قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگىنىڭ "قازسۋشار" رمم باستاماسىمەن پاۆلودار وبلىسىنىڭ ماي اۋدانىندا جەرگىلىكتى توپتىق سۋ قۇبىرىن رەكونسترۋكتسيالاۋ جوباسى جۇزەگە استى. ناتيجەسىندە, 11 مىڭ ادام تۇراتىن 16 ەلدى مەكەندى تازا اۋىز سۋمەن قامتۋعا مۇمكىندىك بەرەتىن سۋ تازالاۋ ستانساسى ىسكە قوسىلدى.
سۋ قۇبىرىنىڭ ۇزىندىعى 148, 7 شاقىرىمدى قۇرايدى. سۋ كوزى – جەر استى سۋلارى. جوبالىق ونىمدىلىگى – تاۋلىگىنە 4150 مەتر كۋب. جوبا قۇنى 5 ملن تەڭگەدەن اسادى.
ماي توپتىق سۋ قۇبىرىنىڭ رەكونسترۋكتسياسى مەن سۋ تازارتۋ ستانتسياسى ىسكە قوسىلعاننان كەيىن اۋدان تۇرعىندارى تەك تازا اۋىز سۋعا قولجەتكىزىپ قانا قويعان جوق, سونىمەن بىرگە تۇرمىستىق قاجەتتىلىك پەن شارۋاشىلىققا دا تازارتىلعان سۋ پايدالانادى.
ايتا كەتەيىك, جەرگىلىكتى حالىقتى تازا اۋىز سۋمەن قامتۋ ءۇشىن 2018 جىلى ماي توپتىق سۋ قۇبىرىن رەكونسترۋكتسيالاۋ جۇمىسى باستالدى. رەكونسترۋكتسيالاۋ جوباسىندا ەرتىس وزەنى القابىنداعى ۇزىندىعى 148,7 كم باستوعانىن قالپىنا كەلتىرۋ قاراستىرىلعان. جوبانىڭ جۇزەگە اسۋى كلاسسيكالىق تەحنيكالىق سۋ تازالاۋ تەحنولوگياسىمەن سالىستىرعاندا شايىندى سۋلاردىڭ كولەمىن ازايتۋعا مۇمكىندىك بەردى.
