مەملەكەت باسشىسى نۇرسۇلتان نازارباەۆ «استاناباسجوسپار» عىلىمي-زەرتتەۋ جوبالاۋ ينستيتۋتىندا» بولدى. ەلباسى قازىرگى ۋاقىتتا بەلسەندى كوشى-قون ۇدەرىسى ەسەبىنەن ەلوردا تۇرعىندارى 900 مىڭ ادامعا جاقىنداپ قالعانىن اتاپ ءوتتى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ «استاناباسجوسپار» عىلىمي-زەرتتەۋ جوبالاۋ ينستيتۋتىندا» بولدى. ەلباسى قازىرگى ۋاقىتتا بەلسەندى كوشى-قون ۇدەرىسى ەسەبىنەن ەلوردا تۇرعىندارى 900 مىڭ ادامعا جاقىنداپ قالعانىن اتاپ ءوتتى, دەپ حابارلادى پرەزيدەنتتىڭ ءباسپاسوز قىزمەتى.
– بۇگىنگى كۇنى ەلوردانى اۋقىمدى كەڭەيتىپ, حالقىنىڭ سانىن 2-3 ملن. تۇرعىنعا جەتكىزۋ جوبالارى جوق. بۇل ءۇشىن كوپ نارسە – كوممۋنيكاتسيالار, سۋمەن جابدىقتاۋ جانە وزگە دە ينفراقۇرىلىمدار جەتكىلىكسىز. سوندىقتان بىرنەشە ماسەلەنى شەشەتىن كەز كەلدى. مىسالى, قالا سىرتىندا جەكە ادامدار كەزىندە ارزان باعامەن ساتىپ العان الاڭدار ءالى كۇنگە دەيىن كوپ. قازىر ولار ول جەرلەردى كەيىن قۇرىلىس سالۋ كەزىندە ساتىپ جىبەرىپ, مەملەكەت ەسەبىنەن «جەڭىل جولمەن» اقشا تابۋ ءۇشىن ۇستاپ وتىر. مەن ول جەرلەردى قايتارىپ الىپ, مەملەكەتتىك ماقساتتاردا پايدالانۋ ءۇشىن تەكسەرۋدى جالعاستىرۋدى پروكۋراتۋراعا ارنايى تاپسىرامىن. ءبىز ولاردىڭ يەلەرى كىمدەر ەكەنىن بىلەتىن بولامىز جانە دارەجەسىنە, لاۋازىمىنا, كىم ەكەندىگىنە قاراماستان, جەر تەلىمدەرى مەملەكەتكە قايتارىلاتىن بولادى, – دەدى قازاقستان پرەزيدەنتى.
مەملەكەت باسشىسى قالا تۇرعىندارىنىڭ الەۋمەتتىك جاعدايىن ودان ءارى جاقسارتۋ جانە ەلوردانىڭ ينفراقۇرىلىمدارىن دامىتۋ شارالارىن قابىلداۋ قاجەتتىگىنە توقتالدى.
– كاسىپورىندار, سونداي-اق, ۇلتتىق كومپانيالار مەكتەپكە دەيىنگى مەكەمەلەر مەن باسقا دا الەۋمەتتىك ماڭىزى بار نىسانداردى وزدەرى تۇرعىزا الادى. بۇل ماسەلەنى ءبىز ارنايى قارايتىن بولامىز. بۇدان بولەك, ەكسپو-2017 حالىقارالىق كورمەسى قارساڭىندا العاشقى جىلدارى اسىعىس سالىنعان ۇيلەردىڭ قاسبەتىن جاقسارتۋدى جالعاستىرۋ قاجەت. سونىمەن قاتار, جەڭىل رەلستى كولىكتى ىسكە قوسۋ ارقىلى كولىك پروبلەمالارىن جانە جوعارى جىلدامدىقتاعى اۆتوبۋس باعدارلارى ءۇشىن جولاقتارعا ءبولۋ ماسەلەسىن دەر كەزىندە شەشكەن ءجون, – دەدى نۇرسۇلتان نازارباەۆ.
سونداي-اق, قازاقستان پرەزيدەنتى ادامدار ەلورداعا كەلگەن بەتتە تۇرعىن ءۇي, مەكتەپكە دەيىنگى مەكەمەلەردەن ورىن جانە ت.ب. الۋعا بىردەن ءوتىنىش بەرىپ جاتاتىنىن, وندايدا جاعدايدى قيىنداتپاس ءۇشىن تۇرعىن ءۇي بەرۋ كەزەگىنە قويۋ تۋرالى ماسەلەنى قاراستىرۋ قاجەتتىگىن ايتتى.
– بۇعان دەيىن ايتقانىمداي, ونداي مۇمكىندىكتەر جوق جانە ءبىز ەلوردا اياسىن شەكسىز كەڭەيتە المايمىز. استانا – ەلىمىزدىڭ اكىمشىلىك ورتالىعى. ول تۇراتىندار ءۇشىن ىقشام ءارى جايلى, قولايلى بولۋعا ءتيىس. ول قالىپتى دامۋ ۇستىندە. ءبىز سالىناتىن قۇرىلىستار پەرسپەكتيۆاسىن زەرتتەۋدى جالعاستىرۋىمىز جانە ەلورداعا كوشىپ كەلگەندە بىردەن پاتەر نەمەسە ءۇي بەرىلەدى دەپ ۇمىتتەندىرمەۋىمىز كەرەك. بارلىق وسى پروبلەمالىق ماسەلەنىڭ تولعاعى جەتتى. مەن مۇقيات دايىندالىپ, ارنايى كەڭەس وتكىزۋدى تاپسىرامىن, – دەدى مەملەكەت باسشىسى.
بۇعان قوسا, نۇرسۇلتان نازارباەۆ ەلوردا ماڭىندا جانە قالا ىشىندە «جاسىل بەلدەۋ» اياسىن ۇلعايتۋ جۇمىستارىن جالعاستىرۋدى تاپسىردى.
استانا قالاسىنىڭ اكىمى يمانعالي تاسماعامبەتوۆ قازاقستان پرەزيدەنتىنە ەلوردا ارحيتەكتۋراسى مەن قالا قۇرىلىسى سالاسىندا جۇرگىزىلىپ جاتقان جۇمىس جونىندە بايانداپ, قالا قۇرىلىسى تۋرالى جوبالىق ۇسىنىستاردى قاراۋعا ۇسىندى, سونداي-اق, قابىلدانعان جوبالاردىڭ ىسكە اسىرىلۋ بارىسى جايىندا حاباردار ەتتى.
سوڭىنان مەملەكەت باسشىسى قارالعان ماسەلەلەر جونىندە ءتيىستى مەملەكەتتىك ورگاندارعا بىرقاتار ناقتى تاپسىرمالار بەردى.
سۋرەتتى تۇسىرگەندەر
س.بوندارەنكو, ب.وتارباەۆ.
