زەينەتكەر وسىنداي سايتتاردىڭ بىرىنە تىركەلىپ, ءوزىنىڭ ساۋالناماسىن قالدىرعان. كوپ ۇزاماي بويجەتكەن حابارلاسىپ, ەكەۋى حات الماسقان. جاڭا تانىسى زەينەتكەرگە كينوعا بارۋدى ۇسىنىپ, پەتروپاۆل قالاسى ينتەرناتسيونال كوشەسى, 66 ۇيدە ورنالاسقان جالعان "Kvadrofilms" سايتىنىڭ مەكەنجايىن جىبەرگەن. ول تاعى كۇنىن, كينو بولاتىن زالدى جانە سەانستىڭ ۋاقىتىن الدىن الا تاڭداۋعا بولاتىنىن ايتىپ تۇسىندىرگەن. سايتقا وتكەن قارت ءوز كارتوچكاسىنىڭ دەرەكتەمەلەرىن قالدىرعان. ءبىراز ۋاقىتتان سوڭ "كينوتەاتر وپەراتورى" حات جازىپ, تەلەفونىنا كەلگەن كودتى ايتۋىن سۇرايدى. ونى ايتىپ بەرگەننەن كەيىن زەينەتكەر ءوزىنىڭ الاياقتاردىڭ ارباۋىنا ءتۇسىپ قالعانىن جانە كارتوچكاسىنان 118 مىڭ تەڭگە اقشاسىنان ايرىلعانىن ءبىر-اق كورەدى.
"قاسكويلەر "جەكە تۇلعالارعا ارنالعان ينتەرنەت-بانكينگ" جانە "SMS-پارولدەردى جەتكىزۋ" سەرۆيستەرىن پايدالانۋ ارقىلى اقشانى جابىرلەنۋشىنىڭ شوتىنان باسقا شوتقا اۋدارعان", دەيدى سقو پوليتسيا دەپارتامەنتى كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى پەتر كليموۆ.
ول قانداي جاعداي بولماسىن ەشكىمگە جەكە دەرەكتەر تۋرالى ايتپاۋدى ەسكەرتتى.
پەتروپاۆل
