ونىڭ بىرەۋى قىزىلجار اۋدانىنا شىعاتىن جولدا ورنالاسقان. "حالىقتىڭ اماندىعىن قامتاماسىز ەتەتىن ۇيىمداردىڭ قىزمەتكەرلەرى, قالاعا مەديتسينالىق كورسەتكىشتەر بويىنشا كەلەتىندەر, ءتيىستى راستاۋ قۇجاتتارى بار جۇمىسقا كەلۋشىلەردىڭ ءجۇرىس-تۇرىسى شەكتەلمەيدى. قالاعا كىرگىسى كەلەتىن باسقا ازاماتتاردا پتسر-تەست بولۋى ءتيىس", دەدى سقو پد جەرگىلىكتى پوليتسيا قىزمەتى باسقارماسىنىڭ باستىعى, پوليتسيا پودپولكوۆنيگى ايدىن بايماتوۆ.
جالپى, ءوڭىر بويىنشا 12 كارانتيندىك بەكەت بار. بەكەتتە كەزەكشىلىك اتقاراتىن پوليتسيا قىزمەتكەرلەرى رۇقساتتى پلانشەتتەر ارقىلى تەكسەرەدى, ال بەلگىلى ءبىر سەبەپتەرمەن بازاعا ۋاقتىلى تىركەلۋگە ۇلگەرمەگەن ازاماتتاردا جۇمىس ورنىنان انىقتاماسى بولۋى ءتيىس.
