كوروناۆيرۋس ينفەكتسياسىنىڭ تارالۋى ناتيجەسىندە پايدا بولعان پاندەميا جاعدايىندا دەنساۋلىق ساقتاۋ جۇيەسىن دامىتۋدىڭ بارلىق باعىتتارى بويىنشا كەشەندى جۇمىستار جۇرگىزىلۋدە.
"ۋاقتىلى ءدارى-دارمەكپەن قامتاماسىز ەتۋ, كلينيكالاردىڭ ماتەريالدىق- تەحنيكالىق جابدىقتالۋى, ينفەكتسيالىق توسەك-ورىنداردى ۇلعايتۋ جانە ت.ب. الەۋمەتتىك-ەكونوميكالىق ماسەلەلەردەن باسقا, دەنساۋلىق ساقتاۋ ۇيىمدارىن مەديتسينا كادرلارىمەن قامتاماسىز ەتۋگە ەرەكشە كوڭىل ءبولىندى", دەدى ول.
الماتى قالاسىندا قوعامدىق دەنساۋلىق باسقارماسىنا قاراستى 74 ۇيىم, 20 رەسپۋبليكالىق ۇيىم جانە 93 جەكە مەنشىك نىسانىنداعى ۇيىم جۇمىس ىستەيدى. بۇل ۇيىمداردا 38 مىڭنان استام قىزمەتكەر جۇمىس ىستەيدى.
مەديتسينالىق كادرلارمەن قامتاماسىز ەتۋدى تالداۋ كەزىندە, 2020 جىلعى 01 تامىزداعى جاعداي بويىنشا COVID-19 ەمدەۋگە 27 دەنساۋلىق ساقتاۋ ۇيىمى جۇمىلدىرىلىپ, 6200-عا جۋىق توسەك-ورىن ورنالاستىرىلعانى انىقتالدى. سول كەزدە ينفەكتسيالىق ستاتسيونارلاردا 4035 قىزمەتكەر ەڭبەك ەتتى.
ەپيدەميالىق جاعدايدىڭ تۇراقتالۋىنا بايلانىستى كوپسالالى كلينيكالار قالىپتى رەجيمگە كوشتى. كورونوۆيرۋس ينفەكتسياسى بار جۇقپالى كلينيكالاردا 100-دەن استام ناۋقاس بار, 400-گە جۋىق دارىگەر جانە مەيىرگەرلەر مەن كىشى مەديتسينالىق پەرسونالدار شتاتتىق رەجيمدە.
"جاڭا تولقىن» جاعدايىندا 5500-گە جۋىق مەديتسينالىق كادرلار رەزەرۆتە تۇر. مەديتسينالىق جوعارى وقۋ ورىندارىنىڭ وقىتۋشىلارى, رەزيدەنتتەرى مەن دارىگەر ينتەرندەرىنەن رەزەرۆ قالىپتاستىرىلدى, ولاردىڭ سانى 450-گە جۋىق", دەپ حابارلادى سۆەتلانا سۇلتانعازيەۆا.
