مەملەكەت باسشىسىنىڭ بۇل ماسەلەگە نازار اۋدارۋى تەگىن ەمەس. وسى سالانى جەتىلدىرە ءتۇسۋ, قىزمەت كورسەتۋ ساپاسىن ارتتىرۋ بۇگىنگى كۇنى كەزەك كۇتتىرمەيتىن ماسەلە. جۋىردا سولتۇستىك قازاقستان وبلىستىق مەملەكەتتىك قىزمەت دەپارتامەنتىنىڭ باسشىسى ەلەنا ستەپانەنكو جۋرناليستەرگە وسى جولداۋدىڭ تالاپتارىن ىسكە اسىرۋ اياسىندا اتقارىلىپ جاتقان جۇمىستار جانە 9 ايدىڭ قورىتىندىسى تۋرالى ايتىپ بەرگەن ەدى.
ۇستىمىزدەگى جىلدىڭ 9 ايىندا مەملەكەتتىك قىزمەت دەپارتامەنتىنىڭ مالىمەتىنە قاراعاندا جەرگىلىكتى اتقارۋشى ورگاندار حالىققا بارلىق قىزمەتتىڭ 92,5%-ىن ەلەكتروندى تۇردە كورسەتكەن. بۇل شامامەن 3,8 ملن قىزمەت دەگەن ءسوز. ال بارلىق قىزمەت سانى 4,8 ملن بولعان. 2019 جىلدىڭ سايكەس مەرزىمىمەن سالىستىرعاندا بۇل 14% كوپ. قازىر قاعاز تۇرىندە ۇسىنىلاتىن قىزمەتتەر سانىنىڭ قىسقارتىلۋى جالعاسۋدا. سونىڭ ىشىندە مەملەكەتتىك كورپوراتسيا بولىمدەرى ارقىلى كورسەتىلگەن قىزمەتتەر 2 ەسە, بالاما قىزمەتتەر 3 ەسە ازايدى. سونىمەن قاتار, ەلباسىنىڭ ەلەكتروندى مەملەكەتتىك قىزمەتتەردى دامىتۋ جانە ەلەكتروندى قىزمەتتەر ۇلەسىن 90%-عا دەيىن جەتكىزۋ جونىندەگى تاپسىرماسىن ەسكەرە وتىرىپ, دەپارتامەنت ء«بىر ءوتىنىش» نەگىزىندە بىرنەشە مەملەكەتتىك قىزمەت كورسەتۋ ءۇشىن قىزمەتتەر تىزىلىمىنە, قىزمەت كورسەتۋ بارىسىندا قولدانىلاتىن اقپاراتتىق جۇيەلەرگە تالداۋ جاساۋدا. ماسەلەن, بيىل اگەنتتىككە تۋىلعان بالانى اسىراپ الۋ جانە قامقورلىققا الۋ قىزمەتىن «بالانىڭ تۋى مەن كۇتىمى بويىنشا جاردەماقى تاعايىنداۋ» قىزمەتىمەن بىرگە پرواكتيۆتى نىساندا كورسەتۋ جونىندەگى ۇسىنىس جىبەرىلگەن. سونداي-اق 146 قىزمەت بويىنشا پروبلەمالىق ماسەلەلەر تۋىنداعان. ولاردى جويۋ جونىندەگى ۇسىنىستار دا اگەنتتىككە جولدانىپتى. سونىڭ ىشىندە وڭ شەشىمىن تاپقان ماسەلەلەردىڭ ءبىرى – وبلىستىڭ شارۋا قوجالىقتارىنا تىڭايتقىشتار قۇنىن تولەۋ ءۇشىن سۋبسيديا ءبولۋ جونىندەگى وتىنىشتەرىن بەرۋىنە مۇمكىندىك تۋعان. قازىر ولار سۋبسيديالاردى رەسىمدەي باستادى.
ەلەكتروندى نىسانعا اۋىستىرىلعان مەملەكەتتىك قىزمەتتەردىڭ قولجەتىمدىلىگىنە مونيتورينگ جاسالعاندا دا كەيبىر پروبلەمالاردىڭ بارى انىقتالعان. مىسالى, بۇگىنگى كۇنى م ۇلىك سالىعىن ەسەپتەۋدە پروبلەما تۋىنداپ وتىر. ويتكەنى, مەملەكەتتىك ورگانداردىڭ اقپاراتتىق جۇيەلەرىندە اقاۋلار پايدا بولۋدا. سوندىقتان ەسەپتەلگەن سالىقتار بويىنشا تۇزەتۋلەر ەنگىزۋ ماقساتىندا مەملەكەتتىك كىرىستەر ورگاندارىمەن «ە-سالىق» قوسىمشاسى جاسالعان.
ەلەكتروندى قىزمەتتەردى ىسكە اسىرۋدا «وزىنە-ءوزى قىزمەت كورسەتۋ» سەكتورلارى ەرەكشە ورىن الۋدا. قازىر وبلىستا سونداي 828 سەكتور قىزمەت ەتۋدە, سونىڭ ىشىندە بيىل عانا 127 سەكتور قوسىمشا اشىلعان.
وبلىس ورتالىعىندا 123 بۇرىش بار, ولاردىڭ بارلىعى 2 Gis قوسىمشاسىنا ەنگىزىلگەن, قالعاندارى, ياعني 85,1% اۋىلدىق ەلدىمەكەندەر مەن اۋدان ورتالىقتارىندا ورنالاسقان. «وزىنە-ءوزى قىزمەت كورسەتۋ» بۇرىشتارى ارقىلى الىنعان قىزمەتتەر سانى بىلتىرعى جىلمەن سالىستىرعاندا 27 مىڭعا ۇلعايدى.
پرەزيدەنت ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ شەڭبەرىندە وبلىس اكىمدىكتەرى سەرۆيستىك اكىمدىكتەر فورماتىنا كوشۋدە. قازىر بارلىق 13 اۋداننىڭ 12-ىندە اشىق اكىمدىكتەر قىزمەت ەتۋدە. سونىمەن قاتار, پەتروپاۆل قالاسىنىڭ اشىق اكىمدىگى جانىندا بىلتىردان باستاپ «109 iKomek» بىرىڭعاي انىقتامالىق قىزمەتى جۇمىس ىستەي باستادى.
سونىمەن بىرگە «اگرو ۇيدە» «اگرو كومەك» سەرۆيس ورتالىعى اشىلدى, مۇندا اۋىلشارۋاشىلىق سالاسىنىڭ 5 باعىتى بويىنشا 5 مامان كەڭەستىك كومەك كورسەتۋدە. دەپارتامەنت قىزمەتكەرلەرى جۇمىس قابىلەتتەرى جانە جايلى جاعدايلاردىڭ جاسالۋىنا مونيتورينگ جۇرگىزىپ, قىزمەت كورسەتۋ ۇدەرىستەرىن جەتىلدىرۋ بويىنشا ۇسىنىستار ەنگىزۋدە.
اعىمداعى جىلى ۇزدىكسىز جۇمىستى قامتاماسىز ەتۋ ءۇشىن سۇرانىسقا يە جانە اسا ماڭىزدى مەملەكەتتىك قىزمەتتەردى «ەلەكتروندى ۇكىمەت» پورتالى, «eGovmobile» ءموبيلدى قوسىمشاسى جانە Telegram مەسسەندجەرى ارقىلى الۋ مۇمكىندىگىن تۇسىندىرەتىن 83 وقىتۋ نۇسقاماسى ازىرلەندى. سونىمەن قاتار, بۇل اقپارات Instagramداعى «eGOV-تا قالاي مەملەكەتتىك كورسەتىلەتىن قىزمەتتەردى الۋعا بولادى» دەگەن پاراقشادا ورنالاستىرىلعان. نۇسقامالار ۇيك, ەرىكتىلەر جانە كوممۋنالدىق قىزمەتتەر تۇتىنۋشىلارىنىڭ جەكە كابينەتتەرى ارقىلى تاراتىلعان. ازىرگە وعان 4520 جەكە تۇلعا جانە 3035 زاڭدى تۇلعا كىرگەن. ەلەكتروندى تسيفرلى قول قويۋدى (ەتسق) قاشىقتان الۋ ءۇشىن eGov mobile, Digital agent قوسىمشالارى بويىنشا تۇبىرتەكتەرمەن بىرگە ءتۇسىندىرۋ كىتاپشالارى مەن پاراقشالارى قوسا جىبەرىلەدى.
بىلتىرعىمەن سالىستىرعاندا كورسەتىلگەن مەملەكەتتىك قىزمەتتەر سالاسىنداعى اكىمشىلىك قۇقىق بۇزۋشىلىقتار سانى 4,7 ەسە تومەندەدى. مەملەكەتتىك قىزمەت كورسەتۋ جانە مەملەكەتتىك ورگانداردىڭ جۇمىسىنا قاتىستى دەپارتامەنتكە بارلىعى 36 ءوتىنىش ءتۇسىپ, ولاردىڭ التاۋىنىڭ بۇزىلعان قۇقىقتارى تولىق قالپىنا كەلتىرىلگەن. مىسالى, «پۋشكين» جشس شاعىمىنىڭ ەسىل اۋدانىنىڭ جەر كاداسترى ءبولىمىنىڭ ۇستىنەن جەر ۋچاسكەسىنىڭ قۇنىن انىقتاۋ بويىنشا قاتەلىك جىبەرىلگەنى تۋرالى شاعىمى انىقتالدى. دەپارتامەنت ۇسىنىستارىن جىبەرگەنىنەن كەيىن ارتىق تولەنگەن قاراجات ءوتىنىش يەسىنىڭ شوتىنا قايتارىلدى.
الايدا باياندامادا پرەزيدەنتتىڭ جولداۋىنداعى تاعى ءبىر تالابى – مەملەكەتتىك قىزمەتشىلەر سانىنىڭ قىسقارتىلۋى بويىنشا ەشقانداي دەرەكتەر ايتىلمادى. ونىڭ ۇستىنە ناقتى فاكتىلەر كورسەتىلمەي, جالپىلاما ايتىلعان جايلار جۋرناليستەر تاراپىنان نارازىلىق تۋدىردى.
سولتۇستىك قازاقستان وبلىسى
