يۆان يارىگيندى ەسكە الۋعا ارنالعان حالىقارالىق تۋرنير – ىندەت باستالعالى بەرى UWW ۇيىمداستىرعان العاشقى جارىس. باسەكەدە ەركىن, گرەك-ريم كۇرەستەرىنەن بولەك, جاعاجاي كۇرەسىنىڭ وكىلدەرى دە باق سىناۋدا. جاعاجاي كۇرەسىندەگى بالۋاندار دوداسى ءۇشىن سپورت سارايىنا 70 توننا قۇم كىرگىزىلگەن.
تۋرنيرگە توعىز ەلدىڭ بالۋاندارى قاتىسىپ جاتىر. اتاپ ايتار بولساق, رەسەي, ازەربايجان, قىرعىزستان, وزبەكستان, ارگەنتينا, باحرەين, رۋمىنيا, سولتۇستىك ماكەدونيا جانە تۇركيا سپورتشىلارى ءوزارا مىقتىنى انىقتايدى. سونداي-اق گران-پري ءتۋرنيرى بارىسىندا نەناد ءلالوۆيچتىڭ قاتىسۋىمەن UWW كوميسسياسىنىڭ ونلاين وتىرىسى وتەدى.
