مادەنيەت جانە سپورت مينيسترلىگى ءباسپاسوز قىزمەتىنىڭ حابارلاۋىنشا, The New York Times-تا جاريالانعان ماتەريال الەمدەگى ەڭ تانىمال ءارى وقىرمانى كوپ ونداعان ونلاين-باسىلىمدارعا تارالدى. ولاردىڭ ىشىندە: Huffington Post, The Guardian, Insider.com, Forbes.com, Yahoo.com, CNN, BBC, Daily Mail جانە باسقا تىلدەردەگى كوپتەگەن باسىلىمدار بار. «Kazakhstan. Very Nice» بەينەروليگى YouTube پلاتفورماسىندا قازىردىڭ وزىندە 900 مىڭعا جۋىق قارالدى. جەلى قولدانۋشىلارى, سونداي-اق كوممۋنيكاتسيا جانە تۋريزم سالاسىنداعى كاسىبي ماماندار ناۋقاننىڭ وزەكتىلىگى مەن بىرەگەيلىگىن اتاپ ءوتتى. الەمنىڭ بەدەلدى جوعارى وقۋ ورىندارىنىڭ ءبىرى – New York University جارناما ناۋقانىن جاساۋشىلاردان ء«تۋريزمدى باسقارۋ» باعدارلاماسى بويىنشا وقىپ جاتقان ماگيسترانتتارعا ءدارىس وتكىزىپ بەرۋدى سۇراعان بولاتىن.
وسى رەتتە Kazakh Tourism ۇك اق باسقارما توراعاسىنىڭ ورىنباسارى قايرات سادۋاقاسوۆ «تۋردەستيناتسيالاردىڭ ماركەتينگى» ءپانى بويىنشا «فيلم – ءتۋريزمنىڭ دەستيناتسيالاردى ىلگەرىلەتۋدەگى ءرولى» اتتى تاقىرىپتا ءدارىس وقىدى. «بۇل قازاقستاندىق تۋريزم تاريحىنداعى ەڭ جىلدام ۇيىمداستىرىلعان جانە ەڭ جەڭىستى ناۋقان. سيتۋاتسيالىق ماركەتينگ ءساتتى جۇزەگە اسىرىلۋى, اسىرەسە تۋريزمدە, بىرقاتار فاكتورلارعا بايلانىستى. بۇل جىلدام شەشىم قابىلداۋ, جەتە ويلاستىرىلعان تۇجىرىمداما جانە جارناما مانماتىنىندە قويىلاتىن مەسسەدج», دەدى ق.سادۋاقاسوۆ.
ءسوز سوڭىندا سپيكەر ناۋقاننىڭ باستى ماقساتى اقش پەن ەۋروپادان كەلەتىن ساياحاتشىلار اراسىندا قازاقستاندى تانىمال ەتۋ ەكەنىن اتاپ كورسەتتى.
