كەيبىر ينتەرنەت-سايت پەن الەۋمەتتىك جەلىدە قازاقستان ازەربايجانعا قارۋ جەتكىزە باستادى دەگەن حابارلاما تاراعان. بۇل اقپارات − فەيك. يندۋستريا جانە ينفراقۇرىلىمدىق دامۋ مينيسترلىگى مالىمەتتىڭ شىندىققا جاناسپايتىنىن ايتىپ, جوققا شىعاردى.
"قازاقستان الەمدىك قاۋىمداستىق الدىنداعى بارلىق مىندەتىن ورىندايدى جانە باسقا ەلدەرگە قارۋ جەتكىزۋ نيەتى جوق. ماقالادا كورسەتىلگەن مالىمەتتەر شىندىققا جاناسپايدى جانە ونىڭ ەشقانداي نەگىزدەمەسى جوق", دەلىنگەن ۆەدومستۆونىڭ حابارلاماسىندا.
ەسكە سالا كەتەيىك, يدم ازاماتتىق اۆياتسيا كوميتەتىنىڭ مالىمەتىنشە, 2020 جىلعى 2-3 قاراشادا Silk Way West Airlines اۋەكومپانياسى نۇر-سۇلتان جانە باكۋ اراسىندا رەيس جاساماعان.
