىن, ءومىرىن وزگەرتۋ", دەيدى تۇڭعىش پرەزيدەنت.
ەلباسى مۇنى تەرەڭ ءتۇسىنۋ قاجەتتىگىن جانە قازىر ءومىر مۇلدەم وزگەرىپ, قوعامعا تاۋەلسىزدىك جىلدارىندا دۇنيەگە كەلگەن جاڭا بۋىننىڭ كەلگەنىن ناقتىلاي كەتتى.
"سوندىقتان مۇنىڭ ءبارىن قايتا قاراپ, ۋاقىت تالابىنا ساي بولۋىمىز كەرەك", دەدى ەلباسى.
