كەلۋشىلەر ونىڭ كومەگىمەن قىزمەت كورسەتۋ پروتسەسى, مادەنيەتى جانە ءبولىمنىڭ ينفراقۇرىلىمى سياقتى جايتتەر بويىنشا ءوز پىكىرلەرىن قالدىرا الادى. بۇگىندە 500-دەن استام ازامات بۇل ءتاسىلدى قولدانىپ, حالىققا قىزمەت كورسەتۋ بولىمدەرىنىڭ جۇمىس ساپاسىن باعالاپ ۇلگەردى.
قىزمەت الۋشىلار ەلىمىزدەگى 339 بولىمدە, سونىڭ ىشىندە الماتىداعى 15 بولىمدە QR كودى ورناتىلعان ستەندتەردى تابا الادى. QR كودتى وقىپ-تانيتىن قوسىمشانى پايدالانۋ ارقىلى كليەنتتەر سمارتفونداعى ساۋالناما پاراعىنا بىردەن وتەدى. ازاماتتار وندا وپەراتوردىڭ جۇمىسىنا كوڭىلى تولعانىن, قىزمەتتى الۋ ىڭعايلى بولعان/بولماعانىن, قاجەت اقپاراتتى الا العانىن ايتىپ بەرە الادى. سونىمەن قاتار قىزمەت الۋشىلاروزدەرىنىڭ تىلەك-پىكىرلەرىن فرونت-وفيس فوتوسۋرەتىن نەمەسە بەينەسىن جۇكتەۋ ارقىلى دا بىلدىرە الادى.
اتالعان كەرى بايلانىس كەلۋشىلەردىڭ مەملەكەتتىك كورپوراتسيانىڭ قىزمەتى تۋرالى پىكىرىن ءبىلۋ جانە ولاردىڭ قاناعاتتانۋ دەڭگەيىن انىقتاۋ ءۇشىن قاجەت. سونداي-اق, ساۋالناما ناتيجەلەرى بولىمدەردەگى كەمشىلىكتەردى انىقتاۋعا جانە ولاردى جەدەل جويۋعا مۇمكىندىك بەرەدى.
ايتا كەتەيىك, ساۋالناما سۇراقتارىنا مەملەكەتتىك كورپوراتسياسىنىڭ gov4c.kz رەسمي ينتەرنەت-رەسۋرسىنداعى«كەرى بايلانىس» بولىمىنە ءوتۋ ارقىلى دا جاۋاپ بەرۋگە بولادى.
